Reuters ສໍານັກຂ່າວຜູ້ໃຫ້ບໍລິການຂໍ້ມູນທາງການເງິນ ເເລະ ຂ່າວ, ໄດ້ລາຍງານວ່າ ບໍລິສັດ Voyager Digital ໄດ້ຮັບການອະນຸມັດຈາກສານໃຫ້ຂາຍສິນຊັບດິຈິຕອລ ເເລະ ໂອນລູກຄ້າໄປຫາ Binance US ໃນຂໍ້ຕົກລົງມູນຄ່າ 1,3 ຕື້ໂດລາ.

Binance.us ໄດ້ຮັບສິດໃນການເຂົ້າເຖິງສິນຊັບດິຈິຕອລຂອງ Voyager Digitalໃນເຂດພາກໃຕ້ຂອງເມືອງ New York. ຜູ້ພິພາກສາທີ່ຮັບຜິດຊອບຕໍ່ຄະດີທີ່ໄດ້ລະບຸວ່າ: ການຄັດຄ້ານຂອງສຳນັກງານຄະນະກໍາມະການຫຼັກຊັບ ແລະ ຕະຫຼາດຫຼັກຊັບສະຫະລັດອາເມຣິກາ ຫຼື SEC ເເມ່ນສິ່ງທີ່ “ບໍ່ຈະເເຈ້ງ”

ໂດຍກ່ອນໜ້າ ມີລາຍງານຂ່າວອອກມາວ່າ William Uptegrove ທະນາຍຄວາມອາວຸໂສຂອງສະຫະລັດອາເມຣິກາ ໄດ້ຍົກເອົາຄວາມຄິດເຫັນຂອງເຈົ້າຫນ້າທີ່ຈາກສຳນັກງານ, ເຊິ່ງເບິ່ງວ່າ Binance US ອາດຈະເປັນສູນກາງການຄ້າທີ່ບໍ່ໄດ້ລົງທະບຽນ.

“ເຈົ້າໜ້າທີ່ຂອງ SEC ກ່າວວ່າ: ການສະເໜີຂາຍຫຼຽນ VGX ຂອງ Voyager ແມ່ນການເຮັດທຸລະກໍາທີ່ກ່ຽວຂ້ອງກັບຫຼັກຊັບ ແລະ ເຊື່ອວ່າ Binance US ກຳລັງໃຫ້ບໍລິການຊື້ຂາຍຫຼັກຊັບໂດຍບໍ່ໄດ້ລົງທະບຽນຢູ່, ທະນາຍຄວາມອາວຸໂສຂອງ Sec ກ່າວ.

ຢ່າງໃດກໍ່ຕາມ Michael Wiles ຜູ້ພິພາກສາຂອງສະຫະລັດ ໄດ້ອະນຸມັດແຜນການດັດເເປງໂຄງສ້າງຂອງ Voyager ທີ່ໄດ້ຕົກລົງທີ່ຈະຂາຍຊັບສິນໃຫ້ກັບ Binance US ຫຼັງຈາກ 4 ວັນໃນການພິຈາລະນາຄະດີ. ໂດຍຂໍ້ຕົກລົງທີ່ຈະຈ່າຍເງິນຈໍານວນ 20 ລ້ານໂດລາສະຫະລັດໃຫ້ກັບ Voyager ເເລະ Crypto ທີ່ລູກຄ້າຂອງ Voyager ຝາກໄວ້ກວ່າ 1,3 ຕື້ໂດລາສະຫະລັດ.

ທີ່ມາ : https://cutt.ly/g8ZLBCG