ອີງຕາມການລາຍງານຈາກສື່ຂ່າວ Wall Street Journal, ໃນວັນທີ 8 ເດືອນມີນາທີ່ຜ່ານມາ. Joe Biden ປະທານາທິບໍດີສະຫະລັດໄດ້ສະເໜີໃຫ້ເພິ່ມພາສີ Crypto ໃນເເຜນງົບປະມານ 2024, ໂດຍການປ່ຽນເເປງກົດການເກັບພາສີນີ້ຈະມີຜົນກະທົບຕໍ່ນັກລົງທຶນ Crypto ໃນສະຫະລັດໂດຍກົງ.

ແຜນງົບປະມານຂອງ Biden ມີເປົ້າໝາຍເນັ້ນໜັກໄປທີ່ການຫຼຸດຜ່ອນການຂາດດຸນຂອງລັດຖະບານກາງລົງ 3ພັນຕື້ໂດລາສະຫະລັດໃນໄລຍະ 10 ປີນີ້, ໂດຍການເພິ່ມພາສີ crypto ອີກ 24 ຕື້ໂດລາ, ເຊິ່ງແມ່ນສ່ວນໜຶ່ງຂອງເເຜນງົບປະມານໃນປີ 2024.

ນະໂຍບາຍພາສີ Crypto ໃໝ່ນີ້ອາດຈະມີຜົນກະທົບຕໍ່ນັກລົງທຶນໃນການຊື້ຂາຍ Crypto, ເນື່ອງຈາກການປ່ຽນແປງກົດຂອງພາສີນີ້ອາດຈະສົ່ງຜົນໃຫ້ນັກລົງທືນຂາຍສິນຊັບ ແລະ ນໍາເອົາເງິນລົງທຶນບາງສ່ວນອອກມາ ເຮັດໃຫ້ຂາດທຶນ, ຫຼັງຈາກນັ້ນ ຈຶ່ງນຳໄປຫຼຸດຜ່ອນຄ່າພາສີ ກ່ອນທີ່ຈະກັບມາລົງທຶນໃໝ່ອີກຄັ້ງ ເຊິ່ງນີ້ຖືເປັນການກະທຳທີ່ຜິດກົດໝາຍ.

ເຖິງແມ່ນວ່າ Baiden ຈະແມ່ນຜູ້ນໍາ ແລະ ສະພາສູງຈາກພັກປະຊາທິປະໄຕ (Democratic Party) ກໍຕາມ, ເເຕ່ຂໍ້ສະເໜີດັ່ງກ່າວອາດຈະບໍ່ປະສົບຜົນສໍາເລັດ. ເນື່ອງຈາກການຕໍ່ຕ້ານຂອງຈາກພັກ Republican, ເຊິ່ງມີສິດສຽງຄ່ອນຂ້າງຫຼາຍໃນສະພາໃນປັດຈຸບັນ, ທັງນີ້ ຄາດວ່າ Baiden ຈະເປີດເຜີຍງົບປະມານໃໝ່ໃນວັນພະຫັດ 9 ເດືອນມີນາ.

ຢ່າງໃດກໍ່ຕາມ, ການປ່ຽນແປງນີ້ຍັງບໍ່ຜົນບັງຄັບໃຊ້. ສະນັ້ນ, ການຕັດສິນໃຈການລົງທຶນໃນ Crypto ຈະຕ້ອງພິຈາລະນາປັດໃຈອື່ນໆ, ລວມທັງຄວາມສ່ຽງ ແລະ ຜົນກະທົບຂອງນະໂຍບາຍອື່ນໆໃນອະນາຄົດ.

ທີ່ມາ : https://cutt.ly/L8Z24Vc