Axie Infinity ເປັນເກມທີ່ຫຼິ້ນເພື່ອຫາລາຍໄດ້ ເປັນທີ່ຮູ້ຈັກວ່າເປັນເສດຖະກິດໃນເກມ ເຊິ່ງໃຊ້ສະກຸນເງິນດິຈິຕອລແບບ Ethereum, ໄດ້ກາຍເປັນທີ່ນິຍົມຢ່າງຫຼວງຫຼາຍໃນປີກາຍນີ້. Axie Infinity ໄດ້ປະກາດເປີດໂຕເກມມິນິເກມທຳອິດຢ່າງເປັນທາງການຜ່ານທາງສື່ສັງຄົມອອນລາຍທີ່ມີຊື່ວ່າ Axie Infinity: Raylights ເຊິ່ງເປັນເກມໃນສະໄຕລ໌ປູກດອກໄມ້ທີ່ເຂົ້າໃຈງ່າຍ, ບໍ່ສັບສົນ, ສາມາດຫຼິ້ນຜ່ານເວັບໄຊໄດ້ ບໍ່ຈຳເປັນຕ້ອງດາວໂຫຼດ, ຕອນນີ້ເປີດໃຫ້ບໍລິການຢູ່ໃນ mainnet ແລ້ວ.

Raylights ສາມາດຫຼິ້ນໄດ້ໂດຍກົງຜ່ານເບົາເຊີ. ເຊີ່ງເກມຈະອະນຸຍາດໃຫ້ຜູ້ຫຼິ້ນໃຊ້ຄວາມສາມາດຂອງ Axies ເພື່ອຜະສົມແຮ່ທາດຕ່າງໆໃນການປູກພືດແລະໄດ້ຮັບລາງວັນສູງສຸດ.

ໂດຍຜູ້ຫຼິ້ນຕ້ອງນໍາເອົາແຮ່ທາດຈາກສ່ວນປະກອບຕ່າງໆລົງໄປໃນເເປງດິນແລະຈັບຄູ່ກັບ Axies ເພື່ອປູກຝັງ. ສ່ວນປະສົມແຮ່ທາດທີ່ແຕກຕ່າງກັນຈະສົ່ງຜົນໃຫ້ເຮົາໄດ້ພືດຊະນິດໃໝ່ ເຊິ່ງໃນເກມຈະມີພືດຫລາຍເຖິງ 300 ຊະນິດ.

ນອກຈາກປະສົບການການຫຼິ້ນເກມທີ່ທັນສະໄໝແລ້ວ, ໂລກຂອງ Raylights ຍັງລວມເອົາສິ່ງອໍານວຍຄວາມສະດວກໃຫ້ແກ່ຜູ້ຖືທີ່ດິນຂອງເກມຄ້າຍຄືກັນກັບຜູ້ຖື Axies ຂອງ Axie Infinity, ທີ່ດິນເຫຼົ່ານີ້ສາມາດເຂົ້າເຖິງຫ້ອງສະຫມຸດເເລະເນື້ອຫາທີ່ບໍ່ມີສິ້ນສຸດທີ່ເປີດໃຊ້ໂດຍເຕັກໂນໂລຢີ Web3.

Raylights ເປີດຕົວພາຍໃຕ້ການດູເເລຂອງ Sky Mavis ເປັນຜະລິດຕະພັນຂອງ Quicksave ສະຕູດິໂອເກມ Web3 ຂອງປະເທດຟິນເເລນ. Raylights ຕ້ອງປະເຊີນໜ້າກັບສິ່ງທ້າທາຍທີ່ສໍາຄັນຂອງ GameFi ໃນແງ່ຂອງການຫຼິ້ນແບບຢັ້ງຢຶນບໍ່ໄດ້ເປີດມາເເລ້ວດັບໄປຄືຫຼາຍໆເກມທີ່ຜ່ານມາ , ເຊິ່ງ Quicksave ແລະ Sky Mavis ຍັງລໍຖ້າເບິ່ງຜົນການຕອບຮັບຈາກຜູ້ຫຼິ້ນ Raylights ໃນຍຸກບຸກເບິກນີ້ຢູ່ ທີ່ມາ : https://cutt.ly/iBmXT5T

** ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

Follow our channels for more updates:

Website: www.bitqik.com
bitqik Suport :  https://support.bitqik.com/
bitqik Insight: https://insight.bitqik.com/
Facebook: https://www.facebook.com/bitqik/
Tiktok: https://vt.tiktok.com/ZSdT86ut3/
Youtube :ps:/www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial
Facebook Academy: https://www.facebook.com/profile.php?id=100086347500753

bitqik #bitcoin #cryptocurrency#Laos