ຄະນະກໍາມະການຫຼັກຊັບ ແລະ ຕະຫຼາດຫຼັກຊັບສະຫະລັດ (SEC) ໄດ້ຍື່ນຄໍາຟ້ອງຮ້ອງເພື່ອຄັດຄ້ານຕໍ່ການຂາຍຊັບສິນຂອງ Voyager Digital ໃຫ້ກັບ crypto exchange Binance.US ໃນຂໍ້ຕົກລົງມູນຄ່າ 1 ຕື້ໂດລາ. 

ອີງຕາມການຍື່ນເອກກະສານຟ້ອງຮອງຕໍ່ສານຂອງນິວຢອກໃນວັນພຸດທີ່ຜ່ານມາ, SEC ໄດ້ກ່າວຫາວ່າ ການເຮັດທຸລະກໍາດັ່ງກ່າວຈະກ່ຽວຂ້ອງກັບການຂາຍຫຼັກຊັບທີ່ບໍ່ໄດ້ລົງທະບຽນ. 

ໃນເດືອນທັນວາປີກ່ອນ Voyager Digital ໄດ້ເຮັດຂໍ້ຕົກລົງກັບ Binance.US ເພື່ອຂາຍຊັບສິນຂອງຕົນໃຫ້ກັບ American exchange. ເມື່ອສໍາເລັດຕາມສັນຍາທີ່ຕົກລົງໄວ້ເເລ້ວ ຜູ້ໃຊ້ຂອງ Voyager ສາມາດເຂົ້າເຖິງກອງທຶນຂອງພວກເຂົາໃນເເພລັດຟອມ Binance.US. 

ໃນເດືອນມັງກອນ, CryptoPotato ລາຍງານວ່າ SEC ຄັດຄ້ານຕໍ່ຂໍ້ຕົກລົງດັ່ງກ່າວຍ້ອນວ່າໃນຂໍ້ຕົກລົງບໍ່ມີລາຍລະອຽດກ່ຽວກັບການຈ່າຍຄືນຂອງລູກຄ້າ. ຄະນະກໍາມະການໄດ້ຮຽກຮ້ອງໃຫ້ Voyager ໃຫ້ລາຍລະອຽດເພີ່ມເຕີມກ່ຽວກັບວິທີການຮັກສາຄວາມປອດໄພຕໍ່ສິນຊັບຂອງລູກຄ້າ ແລະ ປ້ອງກັນການລັກ ຫຼື ການສູນເສຍຈາກຜູ້ປະກອບການ ແລະ Binance US. 

ໜ່ວຍງານຄຸ້ມຄອງຍັງຕ້ອງການຮັບປະກັນວ່າລູກຄ້າຈະໄດ້ຮັບເງິນຄືນເຕັມຈຳນວນ ກ່ອນທີ່ Voyager ຈະດຳເນີນການອື່ນໆຈາກຂໍ້ຕົກລົງ. 

SEC ໄດ້ຍື່ນການຄັດຄ້ານອີກເທື່ອໜຶ່ງ ໂດຍລະບຸວ່າ: ກຳລັງສືບສວນວ່າ Voyager ລະເມີດກົດໝາຍວ່າດ້ວຍການສໍ້ໂກງຂອງລັດຖະບານກາງຫຼືບໍ່. ຂໍ້ຕົກລົງອາດບໍ່ໄດ້ກ່ຽວຂ້ອງກັບການຂາຍຫຼັກຊັບທີ່ບໍ່ໄດ້ລົງທະບຽນ ເນື່ອງຈາກຍັງມີການກວດສອບ token VGX ຂອງ Voyager ຢູ່. 

ທີ່ມາ : https://cutt.ly/a8eekL0