Jerome Powell ປະທານ​ທະນາຄານ​ກາງສະຫາລັດ (Federal Reserve) ​ ກ່າວ​ໃນ​ການ​ໂອ້​ລົມ​ສົນທະນາ​ທີ່​ຈັດ​ຂຶ້ນ​ໂດຍ​ສະ​ໂມ​ສອນ​ເສດຖະກິດ Warshington D.C. ວ່າ “ຂະ​ບວນການ​ຂອງ​ອັດຕາ​ເງິນ​ເຟີ້​ທີ່​ຫຼຸດ​ລົງ​ໄດ້​ເລີ່​ມຂຶ້ນ​ແລ້ວ ໂດຍເລີ່ມຕົ້ນຂຶ້ນໃນຂະແໜງສິນຄ້າບໍລິໂພກ, ເຊິ່ງມີຂະໜາດ 1/4 ຂອງເສດຖະກິດອາເມລິກາ”

ປະທານ FED ກ່າວຕື່ມອີກວ່າ “ແຕ່ເສັ້ນທາງຍັງອີກຍາວໄກ, ນີ້​ແມ່ນ​ພຽງ​ຈຸດເລີ່ມ​ຕົ້ນ​ເທົ່ານັ້ນ” ແລະ​ ໄດ້ຍໍ້າ​ວ່າ​ “ໃນ​ຄວາມ​ເປັນ​ຈິງ ພວກເຮົາຕອບດ້ວຍຂໍ້ມູນ ຖ້າຂໍ້ມູນສະແດງໃຫ້ເຫັນວ່າອັດຕາເງິນເຟີ້ເພິ່ມຂຶ້ນນັ້ນ ໝາຍຄວາມວ່າພວກເຮົາມີວຽກໃຫ້ເຮັດເພີ່ມ ແລະ ມີຄວາມຈຳເປັນຈະຕ້ອງເພີ່ມອັດຕາດອກເບ້ຍຂຶ້ນ”

Fed ຍັງບໍ່ມີສັນຍານວ່າການຈະເພີ່ມອັດຕານະໂຍບາຍຈະສິ້ນສຸດລົງເມື່ອໃດ. ທ່ານ​ຍັງ​ໄດ້​ກ່າວ​ອີກ​ວ່າ ມັນ​ອາດ​ຈະ​ຕ້ອງໃຊ້​ເວ​ລາ​ເຖິງ​ປີ 2024 ​ເພື່ອ​ໃຫ້ຕົວເລກ​ເງິນ​ເຟີ້​ຫຼຸດ​ລົງ​ໄປ​ສູ່​ລະ​ດັບ​ທີ່ Fed ຮູ້ສຶກສະບາຍໃຈ.

“ພວກເຮົາຄາດວ່າປີ 2023 ຈະເປັນປີທີ່ອັດຕາເງິນເຟີ້ຫຼຸດລົງຢ່າງຫຼວງຫຼາຍ ​ແລະ​ ມັນ​ເປັນ​ໜ້າ​ທີ່​ຂອງ​ພວກ​ເຮົາ​ທີ່​ຈະ​ເຮັດ​ໃຫ້​ສິ່ງ​ນີ້​ເກີດ​ຂຶ້ນຈິງ” Jerome Powell ກ່າວ​ຕໍ່​ວ່າ “ຈາກສິ່ງທີ່ຂ້ອຍຄາດເດົາ ອັດຕາເງິນເຟີ້ແນ່ນອນຈະບໍ່ສະຫງົບລົງໃນປີນີ້ ​ແຕ່​ໃນ​ປີໜ້າ​ມັນຈະ​ຫຼຸດ​ລົງ​ຈົນໃກ້ຄຽງຕົວເລກ 2%”

ນອກຈາກນັ້ນ, Powell ຍັງໄດ້ເວົ້າເຖິງ ການຫຼຸດລົງຂອງອັດຕາເງິນເຟີ້(Disinflationary) ເປັນຄັ້ງທໍາອິດ, ແຕ່ປະທານ Fed ຕົນເອງໄດ້ຢ້ຳເຕືອນວ່າ “ພວກເຮົາຕ້ອງມີຄວາມອົດທົນ ພວກເຮົາຄິດວ່າອັດຕາດອກເບ້ຍນະໂຍບາຍຕ້ອງຢູ່ ໃນລະດັບເຂັ້ມງວດອີກໃນຕໍ່ໄປໃນໄລຍະໜຶ່ງ ກ່ອນທີ່ຈະຫຼຸດລົງມາ”

ທີ່ມາ : https://cutt.ly/O3sSrwP