ສະຖານະການລົ້ມລະລາຍຂອງ Signature Bank ແລະ Silicon Valley Bank ເຮັດໃຫ້ລາຄາ Bitcoin ເລີ່ມກັບມາດີຂຶ້ນໃນມື້ວານນີ້, ຫຼຽນ Stablecoin ຍັກໃຫຍ່ຄື USDC ກໍໄດ້ກັບມາຜູກເງິນໂດລາອີກຄັ້ງ.

ໃນຊ່ວງເຊົ້າມື້ວານນີ້ ລາຄາຂອງ Bitcoin ໄດ້ເພີ່ມຂຶ້ນຫຼາຍກວ່າ 14% ໃນ 24 ຊົ່ວໂມງທີ່ຜ່ານມາ ແລະ ເພີ່ມຂຶ້ນ 12% ໃນເຈັດມື້ທີ່ຜ່ານມາ, ໂດຍມີລາຄາເທົ່າກັບ 25,300ໂດລາ ເຊິ່ງສູງທີ່ສຸດໃນຮອບຫຼາຍເດືອນທີ່ຜ່ານມາ.

ການລົ້ມລະລາຍຂອງທະນາຄານ Signature Bank ແລະ Silicon Valley Bank, ໄດ້ກະຕຸ້ນໃຫ້ FED ຈັດຕັ້ງກອງປະຊຸມພິເສດ ເພື່ອສ້າງຄວາມເຊື່ອໝັ້ນໃຫ້ລະບົບທະນາຄານ, ແຕ່ຄຳຖະເເຫຼງຂອງ Joe Biden ປະທານາທິບໍດີ ຂອງສະຫະລັດ ໄດ້ອອກມາກ່າວເພື່ອສ້າງຄວາມໝັ້ນໃຈໃຫ້ແກ່ຊາວອາເມຣິກັນວ່າ ລະບົບທະນາຄານຈະປອດໄພພາຍຫຼັງການລົ້ມລະລາຍຢ່າງແມ່ນແນ່ນອນ.

ນອກຈາກນັ້ນ, ຫຼຽນ Stablecoin ຍັກໃຫຍ່ຄື USDC ກໍກັບມາຜູກກັບເງິນໂດລາອີກຄັ້ງ ເຮັດໃຫ້ເກີດຄວາມຮັ່ງມີໃນຕະຫຼາດ ແລະ ຊ່ວຍເພີ່ມຄວາມໝັ້ນໃຈໃຫ້ກັບນັກລົງທຶນໃນຕະຫຼາດ Cryptocurrency.

ເນື່ອງຈາກສະຖານະການໃນຕະຫຼາດການເງິນ ແລະ ການຊື້ຂາຍໃນຕະຫຼາດ Cryptocurrency ເລີ່ມດີຂຶ້ນ, ນັກວິເຄາະດ້ານການເງິນຫຼາຍຄົນຄາດການວ່າລາຄາ Bitcoin ອາດຈະເພີ່ມຂຶ້ນຕື່ມອີກໃນອະນາຄົດອັນໃກ້ນີ້.

ທີ່ມາ : https://cutt.ly/Y86aLov