• US Dollar Index ເເມ່ນຫຍັງ?

Dollar Index ເເມ່ນດັດຊະນີວັດເເທກມູນຄ່າຂອງສະກຸນເງິນໂດລາທຽບກັບ 6 ສະກຸນເງິນໃຫຍ່ທີ່ສຳຄັນຂອງໂລກ. Dollar Index ຖືກສ້າງຂື້ນໂດຍສະຫະລັດໃນປີ 1973 ຫຼັງຈາກການລົ້ມລະລາຍຂອງລະບົບ Bretton Woods, ໂດຍມີທອງຄຳໜຸນຫຼັງສະກຸນເງິນນີ້.

US Dollar Index ມີການຄຳນວນໂດຍອີງໃສ່ການປຽບທຽບກັບອັດຕາແລກປ່ຽນຂອງ 6 ສະກຸນເງິນໃຫຍ່ທົ່ວໂລກ, ປະກອບມີ ຢູໂຣ (EUR) 57.6%, ເຢນ (JPY) 13.6%, ປອນ (GBP) 11.9%, ເງິນໂດລາການາດາ (CAD) 9.1%, Swedish Krona (SEK) 4.2% ແລະ Swiss Franc (CHF) 3.6%.

• ວິທີການຄຳນວນລາຄາດັດຊະນີ USDX

ເຮົາສາມາດຄຳນວນໂດຍໃຊ້ສູດດັ່ງນີ້:

USDX = 50.14348112 × EURUSD^-0.576 × USDJPY^0.136 × GBPUSD^-0.119 × USDCAD^0.091 × USDSEK^0.042 × USDCHF^0.036

• US Dollar Index ບອກເເນວໂນ້ມລາຄາສິນຊັບຕ່າງໆ

USDX ສາມາດນໍາໃຊ້ເພື່ອຊີ້ໃຫ້ເຫັນແນວໂນ້ມຂອງລາຄາສິນຊັບຕ່າງໆໄດ້ ຈາກການທີ່ USDX ວັດແທກຄວາມແຂງຄ່າຂອງເງິນໂດລາສະຫະລັດ ເມື່ອປຽບທຽບກັບສະກຸນເງິນອື່ນ, ທຸກຄັ້ງທີ່ USDX ປັບເພີ່ມຂຶ້ນ, ນັ້ນກໍໝາຍຄວາມວ່າເງິນໂດລາສະຫະລັດເເຂງຄ່າຂຶ້ນນັ້ນເອງ. ການແຂງຄ່າຂອງເງິນໂດລາສະຫະລັດ ເເປວ່າເງິນໂດລາສະຫະລັດ ມີຄ່າໃນຕົວມັນເອງຫຼາຍ, ການຊື້ສິນຄ້າໃນປະລິມານເທົ່າເກົ່າ ເເຕ່ໃຊ້ເງິນໜ້ອຍລົງ.

ຕົວຢ່າງ: ຖ້າ USDX ເພີ່ມຂຶ້ນ ລາຄາ ນ້ໍາມັນຈະຫຼຸດລົງ ແລະ ໃນທາງກັບກັນ, ຖ້າ USDX ຫຼຸດລົງ, ລາຄາສິນຄ້າຈະເພີ່ມຂຶ້ນ.

ແນວໃດກໍ່ຕາມ, ສໍາລັບການເຄື່ອນໄຫວຂອງເງິນທຶນ ຫຼື Fund Flow, ເຊິ່ງເເມ່ນການບອກທິດທາງການລົງທຶນຂອງຕ່າງປະເທດ. ການແຂງຄ່າຂອງເງິນໂດລາສະຫະລັດ ໂດຍທົ່ວໄປແລ້ວເເມ່ນໝາຍເຖິງການອ່ອນຄ່າຂອງສະກຸນເງິນອື່ນ. ໂດຍທໍາມະຊາດ ນັກລົງທຶນຈະຕ້ອງການທີ່ຈະລົງທຶນໃນປະເທດທີ່ສະກຸນເງິນທີ່ແຂງຄ່າ. ເນື່ອງຈາກວ່າມັນເຮັດໃຫ້ສະກຸນເງິນທີ່ພວກເຂົາລົງທຶນນັ້ນມີມູນຄ່າເພີ່ມຂຶ້ນ ເມື່ອສະກຸນເງິນນັ້ນໆມີຄ່າເພີ່ມຂຶ້ນ ກໍຈະດຶງດູດນັກລົງທຶນເຂົ້າມາລົງທຶນຫຼາຍຂຶ້ນ.

• ເປັນຫຍັງ USDX ຈຶ່ງສຳຄັນ

ສະຫະລັດມີຂະໜາດ​​ເສດຖະກິດ​ເປັນອັນ​ດັບ 1 ​ໃນ​ໂລກ, ສະພາບ​ເສດຖະກິດ​ມີຄວາມ​ແຂງ​ແຮງ​ເມື່ອ​ທຽບ​ໃສ່​ກັບ​ບັນດາ​ປະ​ເທດ​ໃນ​ທົ່ວ​ໂລກ. ດ້ວຍເຫດຜົນນີ້, ເງິນໂດລາມີບົດບາດຕໍ່ລະບົບການເງິນທົ່ວໂລກ  ບໍ່ວ່າຈະເປັນທຶນສຳຮອງລະຫວ່າງປະເທດໃນທົ່ວໂລກທີ່ມີເງິນໂດລາກວມເອົາປະມານ 60%, ຕາມດ້ວຍເງິນຢູໂຣຢູ່ທີ່ 20% (ຂໍ້ມູນ Q4 2020).

ສ່ວນຕະຫຼາດຊື້ຂາຍເງິນຕາທົ່ວໂລກກວມເອົາ 90% ຂອງປະລິມານການຊື້ຂາຍເງິນໂດລາທັງໝົດ ແລະ ມີຕາສານໜີ້ທັງໝົດເປັນສະກຸນເງິນໂດລາ 40% ຂອງປະລິມານຕຣາສານໜີ້ທັງໝົດ.

ບົດບາດ​ສຳຄັນຂອງ​ເງິນ​ໂດ​ລາ​ຈຶ່ງ​ສົ່ງ​ຜົນ​ໃຫ້ການ​ຄ້າ​ລະຫວ່າງ​ປະ​ເທດ​ ​ແລະ ​ການ​ຊື້​ຂາຍ​ຊັບ​ສິນ​ການ​ລົງທຶນສ່ວນ​ໃຫຍ່​ເປັນ​ເງິນ​ໂດ​ລາ​ເຊັ່ນ: ນ້ຳມັນ, ຄຳ, ສິນຄ້າ, ຕຣາສານໜີ້ ແລະ​ ຫຸ້ນ.​

ດັ່ງນັ້ນ ທິດທາງຂອງ Dollar Index ທີ່ຊີ້ໃຫ້ເຫັນເຖິງຄວາມເຂັ້ມແຂງ ຫຼືຄວາມອ່ອນແອຂອງເງິນໂດລາ, ແມ່ນກ່ຽວຂ້ອງກັບສິນຄ້າ ແລະ ຊັບສິນ.

ທີ່ມາ : https://cutt.ly/Z3k4Mr6