ໃນຊ່ວງກາງເດືອນພຶດສະພາ 2022, ຫຼຽນ LUNA ສະກຸນເງິນດິຈິຕອລທີ່(ເຄີຍ)ຢູ່ໃນອັນດັບ 10 ຂອງສະກຸນເງິນ Crypto ທີ່ໃຫຍ່ທີ່ສຸດຂອງໂລກ ໄດ້ສ້າງຝັນຮ້າຍໃຫ້ເເກ່ນັກລົງທຶນ, ມູນຄ່າຂອງຫຼຽນ LUNA ໄດ້ຫຼຸດລົງຢ່າງກະທັນຫັນ ໂດຍລາຄາຂອງຫຼຽນຫຼຸດລົງເກືອບ 99.999%.

ເຫດການດັ່ງກ່າວ ເຮັດໃຫ້ຜູ້ທີ່ລົງທຶນໃນໂຄງການ Terra ຕົກໃຈ ແລະ ສູນເສຍເງິນຈາກການລົງທຶນຂອງພວກເຂົາໂດຍບໍ່ຄາດຄິດ. ເຮັດໃຫ້ເກີດການເທຂາຍຫຼຽນ ແລະ ຫຼຽນ LUNA ເອງກໍໄດ້ສູນເສຍເງິນຈໍານວນຫຼວງຫຼາຍ.

ຢ່າງໃດກໍຕາມ, UST ແລະ USDT ແມ່ນຫຼຽນ Stablecoin ທີ່ມີປະເພດແຕກຕ່າງກັນ, ດັ່ງນັ້ນການຫຼຸດ peg ຂອງ USDT ແມ່ນເກີດຂຶ້ນໄລຍະສັ້ນໆເທົ່ານັ້ນ ແລ້ວກໍກັບມາຜູກມູນຄ່າກັບເງິນໂດລາສະຫະລັດຄືນ.

• ຫຼຽນ USDT ຂອງ Tether ເເມ່ນຫຍັງ?

USDT ແມ່ນ Stablecoin ຖືກສ້າງຂຶ້ນໂດຍບໍລິສັດ Tether ທີ່ຮົງກົງ ເເລະ ມີການຜູກກັບສະກຸນເງິນໂດລາໃນອັດຕາສ່ວນ 1:1 (1USDT = 1 USD).

USDT ເປີດຕົວຄັ້ງທໍາອິດໃນເດືອນກໍລະກົດ 2014 ໃນຊື່ Realcoin, ເຊິ່ງເປັນ Token ສະກຸນເງິນດິຈິຕອລ omni-system ທີ່ສ້າງຂຶ້ນໃນ Bitcoin Blockchain, ຕໍ່ມາປ່ຽນຊື່ເປັນ USTether ແລະ ສຸດທ້າຍເປັນ USDT.

USDT ໄດ້ຖືກປັບປຸງໃຫ້ສາມາດນຳໃຊ້ໃນ Ethereum, EOS, Tron, Algorand ແລະ OmiseGo Blockchains ໄດ້ເຊັ່ນກັນ.

USDT ບໍ່ມີ blockchain ຂອງຕົນເອງ ແຕ່ຈະໃຊ້ blockchain ອື່ນໆທີ່ມີ 2 Layer ເເທນເຊັ່ນ Bitcoin, Ethereum, EOS, Tron, Algorand, Bitcoin Cash, ແລະ OmiseGo blockchains. ເຊິ່ງ Blockchains ເຫຼົ່ານີ້ມີການຮັກສາຄວາມປອດໄພໂດຍລະບົບ Algorithm

Tether ໄດ້ເປີດເຜີຍວ່າເງິນໂດລາສະຫະລັດໄດ້ມີການຖືກສຳຮອງໄວ້ ແລະ USDT ໄດ້ຖືກກວດສອບເປັນໄລຍະໂດຍຜູ້ຊ່ຽວຊານຢ່າງສະໝ່ຳສະເໝີ. ຜູ້ໃຊ້ສາມາດເຂົ້າເຖິງຂໍ້ມູນໄດ້ງ່າຍ ແລະ ສາມາດກວດສອບການເຮັດທຸລະກໍາທີ່ເກີດຂຶ້ນຢູ່ໃນ Blockchain ໄດ້.

• ລາຍລະອຽດການປະກາດລາຍງານການສໍາຮອງຂໍ້ມູນ Tether

ເນື່ອງຈາກ Stablecoin ແຕ່ລະຫຼຽນຂອງ Tether ມີຄວາມເຊື່ອມໂຍງກັບເງິນສຳຮອງໂດຍກົງ, Tether ຈຶ່ງໄດ້ໃຫ້ບໍລິສັດກວດສອບ Moore Cayman ເຂົ້າມາກວດສອບໃນທຸກໆໄຕມາດ ແລະ ຈະມີການປະກາດລາຍງານການສຳຮອງດັ່ງກ່າວໃນເວັບໄຊທ໌ຂອງຕົນ. ເພື່ອໃຫ້ຜູ້ໃຊ້ງານໝັ້ນໃຈໃນເລື່ອງຂອງຄວາມໂປ່ງໃສ ແລະ ມີການສໍາຮອງຂໍ້ມູນຢ່າງຄົບຖ້ວນ.

• ອັດຕາສ່ວນເງິນສຳຮອງຂອງ Tether

ອີງຕາມບົດລາຍງານ Tether Reserves Q1 2022, Tether ມີເງິນສຳຮອງ 82 ຕື້ໂດລາ. ເຊິ່ງມີມູນຄ່າໃກ້ຄຽງກັບມູນຄ່າຕະຫຼາດ (Market Cap) ຂອງຫຼຽນ USDT ໃນເວລານັ້ນ.

ໂດຍອັດຕາສ່ວນເງິນສຳຮອງສ່ວນໃຫຍ່ຂອງ Tether ແມ່ນເງິນສົດ ແລະ ສິ່ງທີ່ທຽບເທົ່າເງິນສົດ. ລວມທັງເງິນຝາກໄລຍະສັ້ນ ແລະ ພັນທະບັດກວມເອົາ 85,64% ຂອງອັດຕາສ່ວນທັງໝົດ (ພັນທະບັດລັດຖະບານສະຫະລັດ 55.53%, ພັນທະບັດ ແລະ ໃບຢັ້ງຢືນເງິນຝາກ 28.47%, ກອງທຶນຕະຫຼາດເງິນ 9.63%).

ບົດລາຍງານການກວດສອບບັນຊີຂອງ Tether Q1 ປີ 2022 , ເຫັນວ່າໄດ້ມີການປ່ຽນແປງທີ່ສໍາຄັນໃນການຖືຄອງເຊັ່ນ:

ບົດລາຍງານການກວດສອບບັນຊີຂອງ Tether Q1 ປີ 2022 , ເຫັນວ່າໄດ້ມີການປ່ຽນແປງທີ່ສໍາຄັນໃນການຖືຄອງເຊັ່ນ:

• ຫຼຸດການຖືຄອງພັນທະບັດໄລຍະສັ້ນ ແລະ ໃບຢັ້ງຢືນເງິນຝາກລົງ 17% ຈາກ 24 ຕື້ຫາໂດລາເປັນ 20 ຕື້ໂດລາ ແລະ ຈະຫຼຸດລົງອີກ 20% ໃນບົດລາຍງານການກວດສອບ Q2 ປີ 2022, ໃນ​ຂະ​ນະ​ດຽວ​ກັນ ອັດ​ຕາ​ສ່ວນ​ສຳຮອງ​ໃນ​ບັນ​ຊີ​ການ​ຄັງ​ຂອງ​ອາ​ເມລິ​ກາ​ໄດ້​ເພີ່ມ​ຂຶ້ນ 13% ຈາກ 34,5 ຕື້​ໂດ​ລາ​ເປັນ 39 ຕື້​ໂດ​ລາ​ສະ​ຫະ​ລັດ.

ຍິ່ງໄປກວ່ານັ້ນ ຄ່າສະເລ່ຍຂອງພັນທະບັດໄລຍະສັ້ນ ແລະ ໃບຢັ້ງຢືນເງິນຝາກທີ່ຖືຄອງຢູ່ມີອັດຕາສ່ວນດີຂຶ້ນ ຈາກ A-2 ເປັນ A-1.

ຢ່າງໃດກໍ່ຕາມ ເມື່ອທຽບອັດຕາສ່ວນການຄອງໃນ Q4 ປີ 2021, ເຫັນວ່າ ມີການຫຼຸດລົງຂອງການຖືຄອງໃນກຸ່ມ A-2 ແລະ ເພີ່ມການຖືຄອງໃນກຸ່ມ A-1+. ເມື່ອເບິ່ງຕາມເງື່ອນໄຂຂອງບໍລິສັດການຈັດອັນດັບສິນເຊື່ອ ຖືວ່າຍັງຢູ່ໃນເກນທີ່ສາມາດລົງທຶນໄດ້

ທີ່ມາ : https://cutt.ly/A3NJltl