ມື້ນີ້ເຮົາຈະປຽບທຽບການລົງທຶນໃນຫຼາຍໆຫຼຽນເພື່ອກະຈາຍຄວາມສ່ຽງ (Diversification) ຫຼື ການລົງທຶນໃນຫຼຽນດຽວເເບບ All in ໄປເລີຍ ວ່າການລົງທຶນເເບບໃດຈະດີກວ່າກັນ?

ກົນລະຍຸດເເບບ Diversification ເເມ່ນຫຍັງ?

ການວາງແຜນເເບບກະຈາຍຄວາມສ່ຽງ (Diversification) ແມ່ນກົນລະຍຸດກະຈາຍຄວາມສ່ຽງໃນການລົງທຶນໃນສິນຊັບຕ່າງໆ ເພື່ອບໍ່ໃຫ້ນັກລົງທຶນຂາດທຶນຢ່າງໜັກຈາກການລົງທຶນຢ່າງໃດຢ່າງໜຶ່ງຫຼາຍເກີນໄປ, ເຊິ່ງກົນລະຍຸດນີ້ນີ້ສາມາດປັບໃຊ້ໄດ້ກັບການລົງທຶນທຸກຮູບເເບບ ບໍ່ແມ່ນໃຊ້ນຳພຽງແຕ່ການລົງທຶນໃນກອງທຶນ ຫຼື ຮຸ້ນເທົ່ານັ້ນ.

ກົນລະຍຸດເເບບ All in ເເມ່ນຫຍັງ?

ສຳລັບກົນລະຍຸດນີ້ເເມ່ນເຮົາຈະເອົາເງິນລົງທຶນທັງໝົດ 100% ໄປລົງທຶນໃນຫຼຽນໃດໜຶ່ງ.

• ຕົວຢ່າງການລົງທຶນ
• ກົນລະຍຸບເເບບ All in : ເຮົາມີເງິນທຶນຢູ່ 100 ໂດລາ ເເລ້ວເອົາເງິນທັງໝົດໄປລົງທຶນໃນ Bitcoin, ໃນຊ່ວງລະຫວ່າງເດືອນມັງກອນ ປີ 2015 ຫາ ເດືອນ ກໍລະກົດປີ 2020 ຈະເຫັນໄດ້ວ່າ Equity Curve ໄດ້ມີການເຕີບໂຕຂຶ້ນຫຼາຍ ເເລະ ນັ້ນກໍເເມ່ນກຳໄລທີ່ເຮົາເຮັດໄດ້ ຈາກລາຄາທີ່້ເປັນຂາຂຶ້ນຍາວນານນັ້ນເອງ ເເລະ ເເນ່ນອນວ່າເມື່ອເຮົາມີກົນລະຍຸດການຂາຍທີ່ຊັດເຈນ ເຖິງເເມ່ນວ່າຈະມີການປັບຕົວໃນລະຫວ່າງທາງ ເເຕ່ເຮົາກໍສາມາດເອົາຕົວລອດຈາກຄວາມເສຍຫາຍນັ້ນໄດ້.

ຜົນຕອບແທນຂອງການລົງທຶນຕັ້ງແຕ່ຕົ້ນປີ 2015 CAGR ຢູ່ທີ່ 115%  ແລະ Max DD ຢູ່ທີ່ 49% ໝາຍຄວາມວ່າອັດຕາສ່ວນ Mar ຂອງພວກເຮົາແມ່ນ 2.3 ເຊິ່ງສູງກວ່າຊັບສິນທີ່ມີຄວາມສ່ຽງສູງອື່ນໆ.

ກົນລະຍຸດເເບບ Diversification: ເຮົາມີເງິນທຶນຢູ່ 100 ໂດລາ ໃນ Cryptocurrency 5 ຕົວ ໄດ້ເເກ່: Bitcoin (BTC), Ethereum (ETH), Ripple (XRP), Litecoin (LTC) ເເລະ Bitcoin Cash (BCH), ໂດຍເຮົາລົງທຶນໃນເເຕ່ລະຫຼຽນໃນອັດຕາສ່ວນ 20% ເທົ່າໆກັນ ນັບຕັ້ງເເຕ່ ເດືອນມັງກອນ ປີ 2015 ຫາ ເດືອນ ກໍລະກົດປີ 2020 ເເລະ ເຮັດການຊື້ຂາຍຕາມສັນຍານການຊື້ຂາຍຂອງແຕ່ຫຼຽນ, ຖ້າບໍ່ມີສັນຍານການຊື້ຂາຍກໍຈະຖືຄອງໄວ້ຊື່ໆ.

ເຫັນໄດ້ວ່າຖ້າເຮົາລົງທຶນດ້ວຍເງິນ 100 ໂດລາ ຕັ້ງແຕ່ຕົ້ນປີ 2015 ມາເຖິງເດືອນກໍລະກົດ 2020 ເຮົາຈະມີເງິນເພີ່ມຂຶ້ນເປັນ 236,000 ໂດລາ, ເຊິ່ງຫຼາຍກວ່າກົນລະຍຸດ All in ເຖິງ 3.3 ເທົ່າ! ນີ້ເປັນຂໍ້ພິສູດວ່າໃນເວລາທີ່ພວກເຮົາສົນທະນາກ່ຽວກັບການລົງທຶນ ພວກເຮົາບໍ່ຄວນອີງໃສ່ຄວາມເຊື່ອເປັນທີ່ຕັ້ງ. ແຕ່ຄວນພະຍາຍາມຊອກຫາຂໍ້ມູນ ເເລະ ນຳໃຊ້ກົນລະຍຸດສູດທີ່ດີທີ່ສຸດ.

ສໍາລັບການລົງທຶນປະເພດນີ້, ຕົວເລກ CAGR ແມ່ນຢູ່ທີ່ 166% ຕໍ່ປີ, ໃນຂະນະທີ່ Max DD% ແມ່ນ 38%, ເຊິ່ງຕໍ່າກວ່າ All In. ສະຫຼຸບ ອັດຕາສ່ວນ Mario ແມ່ນ 4.3 ໄດ້ສະແດງໃຫ້ເຫັນຢ່າງຈະແຈ້ງວ່າເຮັດຜົນຕອບແທນໄດ້ດີກວ່າຫຼາຍ.

ສະຫຼຸບ

ການທີ່ລົງທຶນທັງໝົດໃນຫຼຽນດຽວນັ້ນອາດຈະຊ່ວຍໃຫ້ເຮົາຫຼຸດຜ່ອນຄວາມສ່ຽງໄດ້ ເມື່ອຫຼຽນອື່ນໆນັ້ນມີມູນຄ່າຫຼຸດລົງເເບບບໍ່ທັນຕັ້ງໂຕ, ເເຕ່ການກະຈາຍລົງທຶນອອກໄປຫຼາຍໆຫຼຽນນັ້ນຈະຊ່ວຍໃຫ້ເຮົາມີໂອກາດ ເເລະ ມີຊ່ອງທາງໃນການເຮັດຜົນຕອບເເທນຈາກຫຼຽນອື່ນໆ ເຖິງເເມ່ນວ່າບາງຫຼຽນທີ່ເຮົາລົງທຶນອາດຈະບໍ່ຄ່ອຍດີແບບທີ່ຄິດກໍຕາມ.

ແຕ່ລະຄົນມີກົນລະຍຸດທີ່ຖະນັດ ເເລະ ມັກຢູ່ເເລ້ວ. ບໍ່ວ່າຈະເລືອກກົນລະຍຸດເເບບໃດກໍ່ຕາມ ກໍຄວນຈະສຶກສາຫາຂໍ້ມູນໃນເຊິງເລິກ ເເລະ ໝັ່ນຕິດຕາມຂ່າວຢູ່ຢ່າງສະໝ່ຳສະເໝີ, ມີລະບຽບວິໄນ ເເລະ ລົງທຶນຕາມແຜນການທີ່ວາງໄວ້. ຢ່າງໃດກໍ່ຕາມ, ການລົງທຶນທີ່ເຮັດຕາມກົນລະຍຸດທີ່ວາງໄວ້ຢ່າງສະໝ່ຳສະເໝີ ມັນຈະສ້າງຜົນກໍາໄລໃຫ້ພວກເຮົາຢ່າງເເນ່ນອນ.

ທີ່ມາ : https://cutt.ly/P2DfWXJ