ຫຼັງຈາກການປະກາດດັດຊະນີຜູ້ບໍລິໂພກ (CPI) ປະຈຳເດືອນ ມັງກອນ, ລາຄາ ຂອງ  Bitcoin ກໍມີຄວາມຜັນຜວນທີ່ສຸດ ໂດຍການດິ່ງລົງໄປທີ່ 21,600 ໂດລາ ກ່ອນທີ່ຈະເພີ່ມຂຶ້ນທະລຸ 22,000 ໂດລາ ເເລະ ຢຸດຢູ່ທີ່ 22,280 ໂດລາ. ສະເເດງໃຫ້ເຫັນເຖິງຄວາມຜັນຜວນຂອງລາຄາໃນຊ່ວງເວລາທີ່ສຳຄັນ

ຜູ້ໃຊ້ Reddit ຊື່ partymsl ໄດ້ໂພສໃນກະທູ້ ຫົວຂໍ້ “ນີ້ແມ່ນເຫດຜົນທີ່ທ່ານບໍ່ຄວນໃຊ້ leverage ສູງເກີນໄປ ຫຼັງຈາກ CPI ໄດ້ປະກາດ ນັກເທຣດທັ້ງ Short ເເລະ Long ຖືກລ້າງພັອດກວ່າ 60 ລ້ານໂດລາ”

ລາວ​ເວົ້າ​ວ່າ​ໃນ​ເວ​ລາ​ນີ້​ ມີນັກລົງທຶນຫຼາຍຄົນຕື່ນເຕັ້ນຫຼາຍ ແລະ ຫຼາຍໆຄົນທີ່ມີການເປີດ Long  ແລະ Short ໃນຂະນະທີ່ພະຍາຍາມຄາດການລາຄາໃນຕະຫຼາດ. ເຊິ່ງຜົນອອກມາບໍ່ຄ່ອຍດີເທົ່າໃດ. ໃນຂະນະທີ່ລາຄາຂອງ Bitcoin ຫຼຸດລົງຫຼັງຈາກການປະກາດ CPI ແລະ ນັກລົງທຶນຄາດວ່າຈະຫຼຸດລົງອີກ, ແຕ່ລາຄາຂອງ Bitcoin ກໍເພີ່ມຂຶ້ນຢ່າງບໍ່ຄາດຄິດ ​ເຮັດ​ໃຫ້ບັນດາ​ນັກເທຣດສາຍ Short ​ເສຍ​ເງິນໄປເຖິງ 23 ລ້ານ​ໂດ​ລາ​ໃນ​ຄັ້ງ​ດຽວ.

ລາວຍັງໄດ້ສັງເກດເຫັນວ່າ ການທີ່ລາຄາ Crypto ຜັນຜວນໃນລັກສະນະນີ້ ມັກຈະເກີດຂຶ້ນເປັນປະຈຳ ເຊິ່ງພິສູດໃຫ້ເຫັນວ່າ ພວກເຂົາຄິດຜິດທີ່ຄິດວ່າ ພວກເຂົາສາມາດຄາດການລາຄາຂອງ Bitcoin ໄດ້ຢ່າງງ່າຍດາຍ.

ຕະຫຼາດ Crypto ມີຄວາມຜັນຜວນສູງ ຍາກ​ທີ່​ຈະ​ຄາດການ​ ການເໜັງຕີງຂອງລາຄາ Crypto ອາດຈະສ້າງຜົນຕອບແທນໄວ ແຕ່ໃນເວລາດຽວກັນ ນັກລົງທຶນຈໍານວນຫຼາຍໄດ້ສູນເສຍເງິນຈໍານວນຫຼາຍຍ້ອນການຕັດສິນໃຈທີ່ບໍ່ຕາດຄິດ ໃນຕະຫຼອດເວລາທີ່ຜ່ານມາ.

ທີ່ມາ : https://cutt.ly/w3PerbD