Two-Factor Authentication ຫຼື 2FA ເເມ່ນລະບົບຮັກສາຄວາມປອດໄພທີ່ບັງຄັບໃຫ້ຜູ້ໃຊ້ຢືນຢັນຕົວຕົນຂອງເຂົາເຈົ້າໂດຍຜ່ານສອງຂັ້ນຕອນ ເພື່ອເພີ່ມຄວາມປອດໄພຂອງບັນຊີ ແລະ ໝັ້ນໃຈໄດ້ວ່າທຸກໆທຸລະກຳທີ່ເກີດຂຶ້ນຈະຕ້ອງໄດ້ຮັບການອະນຸຍາດຈາກຜູ້ໃຊ້ເທົ່ານັ້ນ.

ໂດຍປົກກະຕິ ຜູ້ໃຊ້ງານມັກຈະຢືນຢັນຕົວຕົນເພື່ອເຂົ້າບັນຊີຕ່າງໆພຽງຂັ້ນຕອນດຽວກໍຄື Username ເເລະ Password ເພື່ອ login. ແນວໃດກໍ່ຕາມ, ວິທີການຢືນຢັນດັ່ງກ່າວອາດຈະເຮັດໃຫ້ບັນຊີມີປອດໄພໜ້ອຍ. ເນື່ອງຈາກວ່າຜູ້ຄົນຈໍານວນຫຼາຍມັກຈະໃຊ້ຊື່ Username ເເລະ Password ດຽວກັນກັບບັນຊີໃຊ້ງານຂອງເເພລັດຟອມຕ່າງໆ, ການຢືນຢັນ 2 ຂັ້ນຕອນ ຫຼື  2FA ຈຶ່ງມີຄວາມສຳຄັນຫຼາຍ, ໂດຍສະເພາະຜູ້ທີ່ມີບັນຊີ cryptocurrency ຫຼື crypto wallet.

ໃນການຢືນຢັນຕົວຕົນເເບ່ງອອກເປັນ 3 ປະເພດຄື:

• ສິ່ງທີ່ຕົວເອງຮູ້ (something you know) ເເມ່ນຂໍ້ມູນທີ່ຜູ້ໃຊ້ງານເທົ່ານັ້ນທີ່ຮູ້ເຊັ່ນ Username ເເລະ Password ຫຼື ລະຫັດ PIN.

• ສິ່ງທີ່ຕົວເອງມີ (something you have) ເເມ່ນສິ່ງຂອງທີ່ຜູ້ໃຊ້ມີຢູ່ນັ້ນເຊັ່ນ Sim card, ໂທລະສັບ, cryptographic device ຫຼື ອຸປະກອນສະເພາະໃນການສ້າງ one-time-password (OTP device)

• ສິ່ງທີ່ຕົວເອງເປັນ (something you are) ເເມ່ນ ຂໍ້ມູນ biometric ຂອງຜູ້ໃຊ້ເຊັ່ນ: ໃບໜ້າ ແລະ ລາຍນິ້ວມື.

ຜູ້ອ່ານບາງທ່ານອາດເຄີຍໄດ້ຍິນຄຳວ່າ multi-factor authentication ທີ່ໝາຍເຖິງການຢືນຢັນຕົວຕົນໂດຍໃຊ້ສອງ ຫຼື ສາມປັດໄຈໃນການຢືນຢັນ, ເເຕ່ຢ່າຟ້າວສັບສົນ ເພາະການຢືນຢັນເເບບສອງປັດໄຈກໍແມ່ນຮູບແບບໜຶ່ງຂອງການຢືນຢັນຕົວຕົນເເບບຫຼາຍປັດໄຈນັ້ນເອງ.

ທີ່ມາ : https://cutt.ly/w91vjNl