Bill Ackman ນັກລົງທຶນຫຼັກຊັບລະດັບໂລກ ໄດ້ຮຽກຮ້ອງໃຫ້ລັດຖະບານສະຫະລັດ ຄ້ຳປະກັນເງິນຝາກຂອງທະນາຄານ Silicon Valley (SVB) ພາຍໃນ 48 ຊົ່ວໂມງ, ຖ້າບໍ່ດັ່ງນັ້ນ ມັນອາດກໍໃຫ້ເກີດຄວາມເສຍຫາຍຕໍ່ສະຖາບັນການເງິນຫຼາຍເເຫ່ງໄດ້. ເນື່ອງຈາກມີການຖອນເງິນຝາກທີ່ບໍ່ໄດ້ມີການຮັບປະກັນການຖອນເງິນຈໍານວນຫຼາຍ. ນີ້ອາດຈະເຮັດໃຫ້ຄວາມເຊື່ອໝັ້ນໃນທະນາຄານອື່ນໆຫຼຸດລົງ ແລະ ເລີ່ມເຫັນເຫດການທີ່ສຳຄັນກຳລັງລົ້ມລະລາຍລາຍ.

ນອກເໜືອຈາກທະນາຄານທີ່ຖືວ່າເປັນສະຖາບັນການເງິນທີ່ສໍາຄັນທີ່ມີຄວາມສຳຄັນຕໍ່ລະບົບ (SIBs) ແລະ ຈະເຮັດໃຫ້ເກີດຄວາມຂັດເເຍ່ງໃນທະນາຄານຊຸມຊົນ, ທະ​ນາ​ຄານ​ພາກ​ພື້ນ​ ແລະ ສະຖາບັນການເງິນອື່ນໆ, ເຊິ່ງອາດຈະເຮັດໃຫ້ຄວາມເຊື່ອໝັ້ນທາງດ້ານການເງິນຫຼຸດລົງ.

Ackman ໄດ້ສະເໜີວິທີການທີ່ຈະປ້ອງກັນບໍ່ໃຫ້ເຫດການນີ້ເກີດຂຶ້ນຄື: ໃຫ້ບັນດາທະນາຄານໃຫຍ່ເຊັ່ນ J.P. Morgan, Citibank, ຫຼື Bank of America ເຂົ້າຊື້ SVB ກ່ອນວັນຈັນ (ເຊິ່ງເປັນເຫດການທີ່ບໍ່ໜ້າຈະເປັນໄປໄດ້).

Ackman ຍັງໄດ້ສະຫຼຸບວ່າ: ເຫດການນີ້ສາມາດຫຼີກລ່ຽງໄດ້ ໄດ້ຖ້າຫາກວ່າລັດຖະບານສະຫະລັດໄດ້ຮັບປະກັນເງິນຝາກ SVB ໃນວັນສຸກທີ່ຜ່ານມາ. ເຮັດໃຫ້ບໍລິສັດທະນາຄານໃນໄລຍະຍາວ SVB ຍັງຄົງມີມູນຄ່າ ແລະ ສາມາດໂອນສິດໃຫ້ກັບເຈົ້າຂອງໃໝ່ໂດຍໄດ້ຮັບການລົງທຶນຈາກຜູ້ຖືຫຸ້ນ (equity injection).

ທີ່ມາ: https://cutt.ly/y82RsZP