ໃນວັນສຸກທີ່ຜ່ານມາ, Silvergate ໄດ້ລະງັບ Silvergate Exchange Network ເປັນຜົນມາຈາກການປະເມີນຄວາມສ່ຽງ “a risk-based decision” ທີ່ອາດຈະເກີດຂຶ້ນ.

ການລະງັບລະບົບການເທຣດເກີດຂຶ້ນຫຼັງຈາກ Moody’s ໄດ້ປັບລົດອັນດັບ credit ຂອງ Silvergate ເປັນຄັ້ງທີ 2. Moody’s ກ່າວວ່າ ການປັບລົດອັນດັບຂອງ Silvergate ເປັນຜົນມາຈາກການບໍລິຫານງົບປະມານໄດ້ບໍ່ດີພໍ ເເລະ ມີຂໍ້ບົກພ່ອງໃນເລື່ອງການຈັດການລະບົບຕ່າງໆ, ຫຼັງຈາກທີ່ Silvergate ໄດ້ເລື່ອນການຍື່ນບົດລາຍງານຜົນປະກອບການປະຈໍາປີ ເເລະ ຍັງໄດ້ເເຈ້ງກ່ຽວກັບການບໍລິຫານງົບປະມານທີ່ຢູ່ໃນລະດັບຕໍ່າຕໍ່ SEC.

ເຖິິງເເມ່ນວ່າລະບົບການເທຣດ ເເລະ ການໂອນຈະຖືກລະງັບ, ເເຕ່ບໍລິການອື່ນໆໃນການຝາກຈະຍັງໃຊ້ໄດ້ເປັນປົກກະຕິ. ອີງຕາມຂໍ້ມູນຈາກ Silvergate.

ບໍລິສັດລາຍໃຫຍ່ທີ່ຢູ່ໃນອຸດສະຫະກຳ Blockchain ຫຼາຍເເຫ່ງໄດ້ເເກ່: Circle, Blockchain.com, Wintermute, GSR, Coinbase ເເລະ Paxos ໄດ້ຍຸດຕິການຮ່ວມງານກັບ Silvergate.

ປະຈຸບັນ Silvergate ປະສົບບັນຫາຫຼາຍຢ່າງ ລວມໄປເຖິງການຟ້ອງຮ້ອງ, ການກວດສອບກົດລະບຽບ ເເລະ ການພິຈາລະນາບໍລິສັດໂດຍລັດຖະສະພາຕາມເອກະສານທີ່ຍື່ນຕໍ່ SEC.

ທີ່ມາ : https://cutt.ly/F8Y1Y9Y