Thur Hayes ຜູ້ຮ່ວມກໍ່ຕັ້ງ ແລະ ອະດີດ CEO ຂອງເວັບເທຣດ BitMEX, ໄດ້ອອກມາເຕືອນວ່າ ການປັບຖານລາຄາຂອງ Cryptocurrency ຄັ້ງໃຫຍ່ທີ່ກໍາລັງຈະມາເຖິງ, ເເຕ່ຫຼັງຈາກນັ້ນລາຄາຈະມີການເພິ່ມຂຶ້ນຢ່າງຕໍ່ເນື່ອງ.

ໃນລະຫວ່າງການໃຫ້ສໍາພາດຂອງລາຍການ Crypto Banter, Hayes ກ່າວວ່າ cryptocurrency Bitcoin ແລະ ຊັບສິນທີ່ມີຄວາມສ່ຽງອື່ນໆ ມີແນວໂນ້ມທີ່ຈະປັບຖານຄັ້່ງໃຫຍ່ໃນອະນາຄົດທີ່ໃກ້ເຂົ້າມານີ້ ເນື່ອງຈາກສະພາບຄ່ອງຈໍານວນຫຼາຍກຳລັງໄຫຼອອກຈາກຕະຫຼາດ.

ໃນ blog ທີ່ຜ່ານມາ Hayes ສັງເກດເຫັນວ່າ ສະຫະລັດມີເເນວໂນມທີ່ຈະເພີ່ມເພດານໜີ້ສິນໃນປີນີ້ ແລະ ຈະອອກພັນທະບັດຄັງເງິນມູນຄ່າ 1.1 ຫາ 1.2 ພັນຕື້ໂດລາເພື່ອສະໜອງການຂາດດຸນຂອງ FED ໃນປີ 2023, ເຊິ່ງສຳນັກງານງົບປະມານຂອງລັດຖະສະພາປະເມິນວ່າມີຄວາມໃກ້ຄຽງກັບຕົວເລກເຫຼົ່ານັ້ນ.

ໃນໂພສຂອງ Hayes ຍັງຕັ້້ງຂໍ້ສັງເກດອີກວ່າ Federal Reserve ຍັງຄົງມຸ່ງໝັ້ນທີ່ຈະຫຼຸດຜ່ອນການຖືຄອງຄັງເງິນຂອງສະຫະລັດລົງ 100 ຕື້ໂດລາຕໍ່ເດືອນ, ເຊິ່ງລາວເບິ່ງເຫັນໃນຈຸດນີ້ວ່າມັນເປັນໄພຄຸກຄາມຕໍ່ຊັບສິນທີ່ມີຄວາມສ່ຽງ ຍ້ອນວ່າມັນເຮັດໃຫ້ຕະຫຼາດຂາດສະພາບຄ່ອງທີ່ສໍາຄັນ.

ຕາມຄໍາເວົ້າຂອງລາວ, ໜີ້ສິນຂອງກະຊວງການຄັງຈະໄຫຼເຂົ້າໄປສູ່ຕະຫຼາດ, ບວກກັບການສົ່ງສັນຍານເຕືອນຂອງ Federal Reserve, ໄດ້ສ້າງສະພາບແວດລ້ອມທີ່ບໍ່ມີຄວາມແນ່ນອນ ແລະ ນັກລົງທຶນຄວນລະມັດລະວັງ. ໂດຍ Hayes ແນະນໍາໃຫ້ຜູ້ອ່ານຂອງລາວຕິດຕາມຕະຫຼາດຢ່າງໃກ້ຊິດ ແລະ ກຽມພ້ອມຮັບມືຢູ່ຕະຫຼອດເວລາ.

ເຂົາກ່າວວ່າບັນຊີ Treasury General Account (TGA) ແມ່ນຕົວຊີ້ວັດທີ່ສໍາຄັນທີ່ຕ້ອງຈັບຕາເບິ່ງ. ເນື່ອງຈາກສິ່ງນີ້​ຈະສົ່ງ​ສັນຍານ​ເຕືອນ​ເມື່ອ​ລັດຖະບານ​ໃຊ້ງົບດຸນເງິນສົດຈົນໝົດ ແລະ ​ເຂົ້າ​ໃກ້​ເພດານ​ໜີ້​ສິນ.

ທີ່ມາ : https://cutt.ly/m8j9nzn