Elon Musk ​ໄດ້ກັບຄືນສູ່ຕໍາເເໜ່ງ ຄົນທີ່ລວຍທີ່ສຸດໃນ​ໂລກ​ອີກ​ຄັ້ງ ຫຼັງຈາກຮຸ້ນ Tesla ເພີ່ມຂຶ້ນຫຼາຍກວ່າ 100% ຈາກຈຸດຕໍ່າສຸດຢູ່ທີ່ 103 ໂດລາ, ປັດຈຸບັນລາຄາຢູ່ທີ່ 207 ໂດລາ. ເຮັດໃຫ້ລາວມີຊັບສິນທັງໝົດຢູ່ທີ່ (Net Worth) 1,87 ຕື້ໂດລາສະຫະລັດ.

ຂະນະທີ່ Bernard Arnault ເຈົ້າຂອງອານາຈັກ LVMH luxury brand ຕົກມາຢູ່ອັນດັບ 2 ດ້ວຍຊັບສິນທັງໝົດຢູ່ທີ່ 1.85 ລ້ານໂດລາສະຫະລັດ

ກ່ອນໜ້ານີ້ ຕໍາແໜ່ງມະຫາເສດຖີອັນດັບ 1 ຂອງໂລກຕົກເປັນຂອງ Arnault. ຜູ້ຖືຫຸ້ນໃຫຍ່ຂອງ LVMH, ເຖິງແມ່ນວ່າຄວາມຮັ່ງມີຂອງລາວຈະເພີ່ມຂຶ້ນອີກ 23,3 ຕື້ໂດລາ, ເເຕ່ຄວາມຮັ່ງມີຂອງ Musk ກໍຍັງເພີ່ມຂຶ້ນເເຊງລາວເຖິງ 50 ຕື້ໂດລາ.

ໂດຍເຫດນີ້ເຮັດໃຫ້ຊັບສົມບັດຂອງ Musk ເພິ່ມຂຶ້ນເປັນ 1,87 ຕື້ໂດລາ. ເເຊງໜ້າ Arnault ເຊິ່ງມີຄວາມຊັບສົມບັດຢູ່ທີ່ 1,85 ຕື້ໂດລາ, ອີງຕາມຂໍ້ມູນຈາກ Dailymail UK.

ກ່ອນໜ້ານີ້, Musk ເປັນມະຫາເສດຖີຄົນທຳອິດຂອງໂລກທີ່ສູນເສຍຊັບສົມບັດເຖິງ 200 ຕື້ໂດລາ ເນື່ອງຈາກລາຄາຫຸ້ນຂອງ Tesla ຕົກຕໍ່າລົງຈາກປະມານ 400 ໂດລາ ໄປສູ່ຈຸດທີ່ຕໍ່າສຸດທີ່ 103 ໂດລາ, ໂດຍສະເພາະຫຼັງຈາກທີ່ Musk ຊື້ Twitter, ນັກລົງທຶນກັງວົນວ່າລາວອາດຈະທຸ່ມເທໃສ່ການບໍລິຫານ Twitter ຫຼາຍກວ່າ Tesla.

ທີ່ມາ : https://cutt.ly/S8jC1Ce