Store of value
ພາວະເງິນເຟີ້ປຽບເໝືອນໂລກພະຍາດຊຳເຮື້ອຂອງລະບົບເງິນ fiat, ເພາະເງິນໃນກະເປົ໋າຂອງເຮົາຈະມີຄ່າໜ້ອຍລົງຫາກວ່າອັດຕາເງິນເຟີ້ສູງຂຶ້ນເລື້ອຍໆ ເເລະ ນັບຕັ້ງເເຕ່ໂລກຂອງເຮົາເລິ່ມໃຊ້ລະບົບເງິນ fiat ປັນຫາເງິນເຟີ້ກໍປຽບສະເໝືອນໂລກໄພທີ່ຄອຍຈະທຳຮ້າຍຜູ້ທີ່ເກັບອອມເງິນຢູ່ຕະຫຼອດ. ເຊິ່ງສາເຫດຍ້ອນເງິນສະກຸນຫຼັກຂອງໂລກແມ່ນເງິນໂດລາສະຫະລັດໄດ້ຖືກຜະລິດເປັນຈຳນວນຫຼາຍເພື່ອອຸ້ມເສດຖະກິດຂອງສະຫະລັດຈາກການເເຜ່ລະບາດຂອງເຊື້ອພະຍາດ covid-19, ໃນປີ 2020 ເງິນໂດລາໄດ້ຖືກຜະລິດຂຶ້ນຫຼາຍເຖິງ 50% ຂອງປະລິມານທັງໝົດ ເເລະ ໃນປະຈຸບັນວົງເງິນການຜະລິດເພີ່ມຂຶ້ນຕໍ່ເດືອນຂອງ FED ຢູ່ທີ່ 2 ລ້ານລ້ານໂດລາ ນັບຕັ້ງເເຕ່ການລະບາດຂອງເຊື້ອ Covid-19 ເເລະ ບໍ່ມີທ່າທີຈະຢຸດພິມເງິນເມື່ອໃດ. ສຳລັບເງິນຫຼັກຂອງໂລກເຮົາຢ່າງໂດລານີ້ ໄດ້ເລີ່ມນຳໃຊ້ຕັ້ງເເຕ່ອະດີດ ເຊິ່ງເປັນເງິນທີ່ມີມູນຄ່າຂຶ້ນຢູ່ກັບຄວາມໜ້າເຊື່ອຖື ເເລະ ຢູ່ໃນການຄວບຄຸມການເຄື່ອນໄຫວທັງໝົດຂອງລັດຖະບານ, ເຮັດໃຫ້ເງິນໂດລາໃນຫຼາຍໆປະເທດທີ່ຖືຄອງໄວ້ເປັນເງິນສຳຮອງ ໄດ້ຮັບຜົນກະທົບທຸກໆຄັ້ງທີ່ລັດຖະບານຄວບຄຸມເງິນ. ຖ້າຫາກເຮົາບໍ່ມີລາຍໄດ້ທີ່ເພິ່ມຂຶ້ນທຽບເທົ່າກັບອັດຕາເງິນເຟີ້ ນັ້ນກໍສະເເດງວ່າ ລາຍໄດ້ເຮົາກຳລັງຫຼຸດໜ້ອຍລົງ ອີກທັງຍັງສົ່ງຜົນກະທົບຕໍ່ຜູ້ເກັບອອມເງິນ ເນື່ອງຈາກເງິນເຫຼົ່ານັ້ນຈະສູນເສຍມູນຄ່າລົງໄປເລື້ອຍໆ ຍ້ອນເງິນຖືກຜະລິດຂຶ້ນມາໃໝ່. ທາງເສດຖະກິດຂອງ Austrian ແມ່ນສະໜັບສະໜູນໃຫ້ເສດຖະກິດນໍາໃຊ້ “ເງິນທີ່ໝັ້ນຄົງ” (Sound Money) ແມ່ນເງິນທີ່ຈະບໍ່ສູນເສຍມູນຄ່າໃນໄລຍະຍາວ. ເພາະເຊື່ອວ່າການຜະລິດເງິນຄວນຈະກ່ຽວຂ້ອງກັບອັນໃດກໍຕາມທີ່ບໍ່ຂຶ້ນກັບລະບົບເຊັ່ນ: ເມື່ອລະບົບການເງິນຖືກຮອງຮັບດ້ວຍທອງຄໍາ ເພາະຄຳເປັນສິນຊັບທີ່ມີຈຳນວນຈຳກັດ ດັ່ງນັ້ນ, ລັດຖະບານຈະບໍ່ສາມາດຜະລິດເງິນເພິ່ມຂຶ້ນໄດ້ຫາກບໍ່ມີທອງຄໍາ ແລະ ເມື່ອປະຊາຊົນມີຄວາມປອດໄພທາງດ້ານການເງິນ ກໍຈະສ້າງການລົງທຶນ ແລະ ນໍາໄປສູ່ການຜະລິດທີ່ມີຄຸນະພາບ. ໃນຄວາມເປັນຈິງ, […]
Microstrategy ຊື້ bitcoin ເພີ່ມ 2500 btc ເຖິງເເມ່ນວ່າຈະຍັງຂາດທຶນໜັກ
ໃນບົດລາຍງານໃໝ່ທີ່ຍື່ນຕໍ່ຄະນະກຳມະການຫຼັກຊັບຂອງສະຫະລັດ ເເລະ ຕະຫຼາດຮຸ້ນຂອງອາເມຣິກາ, ບໍລິສັດວິເຄາະຊອບແວ MicroStrategy ກ່າວວ່າໄດ້ຮັບ 2,395 Bitcoins ໃນລາຄາສະເລ່ຍ 17,181 ໂດລາ ເປັນຈໍານວນທັງໝົດ 42.8 ລ້ານໂດລາໃນລະຫວ່າງວັນທີ 1 ພະຈິກຫາວັນທີ 21 ທັນວາ. ຕໍ່ມາບໍລິສັດໄດ້ຂາຍ 704 BTC ທີ່ 16,776 ໂດລາ ຕໍ່ຫຼຽນ ເປັນຈໍານວນທັງໝົດ 11,8 ລ້ານໂດລາ ໃນວັນທີ 22 ທັນວາ ແລະ ໃນວັນທີ 24 ທັນວາ, MicroStrategy ໄດ້ຊື້ເພິ່ມອີກປະມານ 810 BTC ເປັນເງິນສົດ 13.6 ໃນລາຄາສະເລ່ຍຂອງ 16,845 ໂດລາຕໍ່ຫຼຽນ. ໃນການສໍາພາດ Bloomberg ທີ່ເຜີຍເເຜ່ໃນຕົ້ນປີນີ້, ອະດີດ CEO Michael Saylor ກ່າວວ່າ: “ພວກເຮົາພຽງແຕ່ຊື້ ແລະ ຖື […]
Argo blockchain ຂາຍໂຮງງານຂຸດ Helios ໃຫ້ກັບ Galaxy Digital ໃນລາຄາ 65 ລ້ານໂດລາ
Argo blockchain ບໍລິສັດຂຸດຄົ້ນ Cryptocurrency ໄດ້ຕັດສິນໃຈທີ່ຈະຂາຍ Helios Mining Facility ຂອງຕົນ, ເຊິ່ງເປັນສະຖານທີ່ຂຸດທີ່ໃຫຍ່ທີ່ສຸດຂອງບໍລິສັດ. ເພື່ອຄວາມຢູ່ລອດຂອງຕະຫຼາດໝີທີ່ກຳລັງພະເຊີນຢູ່ Peter wall CEO ຂອງ Argo Blockchain ໄດ້ປະກາດຢ່າງເປັນທາງການໃນວັນທີ 28 ທັນວາວ່າລາວໄດ້ບັນລຸຂໍ້ຕົກລົງກັບບໍລິສັດລົງທຶນ Galaxy Digital ຂອງ Mike Novogratz ເພື່ອຂາຍໂຮງຂຸດ Helios ຂອງຕົນໃນລາຄາ 65 ລ້ານໂດລາ, ໂດຍ Argo ໄດ້ຖອນ Bitcoin ທີ່ຂຸດໄດ້ອອກໝົດເເລ້ວ ນອກຈາກນີ້ Galaxy ຍັງໄດ້ໃຫ້ Argo ກູ້ຢືມເງິນໂດຍມີສິນຊັບໜຸນຫຼັງໃໝ່ມູນຄ່າ 35 ລ້ານໂດລາເພື່ອຊ່ວຍໃຫ້ບໍລິສັດຂຸດທີ່ກຳລັງປະສົບບັນຫາ ຫຼຸດຜ່ອນພາລະໜີ້ສິນລົງ “ພວກເຮົາໄດ້ໃຊ້ເງິນຈາກການຂາຍນັ້ນລວມກັບເງິນກູ້ທີ່ໄດ້ຈາກ galaxy ໃໝ່ ເພື່ອຊຳລະໜີ້ທີ່ຍັງຕິດຄ້າງຢູ່ກັບ Nydix ເເລະ ໃຫ້ກັບຜູ້ກູ້ລາຍອື່ນໆທີ່ມີຫຼັກຄ້ຳປະກັນ” Wall ກ່າວ. ການເຮັດທຸລະກໍາໃໝ່ມີຈຸດປະສົງເພື່ອຫຼຸດຜ່ອນໜີ້ສິນທັງໝົດຂອງ Argo 41 […]
The Great Depression 1929
The Great Depression ສະພາວະການຕົກຕໍ່າຄັ້ງໃຫຍ່ແມ່ນພາວະການຕົກຕໍ່າທາງເສດຖະກິດທີ່ຮ້າຍແຮງທີ່ສຸດໃນປະຫວັດສາດຂອງໂລກອຸດສາຫະກຳທີ່ແກ່ຍາວມານັບແຕ່ຕະຫຼາດຮຸ້ນຕົກໃນປີ 1929 ຫາ 1939, ເຊິ່ງກໍ່ໃຫ້ເກີດການປ່ຽນເເປງພື້ນຖານຂອງສະຖາບັນເສດຖະກິດ, ນະໂຍບາຍເສດຖະກິດມະຫາພາກ ແລະ ທິດສະດີເສດຖະສາດ. ເຖິງແມ່ນວ່າມັນມີຕົ້ນກຳເນີດຢູ່ໃນສະຫະລັດ ເເຕ່ພາວະເສດຖະກິດຕົກຕໍ່າຄັ້ງໃຫຍ່ນີ້ໄດ້ເຮັດໃຫ້ຜົນຜະລິດຫຼຸດລົງຢ່າງຫຼວງຫຼາຍ, ເກີດການວ່າງງານຢ່າງຮ້າຍເເຮງ ເເລະ ພາວະເງິນເຟີ້ຢ່າງຮຸນເເຮງໃນເກືອບທຸກປະເທດທົ່ວໂລກ. ຜົນກະທົບທາງດ້ານສັງຄົມ ແລະ ວັດທະນະທໍາຂອງກໍເປັນທີ່ໜ້າຕົກໃຈ ໂດຍສະເພາະໃນສະຫະລັດ, ເຊິ່ງພາວະເສດຖະກິດຕົກຕໍ່າຄັ້ງໃຫຍ່ເປັນຕົວແທນຂອງຄວາມທຸກຍາກທີ່ຮ້າຍແຮງທີ່ສຸດທີ່ຊາວອາເມລິກາຕ້ອງປະເຊີນໜ້ານັບຕັ້ງແຕ່ສົງຄາມກາງເມືອງ. ໃນໄລຍະກ່ອນວິກິດ ບໍລິສັດໄດ້ປະສົບຜົນສໍາເລັດຫຼາຍໃນການສົ່ງອອກໄປຮອດເອີຣົບ, ອັດຕາການວ່າງງານແມ່ນຕໍ່າ, ອຸດສາຫະກໍາລົດຍົນຊຸກຍູ້ການຈ້າງງານ ແລະ ເສດຖະກິດ. ຈົນເຖິງຈຸດສູງສຸດໃນປີ 1929, ລວມທັງຕະຫຼາດຮຸ້ນ ທຸກຄົນລ້ວນຕ່າງໄດ້ເຂົ້າມາລົງທຶນ ທັງຜູ້ທີ່ມີຊັບສິນ ຫຼື ໜີ້ສິນ ເພື່ອລົງທຶນຈົນກ່ວາລາຄາຮຸ້ນປັບເພີ່ມຂຶ້ນເກືອບ 10 ເທົ່າ ແລະ ຕະຫຼາດ Dow Jones (DJIA) ໄດ້ບັນລຸຈຸດສູງສຸດ 381.17 ຈຸດໃນວັນທີ 3 ກັນຍາ 1929, ສະແດງໃຫ້ເຫັນນັກລົງທຶນຄາດຫວັງວ່າຮຸ້ນລາຄາຈະເຕີບໂຕ ເນັ້ນໃສ່ການຊື້ຂາຍທີ່ຄາດເດົາໂດຍບໍ່ໄດ້ເບິ່ງພື້ນຖານຂອງຫຼັກຮຸ້ນ. ຈົນຮອດກາງປີ ເສດຖະກິດເລີ່ມຢຸດສະງັກ ເນື່ອງຈາກກຳລັງການຜະລິດທີ່ມີຫຼາຍເກີນໄປ ເກີດອຸປະທານສ່ວນເກີນໃນຫຼາຍອຸດສາຫະກໍາ. ທັງການປູກພືດກະສິກໍາ […]
Argo blockchain ລະງັບການຊື້ຂາຍຮຸ້ນໃນຕະຫຼາດຫຼັກຊັບ Nasdaq ຊົ່ວຄາວເນື່ອງຈາກບັນຫາທີ່ເກີດຂຶ້ນ
Argo Blockchain ບໍລິສັດຂຸດ Bitcoin ໄດ້ລະງັບການຊື້ຂາຍຮຸ້ນເງິນຝາກອາເມລິກາ (ADS) ໃນ Nasdaq. ອີງຕາມການຖະແຫຼງຂ່າວໃນວັນທີ 27 ທັນວາ, ບໍລິສັດກ່າວວ່າ ມີຄວາມຈຳເປັນຕ້ອງໄດ້ລະງັບການຊື້ຂາຍເນື່ອງຈາກການປະກາດທີ່ຈະມາເຖິງໃນວັນທີ 28 ທັນວາ ແລະ ຕະຫຼາດຫຼັກຊັບລອນດອນຈະປິດທຳການໃນວັນທີ 27 ທັນວາ. Argo ກ່າວວ່າບໍລິສັດຄາດວ່າຮຸ້ນຈະກັບມາຊື້ຂາຍໃນຕະຫຼາດ Nasdaq ໃນວັນທີ 28 ທັນວາ. ຖະແຫຼງການດັ່ງກ່າວມີຂຶ້ນຫຼັງຈາກບໍລິສັດໄດ້ປະສົບກັບຄວາມຫຍຸ້ງຍາກທາງດ້ານການເງິນ ແລະ ປະເຊີນກັບຂ່າວລືກ່ຽວກັບການລົ້ມລະລາຍ ເນື່ອງຈາກຕົ້ນທຶນຄ່າໃຊ້ຈ່າຍດ້ານພະລັງງານເພີ່ມຂຶ້ນ ແລະ ການຫຼຸດລົງຂອງລາຄາ Bitcoin. ວັນທີ 9 ທັນວານີ້, ບໍລິສັດ Argo ໄດ້ເປີດເຜີຍເອກະສານກັບນັກຂ່າວໂດຍບໍ່ຕັ້ງໃຈ ເປັນການປະກາດປອມວ່າ ໄດ້ຍື່ນຟ້ອງການລົ້ມລະລາຍ. ໃນການຕອບສະໜອງຂອງຕະຫຼາດຫຼັກຊັບລອນດອນ ເເລະ Nasdaq ລະງັບການຊື້ຮຸ້ນຂອງບໍລິສັດທັນທີ, ໂດຍທີມງານຕອບສະໜອງດ້ວຍການຮ້ອງຂໍໃຫ້ຮຸ້ນກັບມາຊື້ຂາຍເຊັ່ນເດີມ ເນື່ອງຈາກບໍ່ໄດ້ຍື່ນຟ້ອງລົ້ມລະລາຍເເທ້. ໃນເວລານັ້ນ, ບໍລິສັດຍອມຮັບວ່າ “ມີຄວາມສ່ຽງຂອງເງິນສົດບໍ່ພຽງພໍເພື່ອຮອງຮັບການດໍາເນີນທຸລະກິດຢ່າງຕໍ່ເນື່ອງໃນເດືອນຕໍ່ໄປ”. ຢ່າງໃດກໍຕາມ, ທາງບໍລິສັດຍັງຄົງພະຍາຍາມຫຼີກລຽງການລົ້ມລະລາຍໃນພາກທີ 11. ໃນວັນທີ 16 ເດືອນທັນວາ, […]
Sam Bankman-Fried ກູ້ຢືມເງິນ 546 ລ້ານໂດລາຈາກ Alameda ເພື່ອລະດົມທຶນໃນການຊື້ຮຸ້ນຂອງ Robinhood
Sam Bankman-Fried, ຜູ້ກໍ່ຕັ້ງ FTX ເວັບເທຣດ Crypto ທີ່ລົ້ມລະລາຍໄປເເລ້ວ, ກູ້ຢືມເງິນກວ່າ 546 ລ້ານໂດລາຈາກ Alameda Research ບໍລິສັດໃນເຄືອເພື່ອເປັນທຶນໃນການຊື້ຮຸ້ນຂອງ Robinhood. ຮຸ້ນເຫຼົ່ານັ້ນໄດ້ຖືກນໍາໃຊ້ເປັນຫຼັກປະກັນເງິນກູ້ທີ່ Alameda ເອົາມາຈາກ BlockFi, ເຊິ່ງເປັນໜຶ່ງໃນໜ່ວຍງານທີ່ອ້າງສິດໃນຮຸ້ນ. ຄຳໃຫ້ການເປັນລາຍລັກອັກສອນທີ່ Bankman-Fried ຍື່ນຕໍ່ສານສູງ Antigua ແລະ Barbuda ໃນວັນທີ 12 ເດືອນທັນວາ, ເຊິ່ງເປັນມື້ທີ່ຖືກຈັບກຸມ ເເລະ ຖືກເຜີຍເເຜ່ຕໍ່ສາທາລະນະໃນວັນທີ 27 ເດືອນທັນວາ, ລາວ ແລະ ຜູ້ຮ່ວມກໍ່ຕັ້ງ FTX Zixiao “Gary” Wang ໄດ້ຮ່ວມກັນກູ້ຢືມເງິນຈາກ Alameda ຜ່ານໃບສັນຍາສີ່ສະບັບລະຫວ່າງເດືອນເມສາຫາເດືອນພຶດສະພາ. ໃນວັນທີ 30 ເມສານີ້ ທຶນກູ້ຢືມປະມານ 316,6 ລ້ານໂດລາສະຫະລັດ ແລະ 35,1 ລ້ານໂດລາສະຫະລັດໄດ້ມອບໃຫ້ Bankman-Fried ແລະ Wang […]
ວິກິດເງິນເຟີ້ ມີສ່ວນຕໍ່ການລົ້ມລະລາຍຂອງອານາຈັກໂຣມັນ
ເມື່ອກ່າວເຖິງເຫດຜົນການລົ້ມສະລາຍຂອງນະຄອນໂຣມ ແລະ ອານາຈັກໂຣມັນທີ່ເຂັ້ມແຂງ ຫຼາຍຄົນຈະແນໄປທີ່ປັດໄຈພາຍນອກຢ່າງການຮຸກຮານຈາກຊົນເຜົ່າ Germanic ເຊັ່ນ Goths ແລະ Vandals. ແຕ່ແທ້ຈິງແລ້ວ ສະພາວະເງິນເຟີ້ທີ່ຮຸນເເຮງແມ່ນປັດໄຈຫຼັກ ທີ່ເຮັດໃຫ້ປະຊາຊົນມີຄວາມເປັນຢູ່ທີ່ທຸກຍາກຂຶ້ນເລື້ອຍໆ ຈົນອອກມາປະທ້ວງ ແລະ ເຮັດໃຫ້ເສດຖະກິດຂອງໂຣມັນອ່ອນແອລົງ. ໂຣມັນໃນຊ່ວງ ຄ.ສ 1-2 ຖືເປັນອານາຈັກທີ່ຍິ່ງໃຫຍ່ທີ່ສຸດແຫ່ງໜຶ່ງຂອງໂລກຢ່າງບໍ່ມີຂໍ້ໂຕ້ຖຽງ ພວກເຂົາເກັ່ງທັງດ້ານການຄ້າ ແລະ ການຮົບ, ມີນະໂຍບາຍທາງເສດຖະກິດທີ່ເປີດເສລີທາງດ້ານການຄ້າ ແລະ ການເກັບພາສີທີ່ຕໍ່າ. ເພື່ອການສະໝັບສະໝູນການຂະຫຍາຍຕົວທາງເສດຖະກິດນີ້ ໂຣມັນຕ້ອງສ້າງສະກຸນເງິນຂອງຕົນເອງຂຶ້ນມາ ຊື່ວ່າ “Denarius” ທີ່ມີມູນຄ່າໃນຕົວເອງເພາະສ້າງຈາກ “ແຮ່ເງິນ (silver)” ຫຼຽນເງິນຂອງໂຣມັນໄດ້ຖືກຈັບຈ່າຍໃຊ້ສອຍຢ່າງສະດວກສະບາຍ ແລະ ຍິ່ງອານາຈັກໂຣມັນເຂັມແຂງ ແຜ່ຂະຫຍາຍອອກໄປໄດ້ເທົ່າໃດ ເສດຖະກິດຂອງໂຣມັນກໍຍິ່ງເຕີບໃຫຍ່ຫຼາຍຂຶ້ນເທົ່ານັ້ນ. ດັ່ງນັ້ນ, ຈະສ້າງຫຼຽນເງິນຂອງຕົນເອງອອກມາເທົ່າໃດ ກໍບໍ່ເຮັດໃຫ້ເກີດປັນຫາເງິນເຟີ້. ຈົນມາເຖິງຊ່ວງປະມານ ຄ.ສ ທີ 2 ກໍ່ໄດ້ເກີດການແຜ່ລະບາດຂອງໂລກໄຂ້ຫວັດໃຫຍ່ຄັ້ງໃຫຍ່ຂຶ້ນ, ຖືເປັນການແຜ່ລະບາດໃໝ່ຄັ້ງທໍາອິດທີ່ຮູ້ຈັກ ແລະ ຖືກບັນທຶກໄວ້ ເອີ້ນວ່າ “The Antoine Plague” ການລະບາດຄັ້ງນີ້ ຂ້າຊີວິດຂອງປະຊາຊົນຊາວໂຣມັນໄປຈໍານວນຫຼາຍ ເຮັດໃຫ້ຫຼັງຈາກນັ້ນ […]
ຍີ່ປຸ່ນຈະຍົກເລີກການ Baned ຫຼຽນ USDT ທີ່ອອກໃຫ້ໂດຍຕ່າງປະເທດ ໃນປີ 2023
ໜ່ວຍງານຄຸ້ມຄອງດູເເລຂອງຍີ່ປຸ່ນກຳລັງພິຈາລະນາຍົກເລີກຂໍ້ຈຳກັດຂອງສະກຸນເງິນດິຈິຕອລ ບາງຕົວທີ່ສໍາຄັນ ທີ່ກ່ຽວຂ້ອງກັບການໃຊ້ Stablecoin ເຊັ່ນ: Tether (USDT) ຫຼື USD Coin (USDC) ອົງການການບໍລິການດ້ານການເງິນຂອງຍີ່ປຸ່ນ (FSA) ຈະຍົກເລີກຄຳສັ່ງຫ້າມການຂາຍຫຼຽນ Stablecoin ທີ່ອອກໃຫ້ໂດຍຕ່າງປະເທດພາຍໃນປະເທດໃນປີ 2023, ສຳນັກງານຂ່າວທ້ອງຖິ່ນ Nikkei ລາຍງານໃນວັນທີ 26 ທັນວາ. ກົດລະບຽບໃໝ່ສໍາລັບ stabilitycoins ໃນປະເທດຍີ່ປຸ່ນຈະອະນຸຍາດໃຫ້ບໍລິສັດຊື້ຂາຍ crypto ໃນປະເທດສາມາດຈັດການການຊື້ຂາຍ stabilitycoin ພາຍໃຕ້ເງື່ອນໄຂຂອງການເກັບຮັກສາສິນຊັບໂດຍການຝາກເງິນ ແລະ ການໂອນເງິນຈໍາກັດສູງສຸດ. ບົດລາຍງານກ່າວວ່າ “ຖ້າການຈ່າຍເງິນໂດຍໃຊ້ Stablecoin ເປັນທີ່ນິຍົມ, ການໂອນເງິນຂ້າມຊາຍແດນອາດຈະໄວຂຶ້ນແລະລາຄາຖືກກວ່າ”. ການອະນຸຍາດໃຫ້ຈຳໜ່າຍຫຼຽນ Stablecoin ໃນປະເທດຍີ່ປຸ່ນຈະຕ້ອງມີກົດລະບຽບເພີ່ມເຕີມທີ່ກ່ຽວຂ້ອງກັບການຄວບຄຸມການຕໍ່ຕ້ານການຟອກເງິນ, FSA ກ່າວ. ໂດຍໜ່ວຍງານໄດ້ເລິ່ມເກັບກໍາຂໍ້ສະເໜີແນະສໍາລັບການຍົກເລີກການຫ້າມ Stablecoin ໃນຍີ່ປຸ່ນ, ດັ່ງທີ່ລາຍງານກ່ອນໜ້ານີ້. ສະພາແຫ່ງຊາດຍີ່ປຸ່ນໄດ້ຜ່ານຮ່າງກົດໝາຍຫ້າມການອອກຫຼຽນ Stablecoin ໂດຍສະຖາບັນທີ່ບໍ່ແມ່ນທະນາຄານໃນເດືອນມິຖຸນາປີ 2022. ມາດຕະການຫຼ້າສຸດຈະມີຜົນກະທົບອັນໃຫຍ່ຫຼວງຕໍ່ການບໍລິການຊື້ຂາຍ cryptocurrency ທີ່ນໍາສະເໜີໃນຍີ່ປຸ່ນ. ເນື່ອງຈາກໃນປັດຈຸບັນ, ບໍ່ມີບໍລິສັດ […]
Fidelity ກຽມເປີດຕົວ “NFT Marketplace”ແລະ ການບໍລິການທາງດ້ານການເງິນໃນ Metaverse
Fidelity Investments ຍັກໃຫຍ່ດ້ານການລົງທຶນໄດ້ຍື່ນຄໍາຮ້ອງຂໍເຄື່ອງໝາຍການຄ້າໃນສະຫະລັດສໍາລັບຜະລິດຕະພັນ ແລະ ການບໍລິການ Web3 ລວມທັງຕະຫຼາດ NFT, ການລົງທຶນທາງດ້ານການເງິນ ແລະ ການບໍລິການຊື້ຂາຍ crypto ໃນ metaverse. ເຄື່ອງໝາຍການຄ້າ 3 ສະບັບໄດ້ຖືກຍື່ນຕໍ່ສໍານັກງານເຄື່ອງໝາຍການຄ້າສິດທິບັດຂອງສະຫະລັດ (USPTO) ເມື່ອໃນວັນທີ 21 ທັນວາ, ອີງຕາມລາຍງານຂອງທະນາຍຄວາມເຄື່ອງໝາຍການຄ້າ Mike Kondoudis ທີ່ tweeted ໃນວັນທີ 27 ທັນວາ. ໜຶ່ງໃນປະເດັນຫຼັກຂອງບໍລິສັດມຸ່ງເນັ້ນຄື metaverse, ໂດຍ Fidelity ລະບຸວ່າສາມາດໃຫ້ບໍລິການດ້ານການລົງທຶນທີ່ຫຼາກຫຼາຍໃນໂລກ virtual. ລວມທັງກອງທຶນລວມ, ກອງທຶນບໍານານ, ການຄຸ້ມຄອງການລົງທຶນ ແລະ ການວາງແຜນທາງດ້ານການເງິນ. ນອກຈາກນີ້, ຍັງລວມເຖິງການບໍລິການການຈ່າຍເງິນທີ່ໃຊ້ metaverse, ການຈ່າຍເງິນໃບບິນເອເລັກໂຕຣນິກ, ການໂອນເງິນ ແລະ “ການຄຸ້ມຄອງທາງດ້ານການເງິນຂອງບັນຊີບັດເຄຣດິດໃນ metaverse ແລະ ໂລກ virtual ອື່ນໆ” ໃນແງ່ຂອງ crypto ການຍື່ນເອກະສານລະບຸວ່າ […]
“ຣາອິ” ສະກຸນເງິນເເຫ່ງເກາະເເຢັບ
ເເຜ່ນຫີນຂະໜາດໃຫຍ່ນີ້ທີ່ມີຮູທາງກາງນີ້ບໍ່ເເມ່ນເເທ່ນບູຊາເເຕ່ຢ່າງໃດ ເເຕ່ນີ້ເເມ່ນເງິນທີ່ໃຊ້ເເລກປ່ຽນກັນຢູ່ເທິງເກາະເເຢັບ. ມື້ນີ້ເຮົາຈະມາເວົ້າເຖິງສະກຸນເງິນ “ຣາອິ” ຫຼື “Rai” ຢູ່ເທິງເກາະເເຢັບກັນ! ເກາະເເຢັບຕັ້ງຢູ່ໃນມະຫາສະໝຸດປາຊີຟິກຫ່າງອອກໄປທາງຕາເວັນຕົກຂອງປະເທດຟິລິບປິນ ປັດຈຸບັນຕັ້ງຢູ່ໃນປະເທດສະຫະພັນລັດ Micronesia, ໂດຍເກາະນີ້ມີຄວາມພິເສດກໍຄືເເຜ່ນຫີນຂະໜາດໃຫຍ່ທີ່ມີຮູທາງກາງ. ເມື່ອຫຼາຍຮ້ອຍປີກ່ອນ, ພວກເຂົາໄດ້ນຳເອົາຫິນປູນຂະໜາດໃຫຍ່ “Rai Stone” ມາຂັດໃຫ້ມັນເປັນຮູບວົງມົນ ເເລ້ວເຈາະຮູທາງກາງ ຫຼັງຈາກນັ້ນ ກໍໃຊ້ມັນເປັນສື່ກາງໃນການເເລກປ່ຽນຕ່າງໆມາເປັນເວລາດົນນານ ເເລະ ສົ່ງຕໍ່ຈາກຮຸ່ນສູ່ຮຸ່ນຄົນຈົນຮອດປັດຈຸບັນ, ເທິງເກາະເເຢັບມີຫີນເເບບນີ້ເປັນ 1000 ກ້ອນ ເເລະ ກ້ອນທີ່ໃຫຍ່ທີ່ສຸດມີເສັ້ນຜ່ານສູນກາງ 12 ຟຸດ ເເລະ ໜັກເຖິງ 4 ໂຕນ. ເນື່ອງຈາກວ່າເຮົາບໍ່ສາມາດຖືຕິດໂຕໄປນຳໄດ້ ວິທີການນໍາໃຊ້ເງິນກ້ອນຫີນຣາອິ ຈຶ່ງຄ້າຍຄືກັນກັບການໂອນເງິນໃນບັນຊີທະນາຄານລະຫວ່າງກັນ ແລະ ກັນ ເມື່ອມີຂໍ້ຕົກລົງການຊື້ຂາຍ ແລະ ແລກປ່ຽນກັນ. ຫຼັງຈາກນັ້ນທັງສອງຈະໄປ “ທະນາຄານ” ເຊິ່ງເປັນກາງເດີ່ນຂອງໝູ່ບ້ານທີ່ມີເງິນກ້ອນຫີນວາງລຽງເປັນແຖວ, ຈາກນັ້ນ ຈະເຮັດເຄື່ອງໝາຍໃສ່ຫີນວ່າໄດ້ມີການເເລກປ່ຽນມືລະຫວ່າງເຈົ້າຂອງເກົ່າ ແລະ ເຈົ້າຂອງໃໝ່ເປັນທີ່ຮຽບຮ້ອຍ ກໍຖືວ່າສິ້ນສຸດຂອງຂະບວນການຊື້ຂາຍແລກປ່ຽນ. ຫິນດັ່ງກ່າວນີ້ບໍ່ໄດ້ມີຢູ່ເທິງເກາະ ເເຕ່ຕ້ອງໄປນຳມາຈາກໝູ່ເກາະປາເລົາ (Palau) ເຊິ່ງຢູ່ຫ່າງອອກໄປປະມານ 300 ກິໂລເເມັດ, ເມື່ອຂຸດ […]
