Kevin O’Leary ຊຸບຕາ Shark Tank ຫຼືເປັນທີ່ຮູ້ຈັກກັນໃນຊື່ Mr. Wonderful ຄາດວ່າ ລາຄາຂອງ Bitcoin ຈະເພີ່ມຂຶ້ນຖ້າຮ່າງກົດໝາຍຄວາມໂປ່ງໃສຂອງ Stablecoin ຜ່ານ, ເຊິ່ງລາວເຊື່ອວ່າອາດຈະເກີດຂຶ້ນອີກບໍ່ດົນຫຼັງການເລືອກຕັ້ງກາງພາກຂອງສະຫະລັດໃນຊ່ວງກາງເດືອນພະຈິກ.

ກົດຂໍ້ບັງຄັບເພື່ອດັນໃຫ້ລາຄາ Bitcoin ເພີ່ມຂຶ້ນ

Kevin O’Leary ຊຸບຕາ Shark Tank ເເລະປະທານທີ່ປຶກສາດ້ານການລົງທຶນຂອງ O’Shares ໄດ້ເເບ່ງປັນເຫດຜົນຂອງລາວວ່າ ເປັນຫຍັງນັກລົງທຶນຈຶ່ງຄວນຊື້ Bitcoin ໃນຊ່ອງ Crypto Banter – Youtube Channel ໃນວັນສຸກ.

Mr.Wonderful ອະທິບາຍ​ວ່າ ຮ່າງ​ກົດໝາຍ​ ​ Stablecoin Transparency Act ເຊິ່ງມີໂອກາດ​​ທີ່​ຈະ​ຜ່ານ​ລັດຖະສະພາ​ Congress ສະຫະລັດ​ຫຼັງ​ວັນ​ທີ 8 ພະຈິກ ​ໃນຊ່ວງ​ລະຫວ່າງ​ການ​ເລືອກ​ຕັ້ງ​ກາງ​ພາກ ວ່າ:

“ກົດ​ໝາຍ​ນີ້​ອາດ​ຈະ​ໄດ້​ຮັບ​ການ​ສະ​ໜັບ​ສະ​ໜູນ​ຈາກ​ທັງ​ສອງ​ຝ່າຍ ແລະ​ເຫດ​ຜົນ​ທີ່ເປັນເເບບ​ນັ້ນ ແມ່ນຍ້ອນວ່າກົດໝາຍນີ້ຈະເຮັດໃຫ້ເງິນໂດລາສະຫະລັດເປັນລະບົບການຈ່າຍເງິນເລີ່ມຕົ້ນທົ່ວໂລກໄດ້ຢ່າງມີປະສິດທິພາບ”

ລາວອະທິບາຍຕໍ່ວ່າ ເປັນຫຍັງການຜ່ານກົດຫມາຍນີ້ຈະເພີ່ມລາຄາຂອງ Bitcoin “ເຖິງແມ່ນວ່າມັນບໍ່ມີຫຍັງກ່ຽວຂ້ອງກັບ bitcoin, ເເຕ່ມັນຈະເປັນຂໍ້ບັງຄັບທໍາອິດທີ່ຈະຜ່ານໂດຍໜ່ວຍງານເເລະການຄວບຄຸມສະຫະລັດ.” O’Leary ເວົ້າຕື່ມ “ທ່ານຈະເຫັນເງີນທືນຂອງສະຖາບັນທີ່ຫຼັ່ງໄຫຼເຂົ້າມາ”

“ຖ້າສະຖາບັນຮັບຮູ້ນະໂຍບາຍ ສະແດງໃຫ້ເຫັນວ່າພວກເຂົາມີການເຄື່ອນໄຫວຢ່າງແທ້ຈິງແລະມັນເຫັນໄດ້ຊັດເຈນເມື່ອລາຄາ BTC ອອກຈາກຂອບເຂດການຊື້ຂາຍ 19,000 ໂດລາ ຫາ 22,000 ໂດລາ ທຽບກັບເງິນໂດລາສະຫະລັດ,”

” ທ້າຍທີ່ສຸດ, ເມື່ອກົດລະບຽບມາຮອດ ລາຄາ Bitcoin ຈະເພີ່ມຂຶ້ນ.”

O’Leary ຍັງເວົ້າເຖິງເຫດຜົນທີ່ ເປັນຫຍັງລາວຈຶ່ງຮູ້ສຶກໜັກເເໜ້ນກ່ຽວກັບອະນາຄົດຂອງ Bitcoin, cryptocurrency ແລະ NFT ໃນ Linkedin ຂອງອາທິດນີ້ ວ່າ:

“ທ່ານບໍ່ສາມາດຢຸດມັນໄດ້, ເຈົ້າຈະເຂົ້າຮ່ວມຫຼືພາດໂອກາດ!”

“ມີບາງຄົນໄດ້ວິພາກວິຈານຂ້ອຍສໍາລັບເລື່ອງນີ້. ແຕ່ນີ້ແມ່ນເຫດຜົນຫນຶ່ງທີ່ຂ້ອຍຮູ້ສຶກໜັກເເໜ້ນກ່ຽວກັບອະນາຄົດຂອງ crypto ແລະ NFT” ,Mr.Wonderful ກ່າວ. “ເມື່ອເຈົ້າມີເທັກໂນໂລຍີໃໝ່ໆ ທີ່ສາມາດຍົກລະດັບເພີ່ມປະສິດທິພາບການເຮັດວຽກຂອງພວກເຮົາແລະປັບປຸງວິທີທີ່ເຮັດໃຫ້ພວກເຮົາສາມາດເຮັດທຸລະກໍາໄດ້ທົ່ວໂລກ ເຈົ້າບໍ່ມີທາງເລືອກອື່ນນອກຈາກລົງມືເຮັດ”

ທີ່ມາ : https://cutt.ly/BBJDgml

** ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

Follow our channels for more updates:

Website: www.bitqik.com
bitqik Suport :  https://support.bitqik.com/
bitqik Insight: https://insight.bitqik.com/
Facebook: https://www.facebook.com/bitqik/
Tiktok: https://vt.tiktok.com/ZSdT86ut3/
Youtube :ps:/www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial
Facebook Academy: https://www.facebook.com/profile.php?id=100086347500753

bitqik #bitcoin #cryptocurrency#Laos