ໃນໂລກເເຫ່ງການລົງທຶນ ພວກເຮົາບໍ່ສາມາດປະຕິເສດໄດ້ວ່າຜູ້ເຂົ້າຮ່ວມຕະຫຼາດມີຄວາມໂລບມາກແລະຢ້ານກົວ ເນື່ອງຈາກວ່າໃນຕະຫຼາດໄດ້ມີການລົງທຶນຫຼາຍຮູບ ບໍ່ວ່າຈະເປັນໃນຊ່ວງຂາຂຶ້ນທີ່ສູງທີ່ສຸດທີ່ເຮັດໃຫ້ພວກເຮົາຕ້ອງການທີ່ຈະ FOMO ຫຼື ດິ່ງຫຼຸດລົງຈົນຕົກໃຈເຮັດໃຫ້ເຮົາຢ້ານກົວ.
ມື້ນີ້ເຮົາຈະມາແນະນຳ Fear & Greed Index ເຊິ່ງເປັນອີກເຄື່ອງມືໜຶ່ງທີ່ສາມາດໃຊ້ໃນການລົງທຶນໄດ້. ໄປເບິ່ງກັນເລີຍວ່າມັນແມ່ນຫຍັງແລະມີວິທີເບີ່ງເເນວໃດ.

Fear & Greed Index ໄດ້ຖືກພັດທະນາໂດຍນັກຂ່າວຊື່ດັງ CNN Money ຂອງອາເມລິກາ ເພື່ອນຳມາໃຊ້ວິເຄາະສະພາວະຕະຫຼາດຮຸ້ນ ແລະໃນປັດຈຸບັນມັນໄດ້ຖືກນໍາໃຊ້ໃນການວິເຄາະຕະຫຼາດ Cryptocurrency ດ້ວຍເຊັ່ນກັນ.

Fear & Greed Index ແມ່ນ “ດັດຊະນີວັດຄວາມຢ້ານກົວແລະຄວາມໂລບ” ທີ່ສະແດງໃຫ້ເຫັນເຖິງອາລົມໂດຍລວມຂອງນັກລົງທຶນໃນຕະຫຼາດ.

ດັດຊະນີຄວາມຢ້ານກົວ & ຄວາມໂລບຂອງຕະຫຼາດ Crypto ວັດແທກໂດຍຫຍັງ?

• ສຳລັບ Fear & Greed Index ໃນເວັບໄຊ https://cutt.ly/lN0KJ0k ຄຳນວນມາຈາກ “Bitcoin” ພຽງຫຼຽນດຽວເທົ່ານັ້ນ ໂດຍມັນຖືກຄຳນວນຈາກຕົວເເປຕ່າງໆດັ່ງນີ້:

1. ຄວາມຜັນຜວນ (Volatility) (25%)

ຄວາມຜັນຜວນທີ່ເກີດຂຶ້ນຂອງລາຄາ BTC ໃນປັດຈຸບັນທຽບກັບລາຄາສະເລ່ຍ 30 ມື້ແລະ 90 ມື້ທີ່ຜ່ານມາ.

2. Momentum & Volume (25%)

ການເຄື່ອນໄຫວຂອງລາຄາ ແລະ ປະລິມານການຊຶ້ຂາຍໃນປັດຈຸບັນ ເມື່ອປຽບທຽບກັບຄ່າສະເລ່ຍ 30 ມື້ ແລະ 90 ມື້ທີ່ຜ່ານມາ ເຊັ່ນດຽວກັບຄວາມຜັນຜວນ.

3. ສື່ສັງຄົມ (Social Media) (15%)

ວິເຄາະຈາກ Social Media ເຊັ່ນ : Twitter ຊຶ່ງມີ #Hashtag ທີ່ສາມາດນັບຈໍານວນໂພສໄດ້ ໂດຍຄຳນວນຈາກ #Bitcoin ເປັນຫຼັກ

4. ການສໍາຫຼວດ (Surveys) (15%)

ສອບຖາມ ແລະເກັບກໍາຄວາມຄິດເຫັນຈາກນັກລົງທຶນ crypto ລວມເຖິງບຸກຄົນທົ່ວໄປ ແຕ່ຕົວແປນີ້ວັດຜົນໄດ້ຄ່ອນຂ້າງຍາກແລະບໍ່ໄດ້ຜົນຕອບຮັບເທົ່າທີ່ຄວນ. ດັ່ງນັ້ນ, ຈື່ງໄດ້ຫຍຸດໃຊ້ຕົວເເປນີ້ໃນການຄຳນວນ.

5. ເເນວໂນ້ມ (Trend) (10%)

ໄດ້ນຳຂໍ້ມູນການຄົ້ນຫາຄຳວ່າ Bitcoin ຫຼື ຄຳທີ່ກ່ຽວຂອງກັບ Crypto ມາວິເຄາະ, ເຊິ່ງມັນສະເເດງໃຫ້ເຫັນວ່າມີຄົນໃຫ້ຄວາມສົນໃຈໃນຕະຫຼາດ crypto ແລະ bitcoin ຫຼາຍເທົ່າໃດ ສະທ້ອນໃຫ້ເຫັນເຖິງຄ່າ Greed ຖ້າມີການຄົ້ນຫາຫຼາຍ ຄ່າ Greed ຈະຍິ່ງສູງ.

6. Dominance (10%)

ຫຼັກການຂອງການຖື Bitcoin ແມ່ນວ່າເມື່ອ Bitcoin ມີຫຸ້ນໃຫຍ່ ນັ້ນໝາຍຄວາມວ່າຕະຫຼາດມີຄວາມຢ້ານກົວ (Fear) ເພີ່ມຂຶ້ນ, ຖ້າຕະຫຼາດມີຄວາມໂລບ (Greed) ການຖືຄອງ Bitcoin ຈະໜ້ອຍລົງຍ້ອນວ່ານັກລົງທຶນໃຫ້ຄວາມສົນໃຈໃນ altcoins ຫຼາຍຂຶ້ນ.

• ວິທີການເບິ່ງ ແລະຕີຄວາມໝາຍຂອງ Fear & Greed Index

ລະດັບຄວາມຢ້ານແລະຄວາມໂລບແມ່ນຢູ່ລະຫວ່າງ 0-100 ແລະສາມາດແບ່ງອອກເປັນ 5 ລະດັບດັ່ງນີ້:

1. 0 – 25 (Extreme Fear)

ຄືສະພາວະຕະຫຼາດທີ່ນັກລົງທຶນມີ ຄວາມຢ້ານກົວສູງສຸດ

2. 26–49 (Fear)

ແມ່ນສະພາບຕະຫຼາດທີ່ນັກລົງທຶນຍັງມີ ຄວາມຢ້ານກົວຢູ່

3. 50 (Neutral)

ແມ່ນວ່າສະພາບຕະຫຼາດຢູ່ໃນເກນປົກກະຕິ ຢູ່ເຄິ່ງກາງລະຫວ່າງຄວາມໂລບແລະຄວາມຢ້ານ

4. 51 – 74 (Greed)

ແມ່ນສະພາວະຕະຫຼາດທີ່ນັກລົງທຶນມີ ຄວາມໂລບ

5. 75 – 100 (Extreme Greed)

ແມ່ນສະພາບຕະຫຼາດທີ່ນັກລົງທຶນມີຄວາມໂລບເຖິງຂີດສຸດ

ຢ່າງໃດກໍ່ຕາມ, Fear & Greed Index ເປັນພຽງແຕ່ຕົວຊີ້ວັດທີ່ຈະຊ່ວຍໃຫ້ການວິເຄາະສະພາບຕະຫຼາດ, ມັນບໍ່ແມ່ນເຄື່ອງມືທີ່ຮັບປະກັນເເນວໂນ້ມຂອງຕະຫຼາດ ພວກເຮົາຄວນໃຊ້ເຄື່ອງມືທີ່ຫຼາກຫຼາຍ ແລະປັດໃຈອື່ນໆເພື່ອຕັດສິນໃຈລົງທຶນ.

ທີ່ມາ : https://cutt.ly/MN2oxnz

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain