ຄວາມແຕກຕ່າງລະຫວ່າງ Bitcoin VS ທອງຄຳ

• ທອງຄຳ ເປັນເເຮ່ທາດຊະນິດໜຶ່ງທີ່ສາມາດຈັດຕ້ອງໄດ້ ພົບເຫັນໄດ້ບາງພື້ນທີ່ຂອງໂລກ ເປັນໂລຫະທີ່ມີມູນຄ່າຫາຍາກ ແລະ ມີທິດສະດີທີ່ວ່າທອງຄຳມີຕົ້ນກຳເນີດມາຈາກນອກໂລກ ໂດຍເກີດຈາກການລະເບີດຂອງດວງດາວ ຫຼື ທີ່ເອີ້ນກັນວ່າ Supernova ທີ່ເຮັດໃຫ້ເກີດເເຮງດັນປິດສະໜາກໍໃຫ້ເກີດເປັນແຮ່ທາດທອງຄຳ ເຊິ່ງຜົນຂອງລະເບີດເຮັດໃຫ້ມີບາງສ່ວນຕົກມາຢູ່ຕາມບາງພື້ນໂລກຂອງເຮົານັ້ນເອງ

• Bitcoin ເປັນສະກຸນເງິນດິຈີຕອນຊະນິດໜຶ່ງທີ່ນອນຢູ່ໃນພື້ນຖານຂອງເທັກໂນໂລຢີ Blockchain ເກີດຂຶ້ນໃນປີ 2009 ຈາກແນວຄິດຂອງ ຜູ້ທີ່ເອີ້ນໂຕເອງວ່າ Satoshi Nakamoto ແລະ Bitcoin ເປັນຊັບສິນດີຈີຕອນທີ່ບໍ່ສາມາດຈັບຕ້ອງໄດ້ ແຕ່ສາມາດກວດສອບໄດ້ດ້ວຍເທັກໂນໂລຢີ Blockchian

ການຂຸດ Bitcoin Vs ທອງຄຳ

Bitcoin ແລະ ທອງຄຳ ລ້ວນຈະຕ້ອງອາໄສການຂຸດ ເຊິ່ງທອງຄຳຈະມີວິທີຂຸດໂດຍໃຊ້ເເຮງງານໃນການຂຸດ ຫຼື ການຂຸດເໝືອງທອງຄຳດັ່ງທີ່ເຮົາຮ້ອງກັນ ຫຼັງຈາກນັ້ນກໍຈະມີການນຳໄປແປຮູບເພື່ອວາງຈຳໜ່າຍຕາມທ້ອງຕະຫຼາດ

ໃນຂະນະທີ່ Bitcoin ແມ່ນຈະມີວິທີຂຸດໂດຍໃຊ້ພະລັງງານໄຟຟ້າ ແລະ ການປະມວນຜົນຂອງຄອມພິວເຕີດ້ວຍການຊອກຫາລະຫັດຜ່ານ ຜ່ານລະບົບ Blockchian ເປັນຫຼັກ

ມູນຄ່າຂອງ Bitcoin ແລະ ທອງຄຳ

• ທອງຄຳ ນອກຈາກຈະໃຊ້ເປັນເຄື່ອງປະດັບແລ້ວ ບາງສ່ວນຍັງຖືກນຳໃຊ້ໄປຜະລິດອຸປະກອນໄຟຟ້າ ຫຼື ຊິບປະມວນປະຜົນ ເນື່ອງຈາກທອງຄຳມີຄຸນສົມບັດເປັນສື່ນຳກະແສໄຟຟ້າ ທີ່ດີທີ່ສຸດເລີຍກໍວ່າໄດ້ ແຕ່ລັດຖະບານຂອງຫຼາຍໆປະເທດເລືອກທີ່ຈະຖືທອງຄຳເພື່ອປ້ອງກັນຄວາມສ່ຽງຂອງພາວະເງິນເຟີ້ ຍອນຄວາມຫາຍາກ ແລະ ການມີຈຳນວນຈຳກັດຂອງທອງຄຳນັ້ນເອງ ເຊິ່ງມູນຄ່າຂອງທອງຄຳຈະອິງຕາມລາຄາທອງຄຳຕະຫຼາດໂລກ ແລະ ຄ່າເງິນທີ່ມີຄວາມຜັນຜວນຂອງແຕ່ລະປະເທດ.

• Bitcoin ຖືກໃຊ້ສຳລັບການແລກປ່ຽນຊັບສິນຄືກັບເງິນສົດ ເເຕ່ບໍ່ສາມາດຈັບຕ້ອງໄດ້ ເປັນຮູບແບບບຂອງດິຈີຕອນ ບໍ່ມີໂຕກາງໃນການແລກປ່ຽນເຊັ່ນ: ລັດຖະບານ ແລະ ທະນາຄານຄວບຄຸມ ຫຼື ເອີ້ນໄດ້ວ່າ Decentralized ເຮັດໃຫ້ມູນຄ່າຂອງ Bitcoin ຂຶ້ນກັບປະລິມານຄວາມຕ້ອງການຂອງຜູ້ຊື້ ແລະ ຜູ້ຂາຍ, ຂ່າວສານຕ່າງໆ ທີ່ມີແນວໂນ້ມກໍສົ່ງຜົນຕໍ່ລາຄາ Bitcoin ເຊັ່ນດຽວກັນ.

ສິ່ງທີ່ Bitcoin ແລະ ທອງຄຳ ມີຄວາມຄ້າຍຄຽງກັນກໍຄື:

ເລື່ອງຂອງຈຳນວນທີ່ມີຈຳກັດ ແລະ ຫາຍາກ ໂດຍປະລິມານຂອງທອງຄຳຂຶ້ນກັບການຂຸດຄົນຂອງນັກຂຸດ ວ່າຈະສາມາດຄົ້ນພົບໄດ້ເທົ່າໃດ

ແຕ່ຖ້າເວົ້າເຖິງ Bitcoin ໃນປັດຈຸບັນໄດ້ຖືກຄົ້ນພົບໄປຈຳນວນ 18.5 ລ້ານຫຼຽນ ຈາກຈຳນວນທັງໝົດ 21 ລ້ານຫຼຽນ ໂດຍຜ່ານການປະມວນຜົນຂອງຄອມພິວເຕີ້ແກ້ໄຂລະຫັດທີ່ມີຄວາມຊັບຊ້ອນ ແລະ ໄດ້ມີການຄາດການວ່າ Bitcoin ຈະຖືກຂຸດອອກມາທັງໝົດໃນປີ 2120 ຫຼື ອີກ 100 ປີໃນອານາຄົດ.

****ຫມາຍເຫດ: ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ສາມາດຕິດຕາມຜ່ານຊ່ອງທາງ faceboook bitqik ພວກເຮົາຈະອັບເດດຂ່າວສານກ່ຽວກັບການເຄື່ອນໄຫວຂອງບໍລິສັດ ແລະ ຂໍ້ມູນຂ່າວສານຂອງໂລກ Cryptocurrency

ຊ່ອງທາງການຕິດຕໍ່:

Website: www.bitqik.com

Facebook: https://www.facebook.com/bitqik/

Tiktok: https://vt.tiktok.com/ZSdT86ut3/