Union Bank of the Philippines ຫຼືເອີ້ນສັ້ນໆວ່າ UnionBank, ແມ່ນໜຶ່ງໃນບັນດາທະນາຄານສາກົນທີ່ໃຫຍ່ທີ່ສຸດໃນປະເທດຟີລິບປິນ ໄດ້ປະກາດໃນວັນທີ 2 ພະຈິກ ເປີດຕົວໂຄງການທົດລອງສໍາລັບການຊື້ຂາຍ Bitcoin (BTC) ແລະ Ethereum (ETH) ລວມເຖິງບໍລິການ Custody ເເລະ trading ສຳລັບລູກຄ້າລາຍຍ່ອຍທີ່ໄດ້ຖືກເລືອກ.

ຄຸນສົມບັດໃນການລົງທຶນ ແລະການຊື້ຂາຍເເບບໃໝ່ ເປີດຕົວໄດ້ຮ່ວມມືກັບບໍລິສັດເຕັກໂນໂລຢີ crypto ຂອງສະວິດ Metaco, ໂດຍທີ່ UnionBank ຈະເປີດໃຫ້ບໍລິການຢູ່ໃນ Harmonize ເເພລັດຟອມສິນຊັບຂອງ Metaco, ເຊິ່ງທັງສອງບໍລິສັດໄດ້ເລີ່ມຮ່ວມມືກັນເພື່ອພັດທະນາການບໍລິການຊື້ຂາຍ crypto ໃນເດືອນມັງກອນ 2022

UnionBank ໄດ້ຮັບການອະນຸຍາດ ແລະຄວບຄຸມໂດຍທະນາຄານກາງຂອງຟີລິບປິນ, Bangko Sentral ng Pilipinas (BSP). UnionBank ໄດ້ດໍາເນີນການຂຸດຄົ້ນອຸດສາຫະກໍາ crypto ຢ່າງຈິງຈັງໃນສອງສາມປີຜ່ານມາ, ແລະໃນປີ 2019 UnionBank ໄດ້ເປີດຫຼຽນ stablecoin ທີ່ເນັ້ນການຊຳລະເງິນ ເຊີ່ງຈະເປັນເງິນເປໂຊຟີລິບປິນ.

Henry Aguda, ຫົວໜ້າເຈົ້າໜ້າທີ່ດ້ານເຕັກໂນໂລຢີຂອງ UnionBank ແລະ CTO, ກ່າວວ່າ Metaco ມີຄວາມສໍາຄັນຫຼາຍໃນເປົ້າໝາຍຂອງທະນາຄານຕໍ່ການໃຫ້ບໍລິການທີ່ເນັ້ນລູກຄ້າເປັນສູນກາງ. ນອກຈາກນີ້ເຂົາຍັງຕັ້ງຂໍ້ສັງເກດວ່າ UnionBank ເປັນໜື່ງໃນກຸ່ມເເລກໆທີ່ເປີດໃຈຍອມຮັບ Crypto ໃນປະເທດ

“ພວກເຮົາມີຄວາມພູມໃຈທີ່ຍັງເປັນຜູ້ນໍາໃນອຸດສາຫະກໍາຕໍ່ໄປແລະໃນເວລານີ້ພວກເຮົາເປັນທະນາຄານທໍາອິດທີ່ໄດ້ຮັບການຄວບຄຸມເເຫ່ງທຳອິດໃນປະເທດທີ່ອະນຸຍາດໃຫ້ມີຄຸນສົມບັດໃນການຊື້ຂາຍ cryptocurrency ສໍາລັບລູກຄ້າ”

ຂ່າວດັ່ງກ່າວ ມີຂຶ້ນບໍ່ດົນຫລັງຈາກປະທານາທິບໍດີຟີລິບປິນ Ferdinand Marcos ໄດ້ເນັ້ນໜັກເຖິງຄວາມສໍາຄັນຂອງການຮັບຮອງເອົາເທກໂນໂລຍີ blockchain ມາໃຊ້ໃນທະນາຄານດິຈິຕອນແລະທຸລະກໍາດິຈິຕອນ.

ທີ່ມາ : https://cutt.ly/MNG1uk8

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain