ໄອຍະການໄດ້ຍຶດເງິນຝາກ Sam Bankman-Fried (SBF) ອີກປະມານ 50 ລ້ານກວ່າໂດລາຈາກທະນາຄານ Farmington State Bank ໃນວັນທີ 4 ມັງກອນ, ເຊິ່ງກ່ອນໜ້ານີ້ Alameda Research ໄດ້ເຂົ້າຝາກຫຼາຍກວ່າ 11.5 ລ້ານໂດລາເຂົ້າໃນທະນາຄານດຽວກັນ, ອີງຕາມ Yahoo Finance (YF) ໃນວັນທີ 24 ມັງກອນ.

ຍອດ​ຈຳນວນ​ເງິນ​ທີ່​ຍຶດ​ໄດ້​ຈາກ​ທະນາຄານ​ດັ່ງກ່າວ​ມີຕັ້ງ​ແຕ່ 5 ຫາ 50 ລ້ານ​ໂດ​ລາ​ສະຫະລັດ, SBF ຍັງ​ໄດ້​ມີ​ລາຍ​ງານ​ວ່າ​ໄດ້​ນໍາ​ໃຊ້​ທະ​ນາ​ຄານ​ອອນ​ໄລ​ນ ​ຫຼື ​ບັດ​ເຄຣ​ດິດ​ເປັນ​ມູນ​ຄ່າ​ຫຼາຍ​ກ​​ວ່າ 5.7 ລ້ານ​ໂດ​ລາ​.

ເມື່ອບໍ່ດົນມານີ້, ໄອຍະການຂອງລັດຖະບານກາງໄດ້ຍຶດເງິນສົດ ແລະ ຊັບສິນຫຼາຍກວ່າ 697 ລ້ານໂດລາ, ເຊິ່ງສ່ວນໃຫຍ່ແມ່ນປະກອບດ້ວຍຫຸ້ນ Robinhood ຂອງອາດີດ CEO ແລະ ຜູ້ກໍ່ຕັ້ງ FTX Sam Bankman-Fried . ດັ່ງທີ່ເອກະສານສານສະແດງໃຫ້ເຫັນ, ໄອ​ຍະ​ການ​ຍັງ​ໄດ້​ຍຶດ​ເງິນ​ຫຼາຍ​ກວ່າ 6 ລ້ານ​ໂດ​ລາ​ຈາກ​ບັນ​ຊີ​ຢູ່​ທະ​ນາ​ຄານ Silvergate  ແລະ​ ຫຼາຍ​ກວ່າ 50 ລ້ານ​ໂດ​ລາ​ຈາກ​ບັນ​ຊີ​ທີ່​ທະ​ນາ​ຄານ Moonstone. ທັງນີ້ກໍຍັງມີເງິນອີກຈຳນວນໜຶ່ງທີ່ຍັງບໍ່ໄດ້ເປີດເຜີຍ ເຊິ່ງຖືກ​ຄວບ​ຄຸມ​ຈາກ​ບັນ​ຊີ​ໃນ Binance ແລະ Binance.us.

ທີ່ມາ : https://cutt.ly/i9csRHC