ຈາກການເຄື່ອນໄຫວໃນປັດຈຸບັນ bitcoin ໄດ້ມີລາຄາເພິ່ມຂຶ້ນ 30% ຕັ້ງເເຕ່ຕົ້ນປີ 2023 ເເລະ ເພິ່ມຂຶ້ນເຖິງລະດັບ 23,000 ໂດລາ ຫຼັງຈາກທີ່ຢູ່ໃນລະດັບທີ່ຕໍ່າກວ່າ 16,000 ໂດລາ ໃນຊ່ວງທ້າຍປີທີ່ຜ່ານມາ. ເຊິ່ງການເພິ່ມຂຶ້ນເເບບກະໂດດໃນຊ່ວງຕົ້ນປີເປັນສິ່ງທີ່ໜ້າເຫຼືອເຊື່ອຫຼາຍ, ນີ້ອາດຈະບອກເຖິງເເນວໂນ້ມການປັບອັດຕາດອກເບ້ຍທີ່ຊະລໍຕົວລົງເລັກນ້ອຍ.

Arthur Hayes, ຜູ້ກໍ່ຕັ້ງ crypto exchange BitMex, ໄດ້ເຕືອນວ່າ Bitcoin ແລະ ຕະຫຼາດ crypto ອາດຈະພົບກັບຕະຫຼາດໝີອີກເທື່ອ, ເຊິ່ງອາດຈະເຮັດໃຫ້ລາຄາຊັບສິນດິຈິຕອລຫຼຸດລົງຖ້າຫາກວ່າ Federal Reserve ບໍ່ມີການປັບນະໂຍບາຍການເງິນ, ເຊິ່ງລາວໄດ້ຢືນຢັນວ່າແນວໂນ້ມ Bitcoin ໃນປະຈຸບັນບໍ່ຄວນຖືກເບິ່ງວ່າເປັນການເລີ່ມຕົ້ນຂອງຕະຫຼາດ bull ໃໝ່.

ຕົວ​ເລກ​ຫຼ້າ​ສຸດ​ຂອງ​ສຳ​ນັກ​ງານ​ສະ​ຖິ​ຕິ​ແຮງ​ງານ​ຂອງ​ອາ​ເມ​ຣິ​ກາ​ສະ​ແດງ​ໃຫ້​ເຫັນ​ວ່າ​ໄພ​ເງິນ​ເຟີ້​ໄດ້​ຫຼຸດ​ລົງ​ເຖິງ 10% ໃນ​ກາງ​ປີ 2023 ແລະ​ ຫຼຸດ​ລົງ​ຕື່ມ​ອີກ​ເປັນ 2%.

ນັກວິເຄາະຕະຫຼາດຈໍານວນໜຶ່ງເຊື່ອວ່າເເນວໂນ້ມນີ້ສາມາດຊີ້ໃຫ້ເຫັນເຖິງການປ່ຽນແປງຂອງນະໂຍບາຍຂອງ Jerome Powell ປະທານທະນາຄານກາງ Federal Reserve, ໂດຍພະຍາຍາມອອກຫ່າງຈາກການເຮັດ Quantitative Tightening (QT) ເພື່ອຕອບສະໜອງຕໍ່ຄວາມສ່ຽງຕໍ່ການຖົດຖອຍ.

Jerome Powell ໄດ້ລະບຸວ່າວ່າອັດຕາດອກເບ້ຍຈະຕ້ອງເພີ່ມຂຶ້ນໃນປີ 2023, ເຊິ່ງເປັນຄວາມຮູ້ສຶກທີ່ສະທ້ອນໂດຍສະມາຊິກ FED ຫຼາຍຄົນໃນການສະໜັບສະໜູນການເພີ່ມເປົ້າໝາຍຂອງ Federal Reserve ຫຼາຍກວ່າ 5%.

ທີ່ມາ : https://cutt.ly/Y9fVqGa