• Producer Price Index (PPI) ເເມ່ນຫຍັງ?

PPI ເເມ່ນການຄຳນວນດັດຊະນີລາຄາ ເພື່ອວັດແທກການປ່ຽນແປງຂອງລາຄາສິນຄ້າໂດຍສະເລ່ຍຈາກຜູ້ຜະລິດໃນໄລຍະເວລາໜຶ່ງ.

PPI ທີ່ບໍ່ລວມຈຳພວກອາຫານ ແລະ ພະລັງງານແມ່ນເອີ້ນວ່າ Core PPI, ເຊິ່ງຈະຖືກຈັບຕາເບິ່ງຫຼາຍ ເນື່ອງຈາກມັນມີຜົນກະທົບຕໍ່ອັດຕາເງິນເຟີ້, ເພາະ PPI ແມ່ນຕົວທີ່ອອກມາກ່ອນ CPI, ຖ້າ PPI ມີຄ່າສູງ ກໍຈະເຮັດໃຫ້ CPI ມີຄ່າສູງເຊັ່ນກັນ.

ຄ່າ PPI ໄດ້ຖືກຄຳນວນ ແລະ ເຜີຍເເຜ່ທຸກໆປະຈໍາເດືອນ, ໃນທຸກໆປະເທດມີສະຖາບັນແຫ່ງຊາດທີ່ດູເເລກ່ຽວກັບພວກນີ້.

ຕົວຢ່າງ: ໃນສະຫະລັດ ດັດຊະນີແມ່ນຄຳນວນໂດຍສໍານັກງານສະຖິຕິແຮງງານ ແລະໃນປະເທດອັງກິດ ເເມ່ນ ໂດຍຫ້ອງການສະຖິຕິແຫ່ງຊາດ.

• ວິທີການໃຊ້ PPI ໃນການຊື້ຂາຍ

ຕົວຢ່າງການໃຊ້ດັດຊະນີເພື່ອຊື້ຂາຍໃນຕະຫຼາດເງິນຕາ

ໃນວັນທີ 15 ເດືອນກັນຍາ 2021, ອັງກິດໄດ້ເຜິຍເເຜ່ຄ່າຂອງ PPI, ແທນທີ່ຈະເປັນ 0.4% ກັບເປັນ 0.7% ຜູ້ຕາງໜ້າທະນາຄານກາງກ່າວວ່າ 4 ໃນ 8 ສະມາຊິກສະພາໄດ້ລົງຄະແນນສຽງສໍາລັບການເພີ່ມຂຶ້ນຂອງອັດຕາດອກເບີ້ຍ.

ເມື່ອນຳມາຮ່ວມກັນ, ຕະຫຼາດປັບຕົວໄດ້ດີຂຶ້ນ ແລະ GBP / USD ແກ້ໄຂທຸກຄື້ນຫຼຸດລົງກ່ອນໜ້ານີ້ທັງໝົດ. ຖ້າດັດຊະນີກີນຄວາມຄາດໝາຍ ຕະຫຼາດຈະກາຍເປັນຂາຂຶ້ນ ແລະ ໃນທາງກັບກັນ ຖ້າດັດຊະນີບໍ່ເຖິງເປົ້າໝາຍ ຕະຫຼາດຈະກາຍເປັນຂາລົງ. ດັ່ງທີ່ພວກເຮົາສາມາດເຫັນໄດ້ໃນກຣາຟ GBP / USD, ໃນມື້ທີ່ PPI ໄດ້ຖືກເຜີຍເເຜ່, ຕະຫຼາດໄດ້ເພີ່ມຂຶ້ນຢ່າງຫຼວງຫຼາຍ ຂ້າມຜ່ານ 1.3815 ແລະ ແກ້ໄຂເປັນ 1.3853.