ຂໍ້​ມູນ​ຈາກ CoinGecko ເວັບ​ໄຊ​ທ໌​ທີ່​ຕິດ​ຕາມ cryptocurrency, ສະ​ແດງ​ໃຫ້​ເຫັນ​ວ່າ Bitcoin ໃນ​ມື້​ນີ້​ໄດ້​ບັນ​ລຸ​ລາ​ຄາ 21,083 ໂດລາ, ມີ​ມູນ​ຄ່າ​ຕະ​ຫຼາດ​ຫຼາຍ​ກວ່າ 400,000 ລ້ານໂດ​ລາ​ສະ​ຫະ​ລັດ, ເພີ່ມ​ຂຶ້ນ 12% ໃນ 24 ຊົ່ວ​ໂມງ​ທີ່​ຜ່ານ​ມາ.

ກ່ອນໜ້ານີ້, ມີລາຍງານວ່າ ນັກລົງທຶນ Futures ສາຍ Short ໄດ້ເສຍເງິນຫຼາຍກວ່າ 380 ລ້ານໂດລາ, ໃນຂະນະດຽວກັນກໍມີເເຮງຊື້ Bitcoin ສູງເຖິງ 243,753,840 ໂດລາ ໃນໄລຍະ 24 ຊົ່ວໂມງທີ່ຜ່ານມາ. ຫຼັງຈາກທີ່ Bitcoin (BTC) ບັນລຸເຖິງ 21,000 ໂດລາ.

ເຖິງເເມ່ນວ່າຈະຍັງບໍ່ທັນມີຂ່າວດີທີ່ມີຜົນກະທົບຕໍ່ລາຄາຂອງ Bitcoin (BTC) ເເຕ່ຕະຫຼາດກໍເລີ່ມເຊື່ອວ່າ ສິ່ງບໍ່ດີກໍາລັງຈະຜ່ານໄປ. ທັງເລື່ອງຂອງອັດຕາດອກເບ້ຍນະໂຍບາຍ, ອັດຕາເງິນເຟີ້, ເສດຖະກິດຖົດຖອຍ ຫຼື ການລົ້ມລະລາຍຂອງ FTX ໃນປີ 2022 ທີ່ຜ່ານມາ

ໃນປັດຈຸບັນ Bitcoin (BTC) ແມ່ນຢູ່ເໜືອຄວາມຕ້ານທານທາງຈິດຕະວິທະຍາທີ່ 20,000 ໂດລາ, ໂດຍນັກລົງທຶນບາງຄົນເລີ່ມມີຄວາມຫວັງໃນທາງທີ່ດີວ່າ Bitcoin ໄດ້ຜ່ານເເນວຕ້ານດັ່ງກ່າວມາເເລ້ວ ແລະ ຈະຍັງຄົງສືບຕໍ່ເພີ່ມຂຶ້ນຕື່ມອີກ.

ກ່ອນໜ້ານີ້, ດັດຊະນີຕະຫຼາດຮຸ້ນສະຫະລັດເອງກໍໄດ້ເພີ່ມຂຶ້ນ. ຈາກ​ການ​ຜ່ອນ​ຄາຍ​ຄວາມ​ກັງ​ວົນ​ກ່ຽວ​ກັບ​ການ​ຖົດ​ຖອຍ​ທາງ​ເສດ​ຖະ​ກິດ​ຂອງ​ສະ​ຫະ​ລັດ ແລະ ການຂຶ້ນອັດຕານະໂຍບາຍໂດຍທະນາຄານກາງສະຫະລັດ ຫຼື FED ທີ່ອາດຈະເລີ່ມອ່ອນລົງໃນທ້າຍເດືອນມັງກອນ.

ທີ່ມາ : https://cutt.ly/i2Ba3Km