ການລົ້ມລະລາຍຂອງ FTX ໄດ້ເຮັດໃຫ້ທະນາຄານ Silvergate ເລັ່ງໃຫ້ປົດພະນັກງານອອກ, ໃນຂະນະທີ່ຂະແໜງດ້ານທຸລະກິດຕ້ອງດິ້ນຮົນຕໍ່ສູ້ ເພື່ອຮັບມືກັບຄວາມວຸ້ນວາຍທີ່ມາເເບບບໍ່ຢຸດບໍ່ເຊົາ.

Silvergate Capital ທະນາຄານທີ່ສຸມໃສ່ Crypto ຫຼ້າສຸດໄດ້ຫຼຸດພະນັກງານລົງ 40%, ເຊິ່ງມີພະນັກງານປະມານ 200 ຄົນ. ອີງຕາມການລາຍງານຂອງ Wall Street Journal ໃນວັນພະຫັດທີ່ຜ່ານມາ.

ຂ່າວດັ່ງກ່າວ ເກີດຂຶ້ນໃນຂະນະທີ່ທະນາຄານກຳລັງປະສົບບັນຫາການຖອນເງິນຂອງລູກຄ້າຢ່າງຫຼວງຫຼາຍ. ໃນຖະແຫຼງການສະບັບໜຶ່ງຂອງ Silvergate ກ່າວວ່າ :

“ໃນຂະນະທີ່ພວກເຮົາກ້າວເຂົ້າສູ່ປີໃໝ່ ແລະ ດຳເນີນການຕໍ່ໄປຢູ່ໃນສະພາບແວດລ້ອມປະຈຸບັນ, ພວກເຮົາກຳລັງເນັ້ນໃຊ້ກົນລະຍຸດຂອງໃນເເບບຂອງເຮົາ ເພື່ອຈັດຫາ solutions ທີ່ມີມູນຄ່າເພີ່ມຂຶ້ນຫຼາຍທີ່ສຸດສໍາລັບລູກຄ້າສິນຊັບດິຈິຕອລຫຼັກຂອງພວກເຮົາ”

• ໃນການເປີດຕົວສ່ວນໜຶ່ງຂອງຜົນປະກອບການປະຈໍາໄຕມາດທີ່ສີ່ຂອງ Silvergate ທະນາຄານກ່າວວ່າ ເງິນຝາກທີ່ກ່ຽວຂ້ອງກັບ crypto ຫຼຸດລົງ 68% ຈາກ 11.9 ຕື້ໂດລາເຫຼືອ 3.8 ຕື້ໂດລາ.

• ໃນທ້າຍປີ 2022, ເງິນຝາກຂອງ Silvergate ຈຳນວນ 150 ລ້ານໂດລາແມ່ນຖືຄອງໄວ້ໂດຍລູກຄ້າທີ່ໄດ້ຍື່ນຂໍການຄຸ້ມຄອງຈາກການລົ້ມລະລາຍ.

• ໃນໄລຍະນີ້, ທາງທະນາຄານມີການເງິນຕິດຂັດ. ເປັນຜົນໃຫ້ຫັນໄປສູ່ການຊໍາລະໜີ້ສິນທີ່ຖືຢູ່ໃນງົບດຸນຂອງຕົນ ເພື່ອຕອບສະໜອງການຖອນເງິນ. ໃນຂະບວນການດັ່ງກ່າວ, ບໍລິສັດໄດ້ສູນເສຍ 718 ລ້ານໂດລາ, ເຊິ່ງຫຼາຍກວ່າກໍາໄລລວມທັງໝົດນັບຕັ້ງແຕ່ປີ 2013.

• ບໍລິສັດທີ່ຢູ່ໃນຄາລິຟໍເນຍຍັງວາງແຜນທີ່ຈະຍົກເລີກການເປີດຕົວໂຄງການເງິນສະກຸນເງິນດິຈິຕອລຂອງຕົນເອງ, ໂດຍຕັດເງິນ 196 ລ້ານໂດລາທີ່ໄດ້ຈ່າຍໃຫ້ບໍລິສັດສື່ສັງຄົມຍັກໃຫຍ່ Facebook ເພື່ອຊື້ເຕັກໂນໂລຢີທີ່ສ້າງຂຶ້ນສໍາລັບໂຄງການ Diem.

• ຫຼັງຈາກການປັບປຸງທຸລະກິດ, ຮຸ້ນຂອງ Silvergate ຫຼຸດລົງຫຼາຍກວ່າ 47% ໃນການຊື້ຂາຍລ່ວງໜ້າກ່ອນຕະຫຼາດ.

• ການລົ້ມລະລາຍຂອງ FTX ສົ່ງຜົນໃຫ້ Silvergate ເຂົ້່າສູ່ການດໍາເນີນການຂອງທະນາຄານ ເຊິ່ງບັງຄັບໃຫ້ຕ້ອງຂາຍສິນຊັບໂດຍຂາດທຶນເປັນຈຳນວນຫຼາຍເພື່ອໃຫ້ຄອບຄຸມການຖອນເງິນຈຳນວນ 8.1 ຕື້ໂດລາ.

• ຄວາມເຊື່ອໝັ້ນຂອງນັກລົງທຶນທີ່ທົດຖອຍໝາຍເຖິງເງິນຝາກທີ່ຫຼຸດລົງຢ່າງຫຼວງຫຼາຍ. ແຕ່ Silvergate ສາມາດຄວບຄຸມສະຖານະການໄດ້ໃນຊ່ວງເວລາທີ່ມີຄວາມວຸ້ນວາຍດັ່ງກ່າວ, ເນື່ອງຈາກວ່າມີໂຄງສ້າງທີ່ແຕກຕ່າງຈາກທະນາຄານສ່ວນໃຫຍ່.

• ເຖິງວ່າຈະຢູ່ໃນພາວະເສດຖະກິດທົດຖອຍ, ທະນາຄານໄດ້ຮັບປະກັນກັບລູກຄ້າຂອງຕົນວ່າມັນມີເງິນທຶນພຽງພໍເພື່ອຈັດການກັບ “ໄລຍະເວລາຂອງການປ່ຽນເເປງ,ທີ່ຍືນຍົງ”

ທີ່ມາ : https://cutt.ly/S2v08g5