ສື່ຂ່າວ crypto ລາຍງານວ່າ: Digital Currency Group DCG ກຳລັງປະສົບວິກິດໃນຫຼາຍສິ່ງຫຼາຍຢ່າງກຳລັງຮ້າຍເເຮງຂຶ້ນເລື້ອຍໆ, ເຊິ່ງອາດຈະເຮັດໃຫ້ຈໍາເປັນຕ້ອງໄດ້ຂາຍ Coindesk.

ໃນວັນທີ 18 ມັງກອນ, ສຳນັກງານຂ່າວ CNBC ລາຍງານວ່າ Coindesk ສື່ຂ່າວ Crypto ທີ່ມີຊື່ສຽງໄດ້ຖືກ Digital Currency Group (DCG) ເຂົ້າຊື້ກິດຈະການເອົາໄວ້, ເຊິ່ງກໍາລັງຈະຖືກຂາຍກິດຈະການບາງສ່ວນ ຫຼື ທັງໝົດໃນໄວໆນີ້ ຫຼັງຈາກໄດ້ມີການສົນທະນາກັບ Lazard ບໍລິສັດໃຫ້ຄຳເເນະນຳທາງດ້ານການເງິນ ເເລະ ການຈັດສັນສິນຊັບ.

ໃນການຖະເເຫຼງການທາງອີເມລ CEO Kevin Worth ໄດ້ກ່າວວ່າ: “ໃນໄລຍະສອງສາມເດືອນທີ່ຜ່ານມາ ເຮົາໄດ້ຮັບຂໍ້ມູນ ເເລະ ມີຄວາມສົນໃຈໃນ CoinDesk ຫຼາຍ ”CoinDesk ໄດ້ເລີ່ມຕົ້ນກິດຈະການໃນປີ 2013 ກ່ອນຈະຖືກ DCG ເຂົ້າຊື້ໃນປີ 2016 ໃນມູນຄ່າ 500,000 ໂດລາອີງຕາມຂໍ້ມູນຈາກ Wall Street Journal. ນອກຈາກນີ້ DCG ຍັງເປັນບໍລິສັດເເມ່ຂອງ Grayscale ບໍລິສັດຄຸ້ມຄອງສິນຊັບທີ່ປະກາດກຽມຍື່ນລົ້ມລະລາຍໃນອາທິດນີ້.

ບັນຫາຂອງ DCG ໄດ້ຮັບການເເກ້ໄຂຫຼັງຈາກການລົ້ມລະລາຍຂອງ FTX. Genesis ບໍລິສັດເງິນກູ້ crypto ແມ່ນກຳລັງຈະລົ້ມລະລາຍ ເນື່ອງຈາກໄດ້ຮັບຜົນກະທົບຈາກການປ່ອຍສິນເຊື່ອທີ່ບໍ່ມີຫຼັກຄໍ້າປະກັນ. ມັນໄດ້ສົ່ງຜົນກະທົບໃຫ້ບໍລິສັດ Crypto Exchange Gemini ເຊິ່ງມີເງິນທຶນສຳຮອງຂອງລູກຄ້າຈຳນວນ 900 ລ້ານໂດລາຖືກລັອກໄວ້ກັບ Genesis ເຮັດໃຫ້ບໍ່ສາມາດຖອນອອກໄດ້.

ໃນຈົດໝາຍເຖິງຜູ້ຖືຫຸ້ນໃນຕົ້ນເດືອນນີ້, CEO Barry Silbert ກ່າວວ່າ DCG ເປັນໜີ້ Genesis Capital  447.5 ລ້ານໂດລາ ແລະ 4,550 BTC. ເງິນກູ້ຈະຄົບກຳນົດໃນເດືອນພຶດສະພາ 2023.

DCG ຍັງມີຮຸ້ນໃນ Bitcoin Trust (GBTC). ລາຍງານໄດ້ລະບຸວ່າ ບໍລິສັດໄດ້ຊື້ GBTC ມູນຄ່າ 722 ລ້ານໂດລານັບຕັ້ງແຕ່ເດືອນມີນາ 2021, ເເຕ່ໃນປັດຈຸບັນໄດ້ເທຂາຍໃນລາຄາທີ່ຕໍ່າກວ່າຂອງມູນຄ່າສຸດທິເຖິງ 40%.

ໃນວັນທີ 18 ມັງກອນນີ້, ບໍລິສັດ DCG ໄດ້ສົ່ງຈົດໝາຍເຖິງຜູ້ຖືຫຸ້ນໂດຍລະບຸວ່າ ທາງບໍລິສັດໄດ້ດຳເນີນການຢຸດຈ່າຍການແບ່ງເງິນປັນຜົນປະຈໍາໄຕມາດ ເພື່ອສະຫງວນກອງທຶນໄວ້. ຍິ່ງໄປກວ່ານັ້ນ DCG ໄດ້ປິດກິດຈະການຂອງຕົນໃນຕົ້ນເດືອນທີ່ຜ່ານມາ ແລະ ຫຼຸດພະນັກງານບາງສ່ວນ.

ທີ່ມາ : https://cutt.ly/A9wjOF6