ສອງສາມຊົ່ວໂມງກ່ອນທີ່ຈະມີຂ່າວການຈັບກຸມ, Sam Bankman-Fried ອອກມາ Tweet ປະຕິເສດການມີສ່ວນຮ່ວມ ຫຼື ຮູ້ເຫັນກ່ຽວຂອງກັບກຸ່ມສົນທະນາລັບທີ່ເອີ້ນວ່າ “Wirefraud” ເຊິ່ງມີຂ່າວລືວ່າກ່ຽວຂ້ອງກັບອະດີດຜູ້ບໍລິຫານ FTX ແລະ Alameda.

ລາຍງານຈາກ Australian Financial Review (AFR) ເມື່ອວັນທີ 12 ທັນວາ, Bankman-Fried ໄດ້ໃຊ້ Twitter ເພື່ອປະຕິເສດການມີສ່ວນຮ່ວມ ຫຼື ຮູ້ເຫັນກ່ຽວກັບກຸ່ມ “Wirefraud” ຢູ່ໃນແອັບສົ່ງຂໍ້ຄວາມ Signal, ເຊິ່ງໄດ້ຖືກລາຍງານວ່າມີສະມາຊິກວົງໃນຂອງ Bankman-Fried ໄດ້ເເກ່: Zixiao “Gary” Wang ຜູ້ຮ່ວມກໍ່ຕັ້ງ, Nishad Singh ວິສະວະກອນ FTX ແລະ Caroline Ellison ອະດີດ CEO ຂອງ Alameda.

ບົດລາຍງານຂອງ AFR ໄດ້ລະບຸວ່າ ການສົນທະນາຖືກນໍາໃຊ້ເພື່ອສົ່ງຂໍ້ມູນລັບກ່ຽວກັບການດໍາເນີນງານຂອງ FTX ແລະ Alameda, ເຊິ່ງນໍາໄປສູ່ຄວາມລົ້ມເຫຼວ.

ບໍ່ດົນມານີ້, Sam Bankman-Fried ກໍາລັງກະກຽມທີ່ຈະເດີນທາງໄປທາງໄກເພື່ອເປັນພະຍານຕໍ່ຄະ​ນະ​ກຳ​ມະ​ການ​ສະ​ພາ​ສະ​ຫະ​ລັດໃນວັນທີ 13 ທັນວາ, ເພື່ອອະທິບາຍເຖິງການລົ້ມລະລາຍຂອງເວັບເທຣດ FTX, ແຕ່ໄດ້ຖືກຄວບຄຸມຕົວໂດຍເຈົ້າໜ້າທີ່ Bahamian ໃນວັນທີ 12 ທັນວາ ແລະ ຖືກສົ່ງກັບສະຫະລັດ.

ໃນວັນ​ທີ 12 ທັນວາ​ນີ້, ປະທານ​ຄະນະກຳມະການ Maxine Waters ໄດ້ຢືນຢັນໃນພາຍຫຼັງ​ວ່າ “ບໍ່​ສາ​ມາດ​ຮັບຟັງ” ຄຳໃຫ້ການຂອງເຂົາໃນການໄຕ່ສວນຂອງຄະ​ນະ​ກໍາ​ມະ​ການ​ຂອງ​ສະ​ພາ​ໄດ້​ເນື່ອງ​ມາ​ຈາກ​ການ​ຈັບ​ກຸມ​.

Bankman-Fried ຍັງໄດ້ຮັບການຮ້ອງຂໍໃຫ້ເຂົ້າຮ່ວມການໄຕ່ສວນແຍກຕ່າງຫາກໃນວັນທີ 14 ທັນວາກັບຄະນະກໍາມະການທະນາຄານວຸດທິສະພາ, ແຕ່ຍັງບໍ່ໄດ້ຮັບການຢືນຢັນຈາກລາວວ່າຈະເຂົ້າຮ່ວມ. ໃນຂະນະທີ່ທະນາຍຄວາມຂອງລາວປະຕິເສດທີ່ຈະຮັບເອົາໝາຍສານທີ່ບັງຄັບໃຫ້ລາວເປັນພະຍານ. ຕາມ​ຖະ​ແຫຼງການ​ຮ່ວມ​ໃນ​ວັນ​ທີ 12 ທັນວາ​ຈາກສະມາຊິກ​ສະພາ​ສູງ Sherrod Brown ​ແລະ Pat Toomey.

ທີ່ມາ : https://cutt.ly/v0jsNZP