Kevin O’Leary, ນັກລົງທຶນ ແລະ ນັກທຸລະກິດທີ່ມີຊື່ສຽງ ຈາກລາຍການໂທລະພາບທີ່ອອກອາກາດໃນສະຫະລັດ “Shark Tank” ເຊິ່ງເປັນລາຍການກ່ຽວກັບການນໍາສະເໜີທຸລະກິດເພື່ອຍື່ນຂໍ້ສະເໜີການລົງທຶນ ແລກກັບການມີຮຸ້ນສ່ວນໃນບໍລິສັດ, O’Leary ໄດ້ເຕືອນວ່າການລົ້ມລະລາຍເເບບ FTX, ອາດີດ centralized cryptocurrency exchange ອັນດັບ 2 ຂອງໂລກ ຈະເກີດຂຶ້ນອີກໃນໂລກ crypto.

O’Leary ເວົ້າວ່າການແລກປ່ຽນ crypto ທີ່ບໍ່ມີລະບຽບຈະລົ້ມລົງຄືກັບໂດມິໂນ ຕໍ່ຈາກ FTX. ນອກຈາກນັ້ນ, ຍັງເຕືອນວ່າການລົ້ມລະລາຍຈະມີຫຼາຍຂຶ້ນອີກ.

Kevin O’Leary ເປັນອະດີດໂຄສົກ ແລະ ຜູ້ສະໜັບສະໜຸນ FTX. ລາວໄດ້ໃຫ້ສໍາພາດໃນຊ່ອງ YouTube Kitco News, ເຊິ່ງເປັນສຳນັກຂ່າວການລົງທືນ ໂດຍກ່າວວ່າ: ການລົ້ມລະລາຍຂອງ FTX ແມ່ນພຽງແຕ່ໜຶ່ງໃນແຖວຍາວຢຽດຂອງ “Exchange ທີ່ບໍ່ຮັບການຄຸ້ມຄອງດູເເລ ” ທີ່ລໍຖ້າຕໍ່ຄິວຢູ່.

“ຖ້າເຈົ້າຖາມຂ້ອຍວ່າ ຈະມີບໍລິສັດອື່ນໃດທີ່ລົ້ມລະລາຍເຖິງຈົນເຫຼືອສູນບໍ? ເເນ່ນອນ100% ວ່າມັນຈະເກີດຂຶ້ນ ແລະ ເກີດຂຶ້ນອີກເລື້ອຍໆ” Kevin O’Leary ກ່າວກັບ David Lin (ຜູ້ດຳເນີນລາຍການ).

Exchange ທີ່ບໍ່ໄດ້ຮັບການຄວບຄຸມດູເເລຄື Exchange ທີ່ບໍ່ໄດ້ຮັບການກວດສອບບັນຊີເປັນປະຈຳ, ບໍ່ໄດ້ຖືກລົງທະບຽນ ແລະ ຄວບຄຸມໂດຍ SEC ຄືກັບຕະຫຼາດຫຼັກຊັບແບບດັ້ງເດີມ ຫຼື ບັນດານາຍໜ້າຊື້ຂາຍຫຼັກຊັບເຫຼົ່ານີ້ (broker)

“Exchange ​ທີ່​ບໍ່​ມີ​ລະ​ບຽບ​ການຄວມຄຸມດູເເລ​ທັງ​ໝົດ ກຳລັງມີເງິນທີ່ໄຫຼອອກເປັນຈຳນວນມະຫາສານ ໃນປັດຈຸບັນ, ເຈົ້າມື (Smart Money) ເບິ່ງມັນເປັນເລື່ອງຕະຫຼົກ ພວກເຂົາໄດ້ເຫັນສິ່ງທີ່ເກີດຂຶ້ນກັບ FTX ແລະ ພວກເຂົາບໍ່ໄດ້ໄປນັ່ງລໍຖ້າຟັງສໍາລັບຄໍາອະທິບາຍ O’Leary ກ່າວເຕືອນ.

ທີ່ມາ : https://cutt.ly/b25y38M