Fed ໄດ້ເພີ່ມອັດຕາດອກເບ້ຍນະໂຍບາຍໂດຍ 0.50% ຕາມທີ່ຄາດໄວ້, ຫຼັງຈາກປັບຂຶ້ນສູງເຖິງ 0.75% ຕິດຕໍ່ກັນ 4 ຄັ້ງ ເເລະ ອາດຈະຕ້ອງຂຶ້ນດອກເບ້ຍຕໍ່ອີກໃນປີໜ້າ ເຖິງແມ່ນວ່າຕົວເລກເງິນເຟີ້ຂອງສະຫະລັດໃນເດືອນພະຈິກ ‘ຜ່ານຈຸດສູງສຸດ’ ສົ່ງຜົນໃຫ້ລາຄາ bitcoin ຫຼຸດລົງຮອດ 18,000 ໂດລາ ໃນຕອນເຊົ້າຂອງວັນທີ 14 ທັນວານີ້.

Fed ໄດ້ເພີ່ມອັດຕາດອກເບ້ຍນະໂຍບາຍໂດຍ 0.50% ຕາມທີ່ຄາດໄວ້, ຫຼັງຈາກປັບຂຶ້ນສູງເຖິງ 0.75% ຕິດຕໍ່ກັນ 4 ຄັ້ງ ເເລະ ອາດຈະຕ້ອງຂຶ້ນດອກເບ້ຍຕໍ່ອີກໃນປີໜ້າ ເຖິງແມ່ນວ່າຕົວເລກເງິນເຟີ້ຂອງສະຫະລັດໃນເດືອນພະຈິກ ‘ຜ່ານຈຸດສູງສຸດ’ ສົ່ງຜົນໃຫ້ລາຄາ bitcoin ຫຼຸດລົງຮອດ 18,000 ໂດລາ ໃນຕອນເຊົ້າຂອງວັນທີ 14 ທັນວານີ້.

ຄະນະກໍາມະການນະໂຍບາຍການເງິນ (FOMC) ຂອງທະນາຄານກາງສະຫະລັດ ໄດ້ມີເອກະສັນປັບຂຶ້ນອັດຕາດອກເບ້ຍນະໂຍບາຍເພີ່ມຂຶ້ນ 0.50% ສູ່ລະດັບ 4.25-4.50% ໃນກອງປະຊຸມໃນວັນພຸດ (14 ທັນວາ) ຕາມເວລາທ້ອງຖິ່ນ. ພາຍຫຼັງ​ເຂົ້າ​ສູ່​ປີ 2022 ດ້ວຍ​ອັດຕາ​ດອກ​ເບ້ຍ 0% ​ເພື່ອ​ແນ​ໃສ່​ການຕໍ່ສູ້ກັບສະພາວະ​​ເງິນ​ເຟີ້​ທີ່​ບັນລຸ​ລະດັບ​ສູງ​ສຸດ​ໃນ​ຮອບ 40 ປີ. ອັດຕາດອກເບ້ຍນະໂຍບາຍ 4.25-4.50% ໃນປັດຈຸບັນແມ່ນລະດັບສູງສຸດໃນສະຫະລັດນັບຕັ້ງແຕ່ເດືອນທັນວາ 2007 ຫຼື ໃນຮອບ 15 ປີ.

ການຄາດການຂອງອັດຕາດອກເບ້ຍນະໂຍບາຍ (Dot Plot), ເຈົ້າຫນ້າທີ່ Fed ຄາດວ່າຈະສືບຕໍ່ເພີ່ມອັດຕາດອກເບ້ຍໃນປີ 2023 ແລະ ຈະບໍ່ມີການປັບຫຼຸດອັດຕາດອກເບ້ຍຈົນກ່ວາຈະເຖິງປີ 2024, ໂດຍ Fed ຈະເພີ່ມອັດຕາດອກເບ້ຍສູງສຸດ (Terminal rate) ເປັນ 5.1% ພາຍໃນປີ 2023. ເຊິ່ງຕົວເລກດັ່ງກ່າວສູງ​ກວ່າ​​ລາຍ​ງານ Dot Plot ໃນ​ກອງ​ປະຊຸມ​ເດືອນ​ກັນຍາ​ທີ່ Fed ກ່າວ​ວ່າ​ຈະ​ເພີ່ມ​ອັດຕາ​ດອກ​ເບ້ຍ​ໃຫ້​ສູງ​ເຖິງ 4,6% ​ໃນ​ປີ 2023.

ຂໍ້ມູນຈາກເເພລັດຟອມ Coinbase ຊີ້ໃຫ້ເຫັນວ່າ ກ່ອນທີ່ Fed ຈະປະກາດປັບອັດຕາດອກເບ້ຍ, ລາຄາ Bitcoin ກໍເຄື່ອນຍ້າຍໄປຢູ່ທີ່ 18,000 ໂດລາ, ເນື່ອງຈາກນັກລົງທຶນຄາດຫວັງວ່າ Fed ຈະຊະລໍລົງໃນການປັບເພີ່ມອັດຕາດອກເບ້ຍ. ຫຼັງຈາກສະຫະລັດເປີດເຜີຍດັດຊະນີລາຄານໍາເຂົ້າຫຼຸດລົງເປັນທີ່ເດືອນ 5, ລວມທັງຕົວເລກດັດຊະນີລາຄາຜູ້ບໍລິໂພກ (CPI) ທີ່ຕໍ່າກວ່າຄວາມຄາດການຂອງນັກວິເຄາະ ແລະ ບົ່ງຊີ້ໃຫ້ເຫັນວ່າອັດຕາເງິນເຟີ້ຂອງສະຫະລັດໄດ້ຜ່ານຈຸດສູງສຸດເເລ້ວ.

ທີ່ມາ : https://cutt.ly/s0cEipD

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain