Drake ເເຣັບເປີຊື່ດັງຊາວເເຄນນາດາ ໄດ້ສູນເງິນ 17 BTC (ປະມານ 400,000 ໂດລາ) ຍ້ອນໄດ້ລົງເດີມພັນຝັ່ງ Jake Paul YouTuber ຊື່ດັງທີ່ຜັນໂຕມາເປັນນັກມວຍ ເເລະ ຂຶ້ນຊົກກັບ Tommy Fury ເຊິ່ງເປັນອ້າຍຄົນລະເເມ່ຂອງ Mike Tyson.

ໃນວັນທີ່ 26 ເດືອນກຸມພາ ປີ 2023, Jake Paul ຜູ້ມີສະຖິຕິຊົກຊະນະຕິດຕໍ່ກັນເຖິງ 6 ຄັ້ງກໍໄດ້ຈົບລົງໂດຍ Tommy Fury ຄູ່ຊົກຂອງເຂົາ, ທັງນີ້ການຊົກມວຍໄດ້ດຳເນີນໄປຢ່າງສູສີ ເເຕ່ໃນຕອນສຸດທ້າຍ Fury ກໍສາມາດເອົາຊະນະ Paul ໄປດ້ວຍຄະເເນນ (74-75, 76-73, 76-73)

ເຊິ່ງຖ້າ Drake ຊະນະເດີມພັນ ໂດຍທີ່ Paul ຕ້ອງຊະນະເເບບນ໋ອກເອົ້າ ເຂົາອາດຈະໄດ້ຮັບເງິນສູງເຖິງ 1,44 ລ້ານໂດລາໃນ Bitcoin, ເເຕ່ຜົນລັບກັບບໍ່ໄດ້ເປັນໄປຢ່າງທີ່ຄິດ ໃນຕອນສຸດທ້າຍ Tommy Fury ໄດ້ພິກສະຖານະການກັບມາຊະນະ Jake Paul ດ້ວຍຄະເເນນຢ່າງໄລ່ເລ່ຍກັນ.

ນີ້ບໍ່ແມ່ນການເດີມພັນ Bitcoin ຄັ້ງທໍາອິດຂອງ Drake, ກ່ອນໜ້ານັ້ນໃນລະຫວ່າງງານ Super Bowl ລາວໄດ້ວາງເດີມພັນ 472,000 ໂດລາ ເປັນ bitcoin ເຊິ່ງໄດ້ເດິມພັນວ່າ LA Rams ຈະຊະນະການເເຂ່ງກັບ Bengals ໃນ Super Bowl ແລະ The Rams ກໍຊະນະດ້ວຍຄະເເນນ 23-20 ໃນເກມນັ້ນ, ເຮັດໃຫ້ Drake ໄດ້ຮັບເງິນຈຳນວນ 240,000 ໂດລາຈາກການເດີມພັນ.

ທີ່ມາ : https://cutt.ly/F8fsfMB