ຮູບແບບການເທຣດທີ່ໄດ້ຮັບຄວາມນິຍົມຫລາຍໃນປັດຈຸບັນແບ່ງອອກເປັນ 2 ຮູບແບບຄື Spot ແລະ Future ເຊິ່ງກໍມີຮູບແບບການເທຣດ ແລະ ຄ່າຕອບແທນທີ່ແຕກຕ່າງກັນອອກໄປ

Crypto spot

Spot ຫຼື ເອີ້ນໄດ້ວ່າແມ່ນການເກງກຳໄລຍະຍາວ ເປັນການຊື້ຖືກຂາຍແພງ ເມື່ອທ່ານຊື້ Bitcoin ໃນຕະຫຼາດ Spot ທ່ານຈະສາມາດເກງກຳໄລໄດ້ກໍຕໍ່ເມື່ອລາຄາໃນຕະຫຼາດສູງຂຶ້ນ ແຕ່ທ່ານບໍ່ສາມາດເກງກຳໄລໄດ້ໃນຕະຫຼາດຂາລົງ

ຕະຫຼາດ Spot ເປັນຕະຫຼາດທີ່ບໍ່ມີ Leverage ເປັນການ ຊື້-ຂາຍ ໂດຍໃຊ້ເງີນທຶນທີ່ສາມາດຈັບຕ້ອງໄດ້ ແລະ ໄດ້ຄອບຄອງຫຼຽນ, ດັ່ງນັ້ນການເທຣດແບບ Spot ມີຄວາມສ່ຽງຕ່ຳກ່ວາ ເມື່ອທຽບກັບ Future

ຕົວຢ່າງເຊັ່ນ: ຖ້າທ່ານຊື້ຫຼຽນໃນລາຄາໜຶ່ງ ແຕ່ເມື່ອເວລາຜ່ານໄປລາຄາຫຼຽນໃນຕະຫຼາດມີການລົດລົງ ຫຼຽນທີ່ທ່ານຊື້ຈະມີມູນຄ່າລົດລົງຈາກລາຄາທີ່ຊື້ມາ ເຮັດໃຫ້ຫຼຽນທີ່ທ່ານຄອບຄອງຢູ່ມີມູນລະຄ່າລົດລົງ ຕໍ່າກວ່າລາຄາທີ່ທ່ານຊື້ ຈຶ່ງມີການຍອມຂາຍໃນເຣດລາຄາທີ່ຂາດທຶນ ແຕ່ຖ້າຫຼຽນນັ້ນມີມູນຄ່າເພີ່ມຂຶ້ນຫຼຽນທີ່ທ່ານມີຢູ່ ກໍຈະມີມູນຄ່າເພີ່ມຂຶ້ນຕາມມູນຄ່າໂຕຈິງຂອງຕະຫຼາດ

ສະຫຼຸບໃຫ້ເຂົ້າໃຈງ່າຍໆໄດ້ວ່າຕະຫຼາດ Spot ຄືຜູ້ຊື້ ແລະ ຜູ້ຂາຍສະກຸນເງິນ Digital ແລກປ່ຽນສະກຸນເງິນກັນໂດຍໄດ້ຮັບສິນຄ້າທີ່ເປັນສະກຸນເງິນ Digital ເຂົ້າໃນກະເປົາ Wallet

Crypto Futures

ແມ່ນການເກງກໍາໄລໄດ້ທັງຂາຂຶ້ນ ແລະ ຂາລົງ ນັກເທຣດໃນຕະຫຼາດ Future ຈຳເປັນຕ້ອງຮູ້ກົນລະຍຸດໃນການ ຊື້-ຂາຍ ທີ່ຊັບຊ້ອນເຊັ່ນ: ການ ເທຣດຕະຫຼາດຂາລົງ ແລະ ຂາຂຶ້ນໃນເວລາດຽວກັນ ເຊິ່ງນັກເທຣດໄລຍະຍາວ (Spot) ມັກໃຊ້ການເທຣດແບບ Future ເພື່ອປ້ອງກັນພ໋ອດຈາກຄວາມສ່ຽງໃນຕະຫຼາດທີ່ເປັນຕະຫຼາດຂາລົງແບບບໍ່ຄາດຄິດ

ຕະຫຼາດ Futures ເປັນຕະຫຼາດທີ່ມີ Leverage ສົ່ງຜົນໃຫ້ການຊື້ຂາຍລ່ວງໜ້າປະຢັດເງິນທຶນຫຼາຍຂຶ້ນ

ຕົວຢ່າງເຊັ່ນ: ຖ້າທ່ານຕ້ອງການຊື້ 1 BTC ທ່ານຈະຕ້ອງໃຊ້ຕົ້ນທຶນຫຼັກຫມື່ນໂດລາ ຕາມອັດຕາຕະຫຼາດ ແຕ່ຖ້າທ່ານໃຊ້ Leverage ທ່ານຈະສາມາດຊື້ຂາຍ BTC ເປັນຈຳນວນນ້ອຍຕາມຕົ້ນທຶນທີ່ທ່ານພໍໃຈໄດ້ ທ່ານສາມມາດເຮັດໄດ້ກໍຕໍ່ເມື່ອໃຊ້ Leverage ເທົ່ານັ້ນ ຖ້າທ່ານໃຊ້ Leverage ສູງເທົ່າໃດທ່ານຈະໄດ້ໃຊ້ເງິນທຶນໜ້ອຍລົງເທົ່ານັ້ນ ໃນທາງກົງກັນຂ້າມຖ້າໃຊ້ Leverage ຫຼາຍເທົ່າໃດ ຖ້າລາຄາບໍ່ໄດ້ໄປຕາມທິດທາງທີ່ວາງໄວ້ ອາດຈະເປັນການລ້າງພອດເລີຍກໍວ່າໄດ້ .

ສະຫຼຸບໄດ້ງ່າຍໆວ່າ ຕະຫຼາດ Futures ເປັນການຊື້ຂາຍສັນຍາລ່ວງໜ້າທີ່ອ້າງອິງກັບລາຄາ Crypto ໃນຕະຫຼາດໂລກ ບໍ່ແມ່ນການຊື້ຫຼຽນມາຖືຄອງ ແລະອີກ ຂໍ້ແຕກຕ່າງທີ່ເຫັນໄດ້ຊັດເຈນກໍຄື ນັກລົງທຶນສາມາດເກງກຳໄລລາຄາ ໄດ້ທັງຂາຂຶ້ນ ແລະ ຂາລົງ ຖ້າທຽບກັບຕະຫຼາດ Spot ທີ່ສາມາດເກງກຳໄລໄດ້ສະເພາະຊ່ວງຕະຫຼາດຂາຂຶ້ນ

ບໍ່ວ່າຈະເປັນການລົງທຶນໃນຮູບແບບໃດກໍຕາມ ນັກລົງທຶນຄວາມສຶກສາຂໍ້ມູນໃຫ້ລະອຽດທຸກຄັ້ງກ່ອນທີ່ຈະລົງທຶນ ເພື່ອປ້ອງກັນຄວາມສ່ຽງຈາກຜົນກະທົບທາງການເງິນ ແລະ ຜົນທີ່ຈະໄດ້ຮັບຈາກຫຼາຍປັດໃຈທີ່ຕາມມາ

****ຫມາຍເຫດ: ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ສາມາດຕິດຕາມຜ່ານຊ່ອງທາງ faceboook bitqik ພວກເຮົາຈະອັບເດດຂ່າວສານກ່ຽວກັບການເຄື່ອນໄຫວຂອງບໍລິສັດ ແລະ ຂໍ້ມູນຂ່າວສານຂອງໂລກ Cryptocurrency

ຊ່ອງທາງການຕິດຕໍ່:

Website: www.bitqik.com

Facebook: https://www.facebook.com/bitqik/

Tiktok: https://vt.tiktok.com/ZSdT86ut3/