ບັນຊີ Offcial ຂອງ Shiba Inu ໄດ້ອອກມາປະກາດຢ່າງເປັນທາງການໃນ Twitter ວ່າ: “Shibarium ເວີຊັນ Public Beta ຈະເປີດໃຫ້ໃຊ້ໃນອາທິດນີ້”. ຫຼັງຈາກການປະກາດດັ່ງກ່າວ ໄດ້ເຮັດໃຫ້ບັນດາຜູ້ທີ່ມັກໃນຫຼຽນ Shiba Inu ຕຶ່ນເຕັ້ນຫຼາຍ ພ້ອມກັບຕິດຕາມລາຍລະອຽດເພິ່ມເຕີມກ່ຽວກັບວິທີເຂົ້າເຖິງເວັບໄຊ Beta.

Shibarium ເວີຊັນ Public Beta ຖືເປັນບາດກ້າວສຳຄັນສຳລັບໂຄງການ Shibarium ເຊິ່ງນຳທີມໂດຍ Shytoshi Kusama ນັກພັດທະນາຊັ້ນນໍາຂອງ Shiba Inu

ໂດຍເເພລັດຟອມມີເປົ້າໝາຍເພື່ອເປັນ Layer-2 solution ທີ່ຈະມອບຜົນປະໂຫຍດຫຼາກຫຼາຍໃຫ້ກັບຊຸມຊົນ Shiba Inu, ລວມທັງການເຮັດທຸລະກໍາທີ່ໄວ ເເລະ ຖືກຂຶ້ນ, ຄວາມສາມາດໃນການປັບຂະໜາດ ເເລະ ການຮັກສາຄວາມປອດໄພທີ່ດີຂຶ້ນ.

ໃນການເປີດຕົວເວີຊັນ Public Beta ເກີດຂຶ້ນຫຼັງຈາກການຊຸ່ມພັດທະນາ ເເລະ ທົດສອບເປັນເວລາຫຼາຍ, ເຊິ່ງນັກພັດທະນາຕັ້ງໃຈເຮັດວຽກຢ່າງບໍ່ຮູ້ອິດເມື່ອຍ ເພື່ອໃຫ້ໝັ້ນໃຈວ່າເເພລັດຟອມດັ່ງກ່າວໃຫ້ພ້ອມສຳລັບການໃຊ້ງານ.

ໃນຊ່ວງ Beta ຜູ້ໃຊ້ສາມາດທົດສອບຄຸນສົມບັດຕ່າງໆຂອງເເພລັດຟອມໄດ້ ເເລະ ສາມາດຕິດຕໍ່ຫາທີມງານເຖິງຄຳເເນະນຳ ຫຼື ບັນຫາທີ່ພົບເພື່ອໄດ້ຮັບເເກ້ໄຂ.

ຢ່າງໃດກໍຕາມ, Shibarium ເວີຊັນ Public Beta ມີຈຸດປະສົງເພື່ອການທົດສອບເທົ່ານັ້ນ ດັ່ງນັ້ນຜູ້ໃຊ້ຈຶ່ງບໍ່ຄວນເຮັດທຸລະກຳການຄ້າໃດໆ. ໂດຍທີມງານຍັງໄດ້ເຕືອນຜູ້ໃຊ້ໃຫ້ລະວັງຜູ້ທີ່ບໍ່ຫວັງດີທີ່ອາດຈະໃຊ້ຜົນປະໂຫຍດຈາກການເປີດຕົວໃນຄັ້ງນີ້.

ທີ່ມາ : https://cutt.ly/e8HBwJB