ຜູ້ກໍ່ຕັ້ງ ແລະ ອະດີດ CEO ຂອງ FTX ໄດ້ມີຄວາມສົນໃຈທີ່ຈະການສ້າງຕັ້ງບໍລິສັດໃໝ່ ທີ່ມີເປົ້າໝາຍເພື່ອຊຳລະໜີ້ສິນຄືນໃຫ້ເເກ່ລູກຄ້າທີ່ເຂົາເປັນໜີ້ຢູ່.

Sam Bankman-Fried ກ່າວໃນລະຫວ່າງ​ໃຫ້​ສຳພາດ​ຕໍ່ BBC ​ໃນ​ວັນ​ທີ 10 ວ່າ “ຂ້ອຍຈະເຮັດທຸກຢ່າງເພື່ອໃຫ້ລູກຄ້າຂອງຂ້ອຍກັບຄືນມາຖ້າຂ້ອຍສາມາດເຮັດໄດ້”.

“ຂ້ອຍ​ກຳລັງຄິດວ່າພວກເຮົາ​ຈະມີ​ວິ​ທີ​​ຊ່ວຍ​ໂລກໄດ້ເເນວໃດ ແລະ ຖ້າຜູ້ໃຊ້ຍັງບໍ່ໄດ້ຮັບຜົນຕອບແທນຫຼາຍພໍຄວນ, ຂ້ອຍກໍາລັງຄິດວ່າຈະສາມາດເຮັດຫຍັງເພື່ອພວກເຂົາໄດ້ເເນ່”

ລາວໄດ້ກ່າວຕື່ມວ່າ “ຂ້ອຍຄິດວ່າຢ່າງໜ້ອຍຂ້ອຍກໍມີໜ້າທີ່ ທີ່ຈະເຮັດໃຫ້ຜູ້ໃຊ້ FTX ໄດ້ຮັບສິ່ງທີ່ດີທີ່ສຸດເທົ່າທີ່ຈະເຮັດໄດ້”

ເວັບເທຣດ crypto ຂອງ Bankman-Fried ອາດຈະມີ “ເຈົ້າໜີ້ຫຼາຍກວ່າໜຶ່ງລ້ານລາຍ” ອີງຕາມການຍື່ນລົ້ມລະລາຍໃນວັນທີ 14 ພະຈິກ ແລະ ຄາດວ່າ FTX ມີໂອກາດສູນເສຍຫຼາຍເຖິງ  10 ຕື້ໂດລາ ຫາ 50 ຕື້ໂດລາ.

ຕາມຄໍາຖະແຫຼງທີ່ຜ່ານມາ Bankman-Fried ກ່າວອີກເທື່ອວ່າລາວ “ຂ້ອຍບໍ່ມີເຈດຕະນາທີ່ຈະກະທຳການສໍ້ໂກງ”

SBF ເຂົ້າຮ່ວມເປັນສັກຂີພະຍານໃນການໄຕ່ສວນຂອງຄະນະກໍາມະສະພາສະຫະລັດ

ຫຼັງ​ຈາກຜ່ານໄປ​ຫຼາຍ​ມື້, ຜູ້ເເທນສະພາ ສະຫະລັດອາເມລິກາ ທ່ານ Maxine Waters ​ແລະ ຜູ້ກໍ່ຕັ້ງ FTX Bankman-Fried ໄດ້ຮັບການຢືນຢັນຢ່າງເປັນທາງການເປັນພະຍານໃນການໄຕ່ສວນກັບຄະນະກໍາມະການບໍລິການທາງດ້ານການເງິນໃນວັນທີ 13 ທັນວາ.

ມາຮອດວັນທີ 11 ທັນວາ, ຊື່ຂອງລາວປະກົດຂຶ້ນຢ່າງເປັນທາງການໃນບັນຊີລາຍຊື່ຂອງພະຍານທີ່ກໍານົດສໍາລັບການໄຕ່ສວນໃນວັນທີ 13 ທັນວາ, ໃນຫົວຂໍ້ “ການສອບສວນການລົ້ມລະລາຍຂອງ FTX ຕອນທີ 1”

ພະຍານອີກຄົນໜຶ່ງ ຖືກເພີ່ມເຂົ້າມາໃນວັນທີ 9 ເດືອນທັນວາ ແມ່ນ CEO ໃໝ່ຂອງ FTX John Ray.

ທີ່ມາ : https://cutt.ly/g0dKTE4

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain