San Luis ໃນປະເທດອາເຈນຕິນາ ໄດ້ອະນຸມັດກົດໝາຍທີ່ອະນຸຍາດໃຫ້ອອກ Stablecoin ຂອງຕົນເອງທີ່ຜູກກັບເງິນໂດລາສະຫະລັດ. ໂດຍໂທເຄັນທີ່ມີຊື່ວ່າ “Activo Digital San Luis de Ahorro” ຈະມີໃຫ້ສຳລັບພົນລະເມືອງທຸກຄົນໃນ San Luis ທີ່ມີອາຍຸເກີນ 18 ປີຂຶ້ນໄປ ແລະ ໄດ້ຮັບການຮັບປະກັນ 100% ກ່ຽວກັບຊັບສິນການເງິນທີ່ມີສະພາບຄ່ອງຂອງ San Luis.

ຮ່າງ​ກົດໝາຍ​ດັ່ງກ່າວ​ໄດ້​ອະນຸຍາດ​ໃຫ້​ອອກ  Stablecoin ​​ໄດ້​ເຖິງ 2% ຂອງ​ງົບປະມານ​ປະຈຳ​ປີ. ນອກ​ນີ້​ຍັງ​ໄດ້​ກຳນົດ​ວ່າ​​ສິນຊັບ​ສາມາດ​ໂອນ​ລະຫວ່າງ​ຝ່າຍ​ຕ່າງໆ​ໄດ້ ​ແຕ່​ບໍ່​ໄດ້​ລະບຸ​ວ່າຈະໃຊ້​ Chain ​ໃດ​ໃນການດຳ​ເນີນ​ທຸລະກຳ, ​ໂດຍແຂວງ San Luis ມີ​ປະຊາກອນຫຼາຍກວ່າ 430,000 ​ຄົນ.

ການອອກ Stablecoin ເປັນພຽງໜຶ່ງໃນການລິເລີ່ມທີ່ໄດ້ອະທິບາຍໄວ້ໃນຮ່າງກົດໝາຍທີ່ຊື່ວ່າ “ນະວັດຕະກໍາທາງດ້ານການເງິນເພື່ອການລົງທຶນ ແລະ ການພັດທະນາເສດຖະກິດ – ສັງຄົມ”, ເຊິ່ງມີຈຸດປະສົງເພື່ອສົ່ງເສີມການພັດທະນາໃນຂະແໜງການຕ່າງໆໃນແຂວງໂດຍຜ່ານເທັກໂນໂລຍີ blockchain ລວມທັງການສ້າງມູນຄ່າ ແລະ ການປັບປຸງຂະບວນການກວດສອບ.

ນອກເໜືອໄປຈາກ Stablecoin ເເລ້ວ, ກົດໝາຍຍັງອະນຸຍາດໃຫ້ນັກສິລະປິນທ້ອງຖິ່ນສາມາດອອກ NFT ໄດ້, ໂດຍມີຈຸດປະສົງເພື່ອສົ່ງເສີມການລວມຕົວທາງດ້ານການເງິນ ແລະ ວັດທະນະທໍາ.

“SAN LUIS ART DIGITAL ASSETS” ຈະເປັນ collection of art ຂອງເເຂວງ, ໂດຍເປີດໂອກາດສິນລະປິນເເປງຜົນງານຂອງພວກເຂົາໃຫ້ເປັນດິຈິຕອລ ເເລະ ເປີດຕົວໃນຕະຫຼາດດິຈິຕັລໂດຍຜ່ານເເພັດຟອມເວັບໄຊຕ໌ພາຍໃນສໍາລັບການຊື້ ແລະ ການຂາຍ. ເພື່ອທີ່ຈະສ້າງຄໍເລັກຊັນເຫຼົ່ານີ້ ຈະຕ້ອງໃຊ້ເທັກໂນໂລຍີ NFT(Non Fungible Token – Token No Fungible) ເພື່ອເຮັດໃຫ້ຜົນງານສິນລະປະດິຈິຕອລເຫຼົ່ານີ້ເປັນເອກະລັກ, ໃຫ້ຄວາມເປັນເຈົ້າຂອງ ແລະ ຄວາມຖືກຕ້ອງໃຫ້ກັບສິນລະປິນ ຫຼື ຜູ້ຖືສິນຊັບດິຈິຕອລ.

ສະຖານະການເສດຖະກິດທີ່ສັບຊ້ອນແມ່ນກໍາລັງຖືກຊຸກດັນການຮັບຮອງເອົາ crypto ໃນອາເຈນຕິນາ. ອັດຕາເງິນເຟີ້ທີ່ເພີ່ມຂຶ້ນໄດ້ກະຕຸ້ນໃຫ້ມີການລິເລີ່ມຂອງບໍລິສັດ ແລະ ລັດຖະບານກ່ຽວກັບ cryptocurrencies ແລະ ເທັກໂນໂລຍີ blockchain ໃນທ້າຍປີ, ໂດຍ panelists ຂອງ FocusEconomics ຄາດວ່າອັດຕາເງິນເຟີ້ຈະຢູ່ທີ່ 73.5% ໃນອາເຈນຕິນາ.

ທີ່ມາ : https://cutt.ly/i0UtGOM

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain