Sam Bankman-Fried CEO ຂອງ FTX ອາດບໍ່ຮັກສາສະຖານະພາບ “ມະຫາເສດຖີ” ຂອງລາວອີກຕໍ່ໄປຫຼັງຈາກທີ່ຊັບສິນສ່ວນຕົວຂອງລາວຫຼຸດລົງປະມານ 94% ໃນຊົ່ວຂ້າມຄືນ, ອີງຕາມລາຍງານຂອງ Bloomberg Billionaires Index.

Bankman-Fried ເຄີຍເປັນຜູ້ທີ່ລ້ຳລວຍທີ່ສຸດ ອີງຕາມດັດຊະນີມະຫາເສດຖີຂອງ Bloomberg, ໂດຍມີມູນຄ່າສຸດທິປະມານ 26 ຕື້ໂດລາ ຕອນທີ່ຢູ່ຈຸດສູງສຸດຕອນນັ້ນ. ຢ່າງໃດກໍຕາມ, ໃນປັດຈຸບັນ ມະຫາເສດຖີ crypto ຄົນນີ້ບໍ່ປາກົດຢູ່ໃນບັນຊີລາຍຊື່ມະຫາເສດຖີ 500 ຄົນ.

ເມື່ອວັນ​ທີ 9 ພະຈິກ​ນີ້ ​ແຫຼ່ງຂ່າວ​ລາຍ​ງານ​ວ່າ ໂຊກ​ລາບ​ຂອງ​ລາວໄດ້​ໝົດ​ໄປ ຖ້າຫາກການຂາຍເເພລັດຟອມ FTX ຂອງລາວໃຫ້ກັບຄູ່ແຂ່ງຢ່າງ Binance ປະສົບຜົນສໍາເລັດ.

ກ່ອນທີ່ຈະປະກາດເຂົ້າຊື້ກິດຈະການຂອງ Binance, ອັດຕາສ່ວນການຖືຂອງຮຸ້ນຂອງBankman-Fried ໃນ FTX ເເມ່ນ 53 % ມີມູນຄ່າປະມານ 6.2 ຕື້ໂດລາ ແລະລາວຍັງເປັນເຈົ້າຂອງ Alameda Research, ໂດຍເພີ່ມອີກ 7.4 ຕື້ໂດລາ ໃຫ້ກັບຊັບສິນສ່ວນຕົວຂອງລາວ.

ດັດຊະນີມະຫາເສດຖີຂອງ Bloomberg ຖືວ່າ Bankman-Fried ແລະນັກລົງທຶນທີ່ມີສ່ວນໄດ້ສ່ວນເສຍຈະຖືກຂັບໄລ່ອອກຈາກບັນຊີລາຍຊື່ ເປັນຜົນສະທ້ອນຈາກການເຂົ້າຊື້ຂອງ Binance. ເຊິ່ງໝາຍ​ຄວາມ​ວ່າ Bankman-Fried ຈະຄົງມີຊັບສິນຄົງເຫຼືອປະມານ 1 ຕື້ໂດລາ, ຫຼຸດລົງຈາກ 15.6 ຕື້ໂດລາໃນວັນທີ 8 ພະຈິກ. ນັບວ່າມັນເປັນ “ການລົ້ມລະລາຍທີ່ໃຫຍ່ທີ່ສຸດໃນໜື່ງມື້ ເທົ່າທີ່ເຄີຍມີມາໃນບັນດາມະຫາເສດຖີທີ່ Bloomberg ໄດ້ຕິດຕາມ”

ລາຍ​ລະ​ອຽດ​ກ່ຽວ​ກັບ​ການ​ຄອບ​ຄອງ​ຍັງ​ບໍ່​ທັນ​ໄດ້​ຮັບ​ການ​ເປີດ​ເຜີຍ, ຍັງບໍ່ລວມ FTX.US ເຊິ່ງເປັນບໍລິສັດຍ່ອຍຂອງສະຫະລັດ ທີ່ມີຊັບສິນ 8 ຕື້ໂດລາພາຍໃຕ້ການຄຸ້ມຄອງ. ຂໍ້ຕົກລົງການຊື້ຂາຍໃນຕອນນີ້ແມ່ນພຽງແຕ່ສົນທິສັນຍາທີ່ບໍ່ມີການຜູກມັດເຊີ່ງ Binance ສາມາດ “ຖອນຕົວອອກຈາກຂໍ້ສະເໜີໄດ້ທຸກເວລາ” ອີງຕາມ Bankman-Fried ໄດ້ກ່າວ.

ທີ່ມາ : https://cutt.ly/jMeQ8VR

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain