FTX ເເພລັດຟອມເເລກປ່ຽນ Crypto ທີ່ໃຫຍ່ເປັນອັນດັບສາມ ໄດ້ປະກາດວ່າຍື່ນຂໍຄວາມຄຸ້ມຄອງການລົ້ມລະລາຍໃນວັນທີ 11 ໃນສະຫະລັດ, Sam Bankman-Fried CEO ເເລະ ຜູ້ກໍ່ຕັ້ງ FTX ໄດ້ລາອອກຈາກຕຳເເໜ່ງ ເເລະ John J. Ray III ໄດ້ຮັບເເຕ່ງຕັ້ງໃຫ້ເປັນ CEO ຄົນໃໝ່ເເທນ. ບໍລິສັດໃນເຄື່ອອີກປະມານ 130 ເເຫ່ງລວມເຖິງ FTX US ເເລະ Alameda Research ໄດ້ເລີ່ມຂະບວນການລົ້ມລະລາຍແລ້ວ. FTX ໄດ້ກ່າວໃນຖະເເຫຼງການວ່າ: FTX Digital Markets ເຊິ່ງເປັນບໍລິສັດໃນເຄືອ Bahamian ຂອງການເເລກປ່ຽນ ເເລະ ເເພລັດຟອມທາງເລືອກໃນສະຫະລັດ LedgerX ຄວບຄູ່ກັບ FTX Australia ເເລະ FTX Express Pay ຈະບໍ່ໄດ້ລວມຢູ່ໃນການດໍາເນີນການດັ່ງກ່າວ.

ຂ່າວນີ້ເກີດຂຶ້ນກ່ອນ 1 ອາທິດ ຫຼັງຈາກການລົ້ມລະລາຍຂອງອານາຈັກ FTX ໃນຂະນະທີ່ບໍລິສັດພະຍາຍາມປະຄັບປະຄອງຕົວເອງໃຫ້ຢູ່ໃນສະຖານະເດີມ, ຊອກຫາຜູ້ທີ່ຕ້ອງການຊື້ກິດຈະການ ແລະ ເງີນທຶນຈາກຜູ້ຫຼິ້ນໃນຕະຫຼາດ.

ໃນວັນອັງຄານທີ່ຜ່ານມາ, Binance ບໍລິສັດເເລກປ່ຽນ Crypto ທີ່ໃຫຍ່ທີ່ສຸດຂອງໂລກ ໄດ້ລົງນາມໃນຈົດໝາຍທີ່ສະເເດງເຖິງເຈດຈຳນົງທີ່ຈະຊຶ້ FTX, ພຽງແຕ່ໃນໄລຍະ 24 ຊົ່ວໂມງຕໍ່ມາ Binance ໄດ້ຖອນຕົວອອກຈາກແຜນການຫຼັງຈາກກວດສອບຕະລາງຄວາມດຸ່ນດ່ຽງຂອງ FTX.

“ຄວາມຫວັງຂອງພວກເຮົາແມ່ນຈະສາມາດສະໜັບສະໜູນລູກຄ້າຂອງ FTX ເພື່ອໃຫ້ມີສະພາບຄ່ອງ, ແຕ່ບັນຫາແມ່ນເກີນການຄວບຄຸມຂອງພວກເຮົາຫຼືຄວາມສາມາດທີ່ຈະຊ່ວຍໄດ້” Binance ກ່າວໃນວັນພຸດ.

ໃນວັນພະຫັດ, Bankman-Fried ໄດ້ tweet ວ່າ FTX International ກໍາລັງຊອກຫາການເພີ່ມສະພາບຄ່ອງ ແລະ ກໍາລັງເຈລະຈາກັບ “ຈໍານວນຜູ້ຫຼິ້ນ” ລາວກ່າວຕື່ມວ່າ ເງິນທີ່ຫາມາໄດ້ ແລະ ຫຼັກຊັບທີ່ມີຢູ່ “ຈະສົ່ງໄປເຖິງຜູ້ໃຊ້ໂດຍກົງ”

FTX ໄດ້ຫຼຸດລົງຈາກການເປັນບ່ອນແລກປ່ຽນ crypto ທີ່ໃຫຍ່ທີ່ສຸດຈາກອັນດັບທີ 3 ເປັນອັນດັບ 62, ອີງຕາມຂໍ້ມູນ CoinMarketCap. ສ່ວນ FTX US ແມ່ນຢູ່ທີ່ອັນດັບທີ 54, ອັນດັບ 3 ໃນປັດຈຸບັນແມ່ນ Kraken ຮອງຈາກ Coinbase ແລະ Binance.

ທີ່ມາ : https://cutt.ly/2MljfDz

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain