Fidelity Investments ຍັກໃຫຍ່ດ້ານການລົງທຶນໄດ້ຍື່ນຄໍາຮ້ອງຂໍເຄື່ອງໝາຍການຄ້າໃນສະຫະລັດສໍາລັບຜະລິດຕະພັນ ແລະ ການບໍລິການ Web3 ລວມທັງຕະຫຼາດ NFT, ການລົງທຶນທາງດ້ານການເງິນ ແລະ ການບໍລິການຊື້ຂາຍ crypto ໃນ metaverse. 

ເຄື່ອງໝາຍການຄ້າ 3 ສະບັບໄດ້ຖືກຍື່ນຕໍ່ສໍານັກງານເຄື່ອງໝາຍການຄ້າສິດທິບັດຂອງສະຫະລັດ (USPTO) ເມື່ອໃນວັນທີ 21 ທັນວາ, ອີງຕາມລາຍງານຂອງທະນາຍຄວາມເຄື່ອງໝາຍການຄ້າ Mike Kondoudis ທີ່ tweeted ໃນວັນທີ 27 ທັນວາ. 

ໜຶ່ງໃນປະເດັນຫຼັກຂອງບໍລິສັດມຸ່ງເນັ້ນຄື metaverse, ໂດຍ Fidelity ລະບຸວ່າສາມາດໃຫ້ບໍລິການດ້ານການລົງທຶນທີ່ຫຼາກຫຼາຍໃນໂລກ virtual. ລວມທັງກອງທຶນລວມ, ກອງທຶນບໍານານ, ການຄຸ້ມຄອງການລົງທຶນ ແລະ ການວາງແຜນທາງດ້ານການເງິນ. 

ນອກຈາກນີ້, ຍັງລວມເຖິງການບໍລິການການຈ່າຍເງິນທີ່ໃຊ້ metaverse, ການຈ່າຍເງິນໃບບິນເອເລັກໂຕຣນິກ, ການໂອນເງິນ ແລະ “ການຄຸ້ມຄອງທາງດ້ານການເງິນຂອງບັນຊີບັດເຄຣດິດໃນ metaverse ແລະ ໂລກ virtual ອື່ນໆ” 

ໃນແງ່ຂອງ crypto ການຍື່ນເອກະສານລະບຸວ່າ ບໍລິສັດສາມາດເປີດຕົວບໍລິການການຊື້ຂາຍ ແລະ ການຄຸ້ມຄອງໃນ metaverse ພ້ອມກັບໃຫ້ບໍລິການກະເປົ່າເງິນ virtual. 

“ການບໍລິການກະເປົ່າເງິນເອເລັກໂຕຣນິກໃນຮູບແບບການເກັບຮັກສາເອເລັກໂຕຣນິກ ແລະ ການປະມວນຜົນສະກຸນເງິນ virtual ສໍາລັບການຊໍາລະເງິນ ການເຮັດທຸລະກໍາທາງເອເລັກໂຕຣນິກໂດຍຜ່ານເຄືອຂ່າຍຄອມພິວເຕີທົ່ວໂລກ, cryptocurrencies, ສະກຸນເງິນ virtual, Digital tokens ຂອງສະກຸນເງິນດິຈິຕອລ” 

ນອກຈາກນີ້, Fidelity ລະບຸວ່າ ສາມາດໃຫ້ບໍລິການດ້ານການສຶກສາໃນ metaverse ໃນຮູບເເບບຂອງ “ຫ້ອງຮຽນ, ກອງປະຊຸມ, ສໍາມະນາແລະກອງປະຊຸມໃນດ້ານການລົງທຶນ ແລະ ການບໍລິການທາງການເງິນດ້ານການຕະຫຼາດ” 

“ການໃຫ້ຂໍ້ມູນທາງທຸລະກິດໃຫ້ແກ່ຜູ້ໃຫ້ບໍລິການດ້ານການເງິນຜ່ານເວັບໄຊອິນເຕີເນັດ ໃນດ້ານການຕະຫຼາດທຸລະກິດໃນ metaverse ແລະ ໂລກ virtual ອື່ນໆ, ການບໍລິການອ້າງອິງໃນດ້ານຄຳແນະນໍາການລົງທຶນ ແລະ ການວາງແຜນທາງດ້ານການເງິນໃນ metaverse ແລະ ໂລກ virtual ອື່ນໆ “ເອກະສານສະບັບໜຶ່ງລະບຸ. 

ອີກທັງ NFT ຍັງຢູ່ໃນແຜນການຂອງ Fidelity, ໂດຍຜູ້ຈັດການດ້ານການລົງທຶນລະບຸວ່າສາມາດເປີດ “ຕະຫຼາດອອນໄລນ໌ສໍາລັບຜູ້ຊື້ ແລະ ຜູ້ຂາຍສື່ດິຈິຕອລ, ເຊິ່ງກໍຄື “non-fungible tokens”. ຢ່າງໃດກໍຕາມ, ລາຍລະອຽດເພີ່ມເຕີມກ່ຽວກັບເນື້ອຫາແມ່ນຍັງມີຢູ່ໜ້ອຍ. 

ທີ່ມາ : https://cutt.ly/T08R65n  

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

#Bitcoin #bitqik #bitqikacademy #Cryptocurrency #Blockchain