ໃນວັນພຸດທີ່ຜ່ານມາ ຈາກຂໍ້ມູນການຄົ້ນຄວ້າຂອງ UBS ເປີດເຜີຍວ່າ ChatGPT (chatbot) ຍອດນິຍົມຈາກ OpenAI ມີຜູ້ໃຊ້ງານຫຼາຍເຖິງ 100 ລ້ານຄົນ/ເດືອນ.

ຫຼັງຈາກເປີດຕົວໄດ້ພຽງສອງເດືອນ, ChatGPT ໄດ້ກາຍເປັນເເພລັດຟອມທີ່ມີການຂະຫຍາຍຕົວໄວ້ທີ່ສຸດໃນປະຫວັດສາດ, ໃນລາຍງານການຄົ້ນຄວ້າໄດ້ອ້າງອີງຂໍ້ມູນຈາກບໍລິສັດວິເຄາະເວັບໄຊທີ່ຄ້າຍຄືກັນ ໂດຍລະບຸວ່າ ChatGPT ມີຄົນເຂົ້າເບິ່ງໂດຍສະເລ່ຍປະມານ 13 ລ້ານຕໍ່ມື້່ໃນເດືອນມັງກອນ, ເຊິ່ງເພິ່ມຂຶ້ນເປັນສອງເທົ່າຂອງເດືອນທັນວາ.

ເມື່ອບໍ່ດົນມານີ້ ChatGPT ໄດ້ປະກາດ ການສະໝັກສະມາຊິກລາຍເດືອນ ໂດຍຈ່າຍຄ່າທຳນຽມໃນລາຄາ 20 ໂດລາ ສະເພາະຜູ້ໃຊ້ງານໃນສະຫະລັດເທົ່ານັ້ນ, ໂດຍສະມາຊິກທີ່ສະໝັກລາຍເດືອນຈະມີຄວາມສະຖຽນ ເເລະ ວ່ອງໄວຫຼາຍຂຶ້ນ. ລວມເຖິງມີໂອກາດໃນການທົດລອງໃຊ້ຄຸນສົມບັດໃໝ່ໆກ່ອນຄົນອື່ນທີ່ຍັງໃຊ້ເເບບຟຣີໆຢູ່, ເຊິ່ງ ChatGPT ໄດ້ເປີດໃຫ້ຫຼິ້ນຟຣີໃນທ້າຍເດືອນພະຈິກທີ່ຜ່ານມາ

ເມື່ອຄວາມຕ້ອງທີ່ຈະໃຊ້ງານ ChatGPT ເພີ່ມຂຶ້ນ ສົ່ງຜົນໃຫ້ບໍລິສັດຜູ້ພັດທະນາຕ້ອງໃຊ້ຕົ້ນທຶນໃນການປະມວນຜົນເປັນຈຳນວນຫຼາຍ, ໂດຍລາຍໄດ້ຈາກຜູ້ທີ່ສະໝັກສະມາຊິກຈະນຳມາໃຊ້ ເພື່ອຊ່ວຍເລື່ອງຄ່າໃຊ້ຈ່າຍການປະມວນຜົນດັ່ງກ່າວ.

ທີ່ມາ : https://cutt.ly/X9Vju5m