CEO ຂອງ Ripple ເບິ່ງໂລກໃນເເງ່ດີກ່ຽວກັບການຟື້ນຕົວຂອງອຸດສາຫະກໍາ Crypto ຫຼັງຈາກ FTX ລົ້ມລະລາຍ

Brad Garlinghouse CEO ຂອງ Ripple Labs ໄດ້ແບ່ງປັນຄວາມຄິດຂອງລາວໃນວັນພຸດທີ່ຜ່ານມາ ກ່ຽວກັບການຟື້ນຕົວຂອງອຸດສາຫະກໍາ crypto ຫຼັງຈາກການລົ້ມລະລາຍຂອງ FTX ໃນລະຫວ່າງງານ Ripple Swell, ເຊິ່ງເປັນກອງປະຊຸມປະຈໍາປີທີ່ຈັດຂຶ້ນໂດຍ Ripple.

Garlinghouse ໄດ້ຢ້ຳຄືນສິ່ງທີ່ລາວເວົ້າຢູ່ເທິງເວທີໃນກອງປະຊຸມວ່າ:

ຂ້ອຍເຊື່ອໝັ້ນວ່າ crypto ຈະມີຄວາມເຂັ້ມແຂງຂຶ້ນພຽງແຕ່ຖ້າພວກເຮົາໃຫ້ຄວາມສຳຄັນກັບຄວາມໂປ່ງໃສ ແລະ ຄວາມໄວ້ວາງໃຈ, ເຊີ່ງ Ripple ມີ ແລະ ຈະສືບຕໍ່ເປັນຜູ້ນໍາໃນເລື່ອງນີ້ຕໍ່ໄປ.

“ກັບສິ່ງທີ່ເກີດຂຶ້ນໃນສອງສາມອາທິດຜ່ານມາ ແລະ ຕະຫຼອດການເພີ່ມຂຶ້ນ ແລະ ຫຼຸດລົງຂອງປີນີ້) ຮູ້ສຶກວ່າມັນເຖິງເວລາທີ່ພວກເຮົາຈະມາລວມຕົວກັນເພື່ອສົນທະນາຢ່າງກົງໄປກົງມາກ່ຽວກັບການແກ້ໄຂບັນຫາໃນໂລກເເຫ່ງຄວາມເປັນຈິງດ້ວຍ crypto ແລະ blockchain” ລາວຂຽນໃນ Twitter.

ໃນປັດຈຸບັນ Ripple ກໍາລັງຍື່ນຄໍາຮ້ອງຂໍໃບອະນຸຍາດໃນປະເທດໄອແລນເພື່ອຊຸກຍູ້ການຂະຫຍາຍຕົວຂອງ EU, Stuart Alderoty ທີ່ປຶກສາທົ່ວໄປຂອງບໍລິສັດ ກ່າວຕໍ່ສຳນັກຂ່າວໃນວັນສຸກ.

ການຂັບເຄື່ອນການຂະຫຍາຍຕົວຂອງບໍລິສັດໃນເອີຣົບນັ້ນມາຈາກຄວາມຄາດຫວັງຂອງກອບກົດລະບຽບໃໝ່ທີ່ສ້າງຂຶ້ນໂດຍ Markets in Crypto-Assets (MiCA), ເຊິ່ງພະຍາຍາມທີ່ຈະປັບກົດລະບຽບກ່ຽວກັບຊັບສິນ crypto ໃນບັນດາປະເທດຕ່າງໃນ EU “ຂ້ອຍຄິດວ່າ MiCA ເປັນການເລີ່ມຕົ້ນທີ່ດີຫຼາຍ” Alderoty ກ່າວ. .

ກ່ຽວກັບການຟ້ອງຮ້ອງຂອງຄະນະກໍາມະການຫຼັກຊັບ ແລະ ຕະຫຼາດຫຼັກຊັບສະຫະລັດ (SEC) ຕໍ່ Ripple, Garlinghouse ແລະ ຜູ້ຮ່ວມກໍ່ຕັ້ງ Chris Larsen, ລວມທັງ Alderoty ຄາດຫວັງວ່າຄໍາຕັດສິນຈະມາຮອດໃນເຄິ່ງທໍາອິດຂອງປີ 2023 ໂດຍການສະຫລຸບທາງດ້ານກົດໝາຍຂັ້ນສຸດທ້າຍ. ຫຼັງຈາກຜູ້ພິພາກສາ ສາມາດຕັດສິນ ຫຼື ສົ່ງຕໍ່ສານຕັດສິນຂອງຄະນະລູກຂຸນ Alderoty ກ່າວຄໍາເຫັນວ່າ “ພວກເຮົາຢູ່ໃນຈຸດເລີ່ມຕົ້ນຂອງການສິ້ນສຸດຂອງຂະບວນການຕັດສິນ”

ທີ່ມາ : https://cutt.ly/GMK88zu

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain