Cardano ເເພລັດຟອມ blockchain ເເບບ Proof-of-stake ໄດ້ຮ່ວມມືກັບ COTI, ເຊິ່ງເປັນ protocol DAG-based Layer 1 ເພື່ອເປີດຕົວ algorithm stablecoin ທີ່ໄດ້ສະໜັບສະໜູນໂດຍຫຼັກປະກັນສ່ວນເກີນໃນຮູບເເບບຂອງ cryptocurrency ທີ່ເກັບຮັກສາໄວ້ໃນທຶນສຳຮອງ.

ອີງຕາມຂໍ້ມູນທີ່ຖືກເຜີຍແຜ່ລະບຸວ່າ: Djed ມີກຳນົດຈະເປີດຕົວໃນ mainnet ໃນເດືອນມັງກອນ ປີ2023 ເຊິ່ງຕອນນີ້ຍັງຢູ່ລະຫວ່າງການກວດສອບຫາຂໍ້ຜິດພາດຢ່າງເຂັ້ມງວດ.

ນັກພັດທະນາກ່າວວ່າ: Djed ຈະຖືກນໍາໄປຜູກກັບເງິນໂດລາສະຫະລັດເຊິ່ງໄດ້ຮັບສະໜັບສະໜູນໂດຍ Cardano ($ADA) ແລະ ຈະໃຊ້ $SHEN ເປັນຫຼຽນສຳຮອງ.

algorithm Stablecoin ຈະເປີດໃຫ້ຜູ້ຮ່ວມງານທີ່ໄດ້ຮັບການຄັດເລືອກ ແລະ Decentralized Exchanges (DEXs) ບາງເເຫ່ງໄດ້ທົດສອບກັນ ເຊິ່ງຈະໃຫ້ລາງວັນເເກ່ຜູ້ໃຊ້ໃນການຈັດສັນສະພາບຄ່ອງໂດຍຜ່ານ Djed. ທັງນີ້ນັກພັດທະນາວາງແຜນທີ່ຈະປັບໃຊ້ເເບບຄ່ອຍເປັນຄ່ອຍໄປເທື່ອລະກ້າວ, ເພື່ອຈັດສັນສະພາບຄ່ອງຂອງ $ADA ໃຫ້ກັບ Djed smart contract

ໃນການປະກາດຢ່າງເປັນທາງການຢູ່ທີ່ກອງປະຊຸມ Cardano Summit, Shahaf Bar-Geffen CEO ຂອງ COTI ກ່າວວ່າ: “ເຫດການຕະຫຼາດທີ່ຜ່ານມາໄດ້ພິສູດອີກເທື່ອໜື່ງວ່າ: ພວກເຮົາຕ້ອງການບ່ອນປອດໄພຈາກການຜັນຜວນ ແລະ Djed ຈະເຮັດໜ້າທີ່ເປັນບ່ອນຫຼົບໄພໃນເຄືອຂ່າຍ Cardano, ບໍ່ພຽງແຕ່ພວກເຮົາຕ້ອງການ Stablecoin ເທົ່ານັ້ນ ພວກເຮົາຕ້ອງການຫຼຽນທີ່ມີການແບ່ງຂັ້ນຄຸ້ມຄອງ ແລະມີ proof of reserves ໃນ Chain”

ທີ່ມາ : https://cutt.ly/WM12Z3q