Argo blockchain ບໍລິສັດຂຸດຄົ້ນ Cryptocurrency ໄດ້ຕັດສິນໃຈທີ່ຈະຂາຍ Helios Mining Facility ຂອງຕົນ, ເຊິ່ງເປັນສະຖານທີ່ຂຸດທີ່ໃຫຍ່ທີ່ສຸດຂອງບໍລິສັດ.  ເພື່ອຄວາມຢູ່ລອດຂອງຕະຫຼາດໝີທີ່ກຳລັງພະເຊີນຢູ່

 Peter wall CEO ຂອງ Argo Blockchain ໄດ້ປະກາດຢ່າງເປັນທາງການໃນວັນທີ 28 ທັນວາວ່າລາວໄດ້ບັນລຸຂໍ້ຕົກລົງກັບບໍລິສັດລົງທຶນ Galaxy Digital ຂອງ Mike Novogratz ເພື່ອຂາຍໂຮງຂຸດ Helios ຂອງຕົນໃນລາຄາ 65 ລ້ານໂດລາ, ໂດຍ Argo ໄດ້ຖອນ Bitcoin ທີ່ຂຸດໄດ້ອອກໝົດເເລ້ວ

ນອກຈາກນີ້ Galaxy ຍັງໄດ້ໃຫ້ Argo ກູ້ຢືມເງິນໂດຍມີສິນຊັບໜຸນຫຼັງໃໝ່ມູນຄ່າ 35 ລ້ານໂດລາເພື່ອຊ່ວຍໃຫ້ບໍລິສັດຂຸດທີ່ກຳລັງປະສົບບັນຫາ ຫຼຸດຜ່ອນພາລະໜີ້ສິນລົງ “ພວກເຮົາໄດ້ໃຊ້ເງິນຈາກການຂາຍນັ້ນລວມກັບເງິນກູ້ທີ່ໄດ້ຈາກ galaxy ໃໝ່ ເພື່ອຊຳລະໜີ້ທີ່ຍັງຕິດຄ້າງຢູ່ກັບ Nydix ເເລະ ໃຫ້ກັບຜູ້ກູ້ລາຍອື່ນໆທີ່ມີຫຼັກຄ້ຳປະກັນ” Wall ກ່າວ.

 ການເຮັດທຸລະກໍາໃໝ່ມີຈຸດປະສົງເພື່ອຫຼຸດຜ່ອນໜີ້ສິນທັງໝົດຂອງ Argo 41 ລ້ານໂດລາ, ປັບປຸງສະພາບຄ່ອງ ແລະ ໂຄງສ້າງການດໍາເນີນງານ.  ນີ້ເຮັດໃຫ້ບໍລິສັດສາມາດດຳເນີນການຂຸດຕໍ່ໄປໄດ້,​ CEO ກ່າວ.

Wall ຕັ້ງສັງເກດເຫັນວ່າຂໍ້ຕົກລົງແມ່ນ “ວິທີດຽວທີ່ເປັນໄປໄດ້” ໃນການເອົາຕົວລອດຈາກຕະຫຼາດໝີ ທ່າມກາງຄວາມກົດດັນຈາກຄ່າໃຊ້ຈ່າຍພະລັງງານສູງບວກກັບລາຄາ Bitcoin ຕໍ່າ.

 CEO ຍັງໄດ້ເນັ້ນໜັກ ເຖິງແມ່ນວ່າ Argo ຈະຂາຍ Helios ເເຕ່ບໍລິສັດບໍ່ໄດ້ຂາຍເຄື່ອງຂຸດໃດໆຂອງຕົນ.  Wall ກ່າວ “ສິ່ງເຫຼົ່ານັ້ນຈະສືບຕໍ່ຖືກຂຸດຄົ້ນຕໍ່ໄປທີ່ໂຮງຂຸດ Helios” ເເລະ ກ່າວຕື່ມວ່າ Argo ໄດ້ລົງນາມໃນຂໍ້ຕົກລົງທີ່ຈະສືບຕໍ່ປະຕິບັດການຂຸດຄົ້ນບໍ່ແຮ່ຂອງພວກເຂົາທີ່ Helios ຕໍ່ໄປໄດ້.

“ການຢູ່ທີ່ Helios ຍັງຊ່ວຍໃຫ້ພວກເຮົາສືບຕໍ່ເຂົ້າເຖິງພະລັງງານຜ່ານຕາຂ່າຍໄຟຟ້າ Texas ແລະ ມີສ່ວນຮ່ວມໃນການບໍລິການເສີມທີ່ Ercot ຈັດຫາໃຫ້”

ຂໍ້ຕົກລົງດັ່ງກ່າວມີຂຶ້ນພຽງແຕ່ຫົກເດືອນຫຼັງຈາກ Argo ເປີດຕົວ Helios  ເປີດຕົວຢ່າງເປັນທາງການໃນເດືອນພຶດສະພາ 2022, ໂຮງງານ Helios ຕັ້ງຢູ່ໃນ Dickens Count ເປັນໂຮງງານຂຸດຂອງ Argo ທີ່ໃຫຍ່ທີ່ສຸດ ຈັດການພະລັງງານໄຟຟ້າ 200 ເມກາວັດ (MW). ເມື່ອປຽບທຽບກັນເເລ້ວ ໂຮງງານ Argo ອີກເເຫ່ງຄື Baie Comeau ເຊິ່ງດໍາເນີນການຢູ່ທີ່ປະມານ 15 MW.

ທີ່ມາ : https://cutt.ly/l2w286o

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

#Bitcoin #bitqik #bitqikacademy #Cryptocurrency #Blockchain