ລາຍໄດ້ຈາກການຂຸດຄົ້ນ Bitcoin ຫຼຸດລົງຕໍ່າສຸດໃນສອງປີ ນີ້​ແມ່ນ​ຍ້ອນ​ເງື່ອນ​ໄຂ​ຕະຫຼາດ​ທີ່​ບໍ່​ດີ ​ແລະ ​ຄວາມ​ຕ້ອງການ​ດ້ານ​ການ​ຄິດ​ໄລ່​ທີ່​ສູງ​ຂຶ້ນ​ເຮັດ​ໃຫ້​ບັນຫາ​ເຄືອ​ຂ່າຍມີ​ຫຼາຍ​ຂຶ້ນຕາມ, ຢ່າງໃດກໍ່ຕາມ, ການຫຼຸດລົງຢ່າງຕໍ່ເນື່ອງຂອງອັດຕາ hash rate ຂອງ Bitcoin ໃນເດືອນທີ່ຜ່ານມາເຮັດໃຫ້ນັກຂຸດສາມາດຊົດເຊີຍການສູນເສຍຂອງພວກເຂົາໄດ້.

ລາຍໄດ້ຈາກການຂຸດຄົ້ນ Bitcoin ທັງໝົດທີ່ມາຈາກບລ໋ອກລາງວັນ ແລະຄ່າທຳນຽມການເຮັດທຸລະກຳ. ເມື່ອປຽບທຽບເປັນສະກຸນເງິນໂດລາຫຼຸດລົງເຫຼືອ 11.67 ລ້ານໂດລາ, ຊຶ່ງເປັນຕົວເລກດຽວກັບທີ່ເຄີຍບັນທຶກໄວ້ໃນວັນທີ 2 ພະຈິກ ປີ 2020, ໃນຊ່ວງເວລາທີ່ Bitcoin ມີການຊື້ຂາຍປະມານຢູ່ທີ່ປະມານ 13,500 ໂດລາ.

ໃນຂະນະທີ່ລາຄາ Bitcoin ໃນປັດຈຸບັນແມ່ນຢູທີ່ປະມານ 16,500 ໂດລາ, ນີ້ຊີ້ໃຫ້ເຫັນເຖິງລາຍຮັບການການຂຸດເພີ່ມຂຶ້ນຢ່າງຊັດເຈນ. ແຕ່ດ້ວຍປັດໃຈຕ່າງໆ ລວມເຖິງຄວາມຫຍຸ້ງຍາກໃນການຂຸດເພີ່ມຂຶ້ນແລະການເພີ່ມຂຶ້ນຂອງລາຄາພະລັງງານ ສົ່ງຜົນໃຫ້ລາຍຮັບເປັນເງິນໂດລາໄດ້ຫຼຸດລົງ.

ນອກເໜືອໄປຈາກຂ້າງເທິງ ຄວາມຫຍຸ້ງຍາກໃນການຂຸດ ບລ໋ອກ Bitcoin ໄດ້ເພີ່ມສູງຂຶ້ນເປັນເຖິງລະດັບສູງເທົ່າທີ່ເຄີຍມີມາເກືອບ 37 ພັນຕື້, ເຮັດໃຫ້ນັກຂຸດ Bitcoin ຕ້ອງໃຊ້ພະລັງງານ ແລະ ຄອມພິວເຕີ້ຫຼາຍກວ່າເກົ່າເພື່ອແຂ່ງຂັນ.

ຢ່າງໃດກໍຕາມ, ໃນຊ່ວງໄລຍະສາມເດືອນທີ່ຜ່ານມາ hash rate ຂອງເຄືອຂ່າຍ Bitcoin ໄດ້ສືບຕໍ່ຫຼຸດລົງຢ່າງຕໍ່ເນື່ອງ. ໃນປັດຈຸບັນມັນຢູ່ທີ່ 225.9 exahash ຕໍ່ວິນາທີ (TH/s), ຊຶ່ງຫຼຸດລົງ 28.6% ຈາກ 316,7 TH/s ໃນວັນທີ 31 ຕຸລາ ປີ 2022.

ທີ່ມາ : https://cutt.ly/H1lx5sU