ຫຼັງຈາກທະນາຄານກາງໄດ້ປະກາດຈຳກັດການຖອນເງິນຈາກຕູ້ ATM, ລາຄາ Bitcoin ໃນປະເທດໄນຈີເຣຍກໍໄດ້ເພິ່ມຂຶ້ນສູງເເຊງລາຄາ Bitcoin ໃນຕະຫຼາດ Crypto ທົ່ວໂລກ, ໂດຍລາຄາ Bitcoin ຈຳນວນ 1 BTC ມີມູນຄ່າເທົ່າກັບ 17.8 ລ້ານ Naira ເຊິ່ງມີມູນຄ່າທຽບເທົ່າກັບ 38,792 ໂດລາ. ອີງຕາມຂໍ້ມູນຈາກ NairaEX ກະດານເທຣດ Crypto ສັນຊາດໄນຈີເຣຍ.

ໃນວັນທີ 9 ມັງກອນ, ຫຼັງຈາກທະນາຄານກາງປະກາດຈຳກັດການຖອນເງິນຈາກຕູ້ ATM ໂດຍປະຊາຊົນສາມາດຖອນເງິນໄດ້ພຽງເເຕ່ 20,000 NGN ຫຼື ປະມານ 43.50 ໂດລາຕໍ່ມື້ ເພື່ອຊຸກດັນໃຫ້ໄນຈີເຣຍກາຍເປັນປະເທດທີ່ບໍ່ມີເງິນສົດນັບຕັ້ງເເຕ່ຕົ້ນເດືອນທີ່ຜ່ານມາ. ໃນປັດຈຸບັນ ລາຄາ Bitcoin ໄດ້ສູງກວ່າຕະຫຼາດທົ່ວໂລກເຖິງ 60%  ເຊິ່ງຢູ່ທີ່ປະມານ 23,600 ໂດລາ.

ນະໂຍບາຍນີ້ຖືກວາງອອກ ກ່ອນລັດຖະບານໄນຈີເຣຍຈະອອກທະນະບັດ Naira ໃໝ່ ເພື່ອຈະແກ້ໄຂບັນຫາອັດຕາເງິນເຟີ້ ແລະ ການຟອກເງິນ. ໂດຍທະນາຄານກາງຂອງໄນຈີເຣຍຂີດເສັ້ນ​ຕາຍ​ສໍາ​ລັບ​ການ​ແລກ​ປ່ຽນທະນະບັດ​ເກົ່າ​ເປັນທະນະບັດ​ໃໝ່​ໂດຍກໍາ​ນົດ​ໃນ​ວັນ​ທີ 24 ມັງ​ກອນ​.

ທີ່ມາ : https://cutt.ly/l9AcwY2