ຂ່າວລືວ່າ Twitter ກໍາລັງກະກຽມທີ່ຈະເປີດຕົວຊັບສິນຂອງຕົນເອງທີ່ເອີ້ນວ່າ “Twitter Coin” ເພື່ອໃຊ້ສໍາລັບການຊຳລະເງິນ ແລະການໃຫ້ tips ໃນເເພລັດຟອມ.

ບາງຄົນອ້າງເຖິງຂໍ້ມູນເບື້ອງຕົ້ນ ຈາກແຫຼ່ງຂ່າວຂອງ Nima Owji, ເຊິ່ງເຂົາໄດ້ສະແດງຮູບພາບໜ້າຈໍຂອງສິ່ງທີ່ເບິ່ງຄືວ່າ interface Twitter ຕົວຕົ້ນເເບບທີ່ສະເເດງຕົວເລືອກ “Coin” ສໍາລັບ tipping ພ້ອມກັບຮູບ vector ທີ່ສະເເດງຮູບຫຼຽນທີ່ມີໂລໂກ້ຂອງ Twitter.

ຫຼາຍຄົນຊີ້ໄປທີ່ tweet ຂອງນັກຄົ້ນຄວ້າເທັກໂນໂລຢີ Jane Manchun Wong, ເຊິ່ງລາວອ້າງວ່າໄດ້ຖອກໂຄ໊ດຈາກເວັບເເອັບເວີຊັນລ່າສຸດຂອງ Twitter ເພື່ອຄົ້ນຫາຂໍ້ມູນດຽວກັນກັບ Owji, ເຖິງແມ່ນວ່າໂພສ ແລະບັນຊີຂອງ Wong ໄດ້ຖືກລຶບໂດຍບໍ່ຮູ້ສາເຫດກໍຕາມ.

ນອກຈາກນີ້ຍັງມີຫຼາຍໂພສທີ່ຕິດ hashtag #TwitterCoin, ເຊິ່ງເບິ່ງຄືວ່າຫຼາຍຄົນຕື່ນເຕັ້ນກັບເລື່ອງນີ້ ແຕ່ມັນກໍບໍ່ເເມ່ນເລື່ອງແປກໃຈສຳລັບບາງຄົນທີ່ social media ກໍາລັງເຮັດວຽກຢ່າງໜັກເພື່ອເພີ່ມຊ່ອງທາງການຊຳລະເງິນເທິງເເພລັດຟອມ ໃນຊ່ວງເວລາທີ່ Elon Musk ຂຶ້ນເປັນຜູ້ບໍລິຫານ.

ສະມາຊິກຂອງຊຸມຊົນ Dogecoin ໃນ Twitter ແລະ Reddit ໄດ້ລອງເຊື່ອມໂຍງປັດໄຈຕ່າງໆ ດ້ວຍຄວາມຫວັງທີ່ຍັງເຫຼືອວ່າ Twitter Coin ແມ່ນພຽງແຕ່ຊື່ຕົວແທນສໍາລັບ Dogecoin ເມື່ອພິຈາລະນາຄວາມກ່ຽວຂ້ອງຂອງ Musk ກັບ memecoin.

ເມື່ອເວົ້າເຖິງໃນຫົວຂໍ້ທີ່ຄ້າຍຄືກັນ ໃນ Twitter Spaces ໃນວັນທີ 4 ເດືອນທັນວາ, Musk ໄດ້ບອກຜູ້ຕິດຕາມ 2.1 ລ້ານຄົນຂອງລາວວ່າ ລາວຍັງມີຄວາມສົນໃຈທີ່ ລວມcrypto ເຂົ້າກັບເເພລັດຟອມໂຊຊຽວມີເດຍ.

“ມັນເປັນເລື່ອງງ່າຍສໍາລັບ Twitter ທີ່ຈະມີທັງການຊຳລະທັ້ງ fiat ແລະ crypto,” ລາວໄດ້ກ່າວ.

ທີ່ມາ : shorturl.at/hkqxE

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain