Robot trade ເເມ່ນໂປຣເເກຣມທີ່ຊ່ວຍໃຫ້ນັກລົງທຶນມີຄວາມສະດວກສະບາຍໃນການຊື້ຂາຍ, ໂດຍໂປຣເເກຣັມຖືກລວມຢູ່ໃນ trading platform ເເລະ ດໍາເນີນການພາຍໃຕ້ເງື່ອນໄຂບາງຢ່າງ ໂດຍບໍ່ມີການເເຊກເເຊງຂອງເທຣດເດີ້. ໂປຣດເເກຣັມປະເພດນີ້ສາມາດປ້ອນຄຳສັ່ງຊື້ ເເລະ ຂາຍໂດຍ algorithms ທີ່ຖືກພັດທະນາມາເປັນຢ່າງດີ ເເຕ່ໃນບາງຄັ້ງມັນກໍຖືກເອີ້ນວ່າ Trading bot, Autotrader ຫຼື Expert Advisor (ໃນ platform Metatrader).

• ການນຳໃຊ້ Robot trade

ວິທີການນຳໃຊ້ bot ອາດຈະເເຕກຕ່າງກັນໄປ ຂຶ້ນຢູ່ກັບປະເພດຂອງ software ທີ່ໃຊ້, ໂດຍທົ່ວໄປ trading platform ຈະອະນຸຍາດໃຫ້ຜູ້ໃຊ້ເລືອກ ເເລະ ສ້າງກົນລະຍຸດຢ່າງງ່າຍດາຍຈາກຕົວຊີ້ວັດທາງດ້ານເທັກນິກ ກໍເພື່ອສ້າງຊຸດຄຳສັ່ງໃນການຊື້ຂາຍໃຫ້ເປັນໄປໂດຍອັດຕະໂນມັດ.

ອີກທາງເລືອກໜຶ່ງຄື ໃຫ້ຜູ້ໃຊ້ສ້າງ trading robots ຊື້ຂາຍໂດຍຕັ້ງໂປຣເເກຣັມຕົວບົ່ງຊີ້ທີ່ກຳນົດເອງເພື່ອໃຫ້ສາມາດເຮັດວຽກຮ່ວມກັບຜູ້ໃຊ້ເພື່ອໃຫ້ມີຄວາມຢືດຢຸ່ນຫຼາຍຂຶ້ນ ເເລະ ສາມາດຄວບຄຸມການລົງທຶນໄດ້.

ການສ້າງກົນໄກຂອງ Robot trade ຈຶ່ງປຽບເໝືອນ source code ທີ່ທາງ programmers ບັນທຶກເງື່ອນໄຂໃນການຂຽນຄໍາສັ່ງຊື້ໄວ້. ໂດຍຕົວກຳນົດ (parameters) ທີ່ນໍາມາພິຈາລະນາມີຫຼາຍຢ່າງເຊັ່ນ:

• ເເນວໂນ້ມການຕະຫຼາດ
• ຂ່າວເສດຖະກິດ
• technical indicators
• ການເຄື່ອນໄຫວຂອງລາຄາ
• ປັດໄຈອື່ນໆ

Robot trade ເໝາະກັບນັກລົງທຶນເເບບໃດ?

ຫຼາຍຄົນອາດຄິດວ່າ robot trade ນີ້ເໝາະສຳລັບເທຣດເດີ້ເທົ່ານັ້ນ, ອັນທີ່ຈິງເເລ້ວມັນເໝາະສຳລັບນັກລົງທຶນທຸກຄົນບໍ່ວ່າຈະເປັນ ຄົນທີ່ບໍ່ມີລະບຽບວິໄນໃນການລົງທຶນ, ຄົນທີ່ບໍ່ມີເວລາໃນການຈັດສັນພັອຕການລົງທຶນ, ຄົນທີ່ໃຊ້ກົນລະຍຸດໃນການລົງທຶນທີ່ຕ້ອງການຄວາມແມ້ນຢຳ ຫຼື ອາໄສການຄຳນວນເປັນຈຳນວນຫຼາຍ ກໍສາມາດນຳໃຊ້ robot trade ໄດ້.

ໂດຍ robot trade ຈະເເບ່ງອອກເປັນຫຼາຍປະເພດດ້ວຍກັນເຊັ່ນ : Technical Analysis Robots, Fundamental Analysis Robots, Quantitative Analysis Robots, Scalping Robots ເເລະ Day Trading Robots. ນັກລົງທຶນຈຳເປັນຕ້ອງໄດ້ສຶກສາກ່ຽວກັບປະເພດຂອງມັນເພື່ອນຳໃຊ້ໃຫ້ຖືກຕ້ອງ ເເລະ ໄດ້ຮັບປະສິດພາບຫຼາຍສຸດ.

ຂໍ້ດີຂອງ Robot trade

• ມີການປະມວນຜົນທີ່ໄວ
• ເພິ່ມສະພາບຄ່ອງໃຫ້ຕະຫຼາດ
• ການໃຊ້ເວລາໃຫ້ເກີດຜົນປະໂຫຍດ ເເລະ ມີປະສິດທິພາບສູງສຸດ
• ມີການວິເຄາະຕະຫຼອດ 24/7
• ບໍ່ມີອາລົມສ່ວນຕົວເຂົ້າມາໃນການເເລກປ່ຽນ
• ມີຂໍ້ຜິດພາດນ້ອຍ

ຂໍ້ເສຍຂອງ Robot trade

• ໃນການນຳໃຊ້ຈຳເປັນຕ້ອງໄດ້ຈັບຕາເບິ່ງເພື່ອອາດຈະເກີດມີບັນຫາ ຫຼື ຂໍ້ບົກພ່ອງອື່ນໆໃນໂປຣເເກຣັມ
• Flash Crashes ຫຼື ລະບົບລົ້ມກະທັນຫັນ ເຊິ່ງເກີດຂຶ້ນຫຼາຍຄັ້ງໃນຕະຫຼາດຮຸ້ນ
• ຄວນໃຊ້ Stop Loss ທຸກຄັ້ງ ເພາະຕະຫຼາດສາມາດເຮັດໃຫ້ເຂົ້າລາຍການຜິດພາດໄດ້

ທີ່ມາ : https://cutt.ly/W23YY3b