ໃນ 5-10 ປີທີ່ຜ່ານມາ ໄດ້ມີການປ່ຽນແປງເກີດຂຶ້ນຫຼາຍ, ການແຜ່ລະບາດຂອງ COVID-19 ແມ່ນໜຶ່ງໃນຕົວກະຕຸ້ນທີ່ສຳຄັນໃຫ້ມີການປ່ຽນແປງໄວຂຶ້ນ. ທັງການນໍາໃຊ້ເທັກໂນໂລຢີສໍາລັບທຸລະກິດ, ແນວໂນ້ມຂອງ Cryptocurrency ແລະ ການມາເຖິງຂອງປັນຍາປະດິດ ຖ້າທຸລະກິດໃດບໍ່ສາມາດປັບຕົວໄດ້ຕາມຂະບວນການດັ່ງກ່າວ ຫຼື ບໍ່ສາມາດແຂ່ງຂັນໃນຕະຫຼາດໄດ້.

ມື້ນີ້ເຮົາຈະພາໄປຮູ້ຈັກກັບ Digital Transformation! ການຫັນເປັນດິຈິຕອລທີ່ຈະປ່ຽນທຸລະກິດ ແລະ ອຸດສາຫະກໍາການລົງທຶນ.

• Digital Transformation ແມ່ນຫຍັງ?

Digital Transformation ຫຼື ການຫັນເປັນດິຈິຕອລໝາຍເຖິງຂະບວນການທີ່ນໍາເອົາເທັກໂນໂລຢີເພື່ອສ້າງມາປ່ຽນແປງ ຫຼື ພັດທະນາຂະບວນການທຸລະກິດ, ວັດທະນະທໍາຂອງອົງກອນ, ກົນລະຍຸດ ຫຼື ປະສົບການຂອງລູກຄ້າເພື່ອບັນລຸເປົ້າໝາຍ ແລະ ຕອບສະໜອງຄວາມຕ້ອງການຂອງຕະຫຼາດ.

• Cryptocurrency & Digital Transformation

ການມາເຖິງຂອງເທັກໂນໂລຍີ blockchain (Blockchain Technology) ແລະ ສະກຸນເງິນດິຈິຕອລ (Cryptocurrency) ໄດ້ເຮັດໃຫ້ເກີດການຕື່ນຕົວ ຢ່າງກວ້າງຂວາງກ່ຽວກັບ FinTech (Financial Technology) ຫຼື ເທັກໂນໂລຢີທາງດ້ານການເງິນ. ທຸລະກິດຈໍານວນຫຼາຍໄດ້ນໍາໃຊ້ເທັກໂນໂລຍີ blockchain ມາປະຍຸກໃຊ້ຮູບແບບທຸລະກິດຂອງພວກເຂົາເຊັ່ນ ການກວດສອບເອກະສານ, ການກວດສອບທີ່ມາຂອງຜະລິດຕະພັນ ເເລະ ອື່ນໆ. ທັງນີ້ກໍເພື່ອເພີ່ມຄວາມໄວໃນການເຮັດວຽກ, ຍົກລະດັບຄວາມໂປ່ງໃສ ແລະ ຫຼຸດຜ່ອນຄ່າໃຊ້ຈ່າຍຂອງອົງກອນ.

ສະກຸນເງິນດິຈິຕອລໄດ້ເຂົ້າມາມີບົດບາດຫຼາຍຂຶ້ນໃນຊີວິດປະຈໍາວັນຂອງປະຊາຊົນ ເກີດມີການປ່ຽນແປງຮູບແບບການເຮັດທຸລະກໍາຂອງລູກຄ້າເຊັ່ນ ມີການນໍາໃຊ້ wallets ດິຈິຕອລຫຼາຍຂຶ້ນໃນການຊື້ຂາຍ ແລະ crypto ໄດ້ຖືກນໍາສະເໜີເພື່ອໃຊ້ແລກປ່ຽນສິນຄ້າ/ບໍລິການ.

FinTech (Financial Technology) ໄດ້ຊ່ວຍເຮັດໃຫ້ທຸລະກໍາທາງດ້ານການເງິນຂອງບໍລິສັດມີປະສິດທິພາບຫຼາຍຂຶ້ນເຊັ່ນ: ການຫຼຸດຜ່ອນຕົວກາງ, ການອໍານວຍຄວາມສະດວກໃນການຈ່າຍເງິນ ແລະ ເພີ່ມຄວາມໂປ່ງໃສໃນການລະດົມທຶນຂອງບໍລິສັດ.

ຕົວຢ່າງເຕັກໂນໂລຢີອື່ນໆ

• Hybrid Cloud 
• Cybersecurity 
• AI (Artificial Intelligence) 
• Quantum Computing 
• Cloud Computing
• Reskill/Upskill 
• Remote Working 

ອົງກອນທີ່ສາມາດຢູ່ລອດ ແລະ ແຂ່ງຂັນໃນຍຸກທີ່ມີການປ່ຽນແປງຢ່າງໄວວານີ້ຕ້ອງສາມາດ “Transform” ອົງກອນຂອງຕົນໄດ້, ບໍ່ເເມ່ນ “Change”.

Digital Transformation ຈະນໍາໄປສູ່ການປ່ຽນແປງຫຼາຍໃນອະນາຄົດ ລວມທັງການມອບຄຸນຄ່າໃຫ້ແກ່ລູກຄ້າທີ່ສົ່ງຜົນກະທົບຕໍ່ຄວາມຄາດຫວັງຂອງລູກຄ້າໃນອະນາຄົດ, ການ Disrupt ອຸດສາຫະກໍາທີ່ບໍ່ສາມາດປ່ຽນແປງໄດ້ທັນຕໍ່ການມາຮອດຂອງເທັກໂນໂລຢີຕ່າງໆ ແລະ ພິຈາລະນາທາງເລືອກການລົງທຶນຂອງນັກລົງທຶນຮຸ່ນໃໝ່ທີ່ບໍ່ເບິ່ງເຫັນພຽງແຕ່ຕົວເລກກໍາໄລຂອງທຸລະກິດ ແຕ່ເບິ່ງເລິກເຂົ້າໄປໃນວັດທະນະທໍາອົງການຈັດຕັ້ງ ແລະ ສັກກະຍະພາບທີ່ຈະ “Transform” ທຸລະກິດນັ້ນ.

ທີ່ມາ : https://cutt.ly/Y9wEOhD