ທ່ານ Trygve Slagsvold Vedum ລັດຖະມົນຕີກະຊວງການເງິນ ນໍເວ ຮຽກຮ້ອງໃຫ້ລັດຖະບານຍົກເລີກໂຄງການ Crypto ທີ່ອະນຸຍາດໃຫ້ຜູ້ຂຸດbitcoin ພາຍໃນປະເທດຈ່າຍຄ່າໄຟຟ້າຂອງພວກເຂົາໃນອັດທີ່ຕາຕ່ຳກວ່າ

ໃນຄວາມຄິດເຫັນຂອງລາວ ສະພາບ​ການ​ຕະຫຼາດ​ໃນ​ປະຈຸ​ບັນ​ແລະ​ວິ​ກິດ​ການ​ພະລັງງານ​ທີ່​ຍັງ​ຄົງ​ດຳເນີນ​ຢູ່​ເອີ​ລົບ​ແມ່ນ​ສາ​ເຫດ​ຕົ້ນຕໍ​ສຳຄັນຂອງ​ການ​ປ່ຽນເເປງໃນຄັ້ງ​ນີ້.

ໃນປີ 2016 ລັດຖະບານນໍເວໄດ້ນໍາສະເຫນີຜົນປະໂຫຍດດ້ານພະລັງງານບາງຢ່າງສໍາລັບ Data center ລວມທັງຜູ້ຂຸດ cryptocurrency, ໂດຍການເຮັດໃຫ້ພວກເຂົາຈ່າຍຄ່າພະລັງງານຫນ້ອຍກວ່າຜູ້ບໍລິໂພກທົ່ວໄປ.

ທ່ານ​ Vedum ລັດຖະມົນຕີ​ກະຊວງການ​ເງິນໄດ້ກ່າວວ່າສະພາບ​ເສດຖະກິດ​ມະຫາ​ພາກ​ໄດ້​ມີ​ການ​ປ່ຽນ​ແປງ​ຢ່າງ​ຫຼວງ​ຫຼາຍ​ໃນຊ່ວງ6ປີຜ່ານມາ ​ແລະ ນັ້ນກໍຮຽກຮ້ອງ​ໃຫ້​ມີ​ການ​ປ່ຽນ​ແປງ​ບາງ​ຢ່າງ:

“ດຽວນີ້ພວກເຮົາຢູ່ໃນສະຖານະການທີ່ແຕກຕ່າງກັນຢ່າງສິ້ນເຊີງ ເຊີ່ງເຫັນໄດ້ຊັດເຈນໃນຕະຫຼາດພະລັງງານຊ່ວງເວລາທີ່ມີການເປີດໂຕ Data center ໄດ້ຖືກນໍາສະເຫນີໃນອັດຕາຕ່ຳໃນຫຼາຍບ່ອນໃນປີ 2016, ເຮັດໃຫ້ການສະໜອງພະລັງງານພາຍໃຕ້ຄວາມກົດດັນເປັນເຫດເຮັດໃຫ້ລາຄາເພີ່ມຂຶ້ນ. ໃນ​ເວ​ລາ​ດຽວ​ກັນນັ້ນ  ພວກເຮົາໄດ້ເຫັນການປັບປຸງທີ່ໄດ້ມາຈາກການຜະລິດທີ່ເພິ່ມຂຶ້ນຢູ່ນໍເວ ແລະພວກເຮົາກໍຕ້ອງການພະລັງງານຈາກພາກສ່ວນນີ້, ສະນັ້ນ ລັດຖະບານ​ຈຶ່ງ​ຕ້ອງ​ຢຸດຕິ​ໂຄງການດັງກ່າວ.”

ລັດຖະມົນຕີກ່າວຕື່ມວ່າ ຫາກຢຸດຕິໂຄງການນີ້, ພວກເຮົາຈະສາມາດສ້າງລາຍຮັບເພີ່ມເຕີມໄດ້ເຖິງ 150 ລ້ານ Norwegian Kroner (ປະມານ 14 ລ້ານໂດລາ) ສໍາລັບເສດຖະກິດຂອງນໍເວ.

ປະຈຸ​ບັນ, ຕະຫຼາດ​ພະລັງງານຢູ່​ເອີຣົບ​ຢູ່​ພາຍໃຕ້ເເຮງ​​ກົດ​ດັນ​ພາຍຫຼັງ​ຈາກຢຸດ​ການ​ຮັບ​ເອົາພະລັງງານ​ຈາກຣັດ​ເຊຍ​ຍ້ອນ​ການຄວ່ຳບາດ, ນອກຈາກນີ້ການ​ລະບາດ​ຂອງ​ພະຍາດ​ໂຄ​ວິດ-19 ​ແມ່ນ​ອີກ​ປັດ​ໄຈ​ໜຶ່ງ​ທີ່​ເຮັດ​ໃຫ້​ສະຖານະ​ການ​ຮ້າຍ​ແຮງ​ຂຶ້ນ. ຫຼາຍໆບໍລິສັດໄດ້ຕັດຄວາມຕ້ອງການໄຟຟ້າລົງໃນລະຫວ່າງປີ 2020 ຫາຕົ້ນປີ 2022 (ເມື່ອໄພພິບັດດ້ານສຸຂະພາບຢູ່ໃນຈຸດສູງສຸດ). ຢ່າງໃດກໍຕາມ, ເຄື່ອງປັ່ນໄຟບໍ່ສາມາດຮັບມືກັບການເພີ່ມຂຶ້ນຂອງຄວາມຕ້ອງການໃນເດືອນທີ່ຜ່ານມາເຊິ່ງເຮັດໃຫ້ລາຄາໄຟຟ້າເພີ່ມຂຶ້ນ

ປະເທດ Scandinavia ໄດ້ກາຍເປັນຈຸດຫມາຍປາຍທາງທີ່ຫນ້າສົນໃຈສໍາລັບນັກຂຸດ Bitcoin ໂດຍປະເທດກວມເອົາປະມານ 0.7% ຂອງ hashrate ທົ່ວໂລກພິຈາລະນາຈາກປະຊາກອນທີ່ຂ້ອນຂ້າງຫນ້ອຍແລະຍັງເປັນຕົວເລກທີ່ສໍາຄັນ.

ທີ່ຕ້ອງຈັບຕາເບີ່ງ ນໍເວ ​ມີ​ຈຸດ​ແຂງ​ທີ່​ເປັນ​ມິດ​ກັບ​ສິ່ງ​ແວດ​ລ້ອມ. ກະແສໄຟຟ້າຈຳນວນໜ້ອຍແມ່ນຜະລິດໂດຍໃຊ້ພະລັງງານລົມ, ໃນຂະນະທີ່ 88% ແມ່ນມາຈາກພະລັງງານນ້ຳຕົກ ເນື່ອງຈາກສະພາບອາກາດຊຸ່ມ ແລະ ພູມມີປະເທດເປັນພູເຂົາ

ບໍ່ດົນມານີ້, ບໍລິສັດຂຸດຄົ້ນ crypto ທ້ອງຖິ່ນ Kryptovault AS ໄດ້ສັນຍາວ່າ: ຈະຍົກຍ້າຍຖານປະຕິບັດງານຂອງຕົນໄປທາງທິດເຫນືອຂອງ ວົງມົນອາກຕິກ ເພາະມີແຫຼ່ງນ້ຳຂະໜາດໃຫຍ່ຢູ່ໃນບໍລິເວນນັ້ນ. ເຊັ່ນດຽວກັນກັບຄູ່ແຂ່ງອື່ນໆໃນ ນໍເວ, ບໍລິສັດຂຸດຄົ້ນ Bitcoin ເກືອບທັງໝົດໃຊ້ພະລັງງານທົດແທນ (98% ແມ່ນມາຈາກພະລັງງານນ້ຳ).

ທີ່ມາ: https://cutt.ly/NBxpBnx

** ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.