ເຊື່ອວ່າຫຼາຍຄົນທີ່ຢູ່ໃນວົງການ ຄຣິບໂຕ ຄືສິເຄິຍໄດ້ຍິນຊື່ຂອງຊາຍທີ່ຊື່ວ່າ ໄມເຊວ ເຊເລີ (Michael Saylor) ຜູ້ບໍລິຫານຂອງບໍລິສັດ MicroStrategy ທີ່ເປັນແຟນພັນແທ້ຂອງ Bitcoin ເຊິ່ງຊື້ ແລະ ຖື Bitcoin ໄວ້ເປັນຈໍານວນຫຼາຍ ທ່າມກາງນັກລົງທຶນທີ່ໝົດຫວັງກັບຕະຫຼາດ ຄຣິບໂຕ ແຕ່ Saylor ກັບມີຄວາມເຊື່ອໝັ້ນໃນຕົວ Bitcoin ຢ່າງໜັກແໜ້ນ ມື້ນີ້ເຮົາຈະພາໄປເບິ່ງກັນວ່າ ໄມເຊວ ເຊເລີ ເບິ່ງພາບໃນອະນາຄົດຂອງ Bitcoin ໄວ້ແນວໃດ ແລະ ເປັນຫຍັງ ລາວຈຶ່ງເຊື້ອໝັ້ນໃນ Bitcoin ຫຼາຍປານນີ້.

ໄມເຊວ ເຊເລີ ເປັນ ຜູ້ບໍລິຫານ ຂອງ ບໍລິສັດ MicroStrategy. ເຊິ່ງເຮັດທຸລະກິດດ້ານຊອບແວ, AI ແລະ ຂໍ້ມູນສໍາລັບການວິເຄາະທຸລະກິດເປັນຫຼັກ.  ເຊເລີ ມັກຈະຖືກສໍາພາດກ່ຽວກັບທັດສະນະຂອງລາວກ່ຽວກັບ Bitcoin. ເນື່ອງຈາກວ່າລາວເປັນຄົນທີ່ຖືກເອີ້ນວ່າເປັນສະສົມ Bitcoin ທີ່ຫລາຍທີ່ສຸດ, ໂດຍບໍລິສັດ MicroStrategy ຍັງໄດ້ສືບຕໍ່ສະສົມ Bitcoin ແລະຖືຄອງຢູ່ປະມານ 130,000 Bitcoin.

        ເຊເລີ ມີຄວາມຫມັ້ນໃຈ ແລະ ຄາດວ່າ Bitcoin ຈະບັນລຸ 1 ລ້ານໂດລາໃນອະນາຄົດ, ໂດຍ ເຊເລີ ກ່າວວ່າ: “ຄວາມຜັນຜວນໃນໄລຍະສັ້ນຂອງ Bitcoin ບໍ່ແມ່ນເລື່ອງທີ່ຕ້ອງກັງວົນ. ເພາະໃນໄລຍະຍາວ ມູນຄ່າຂອງມັນຈະດີດຕົວກັບຂຶ້ນມາຢູ່ສະເໝີ.”

ໃນມຸມມອງຂອງ ເຊເລີ ຈັກກະວານ ຄຣິບໂຕ ຈະປະກອບດ້ວຍ “ຜູ້ທີ່ປະຕິເສດມັນ”; “ຜູ້ທີ່ບໍ່ແນ່ໃຈໃນເລື່ອງນີ້” ແລະ “ຜູ້ສະໜັບສະໜູນມັນ” ໂດຍ 2 ກຸ່ມທຳອິດນັ້ນເຊື່ອວ່າຊັບສິນນີ້ບໍ່ມີຢູ່ແທ້ ມັນກໍຈະຖືກຫ້າມໂດຍລັດຖະບານໃນອະນາຄົດ, ແລະ ເຊເລີ ເຊື່ອວ່າສອງກຸ່ມທໍາອິດແມ່ນຄິດຜິດ. ເນື່ອງຈາກວ່າແທນທີ່ມູນຄ່າຂອງ Bitcoin ຈະລົດລົງເປັນສູນ. ແຕ່ມັນຈະມີມູນຄ່າຕີກັບຂຶ້ນມາເຖິງ 1 ລ້ານໂດລາ.

        ເຊເລີ ເຄີຍໃຫ້ສຳພາດກັບສຳນັກຂ່າວ The Block ວ່າ: “Bitcoin ແມ່ນສິ່ງທີ່ຍືນຍົງທີ່ສຸດທ່າມກາງຂອງໂລກທີ່ບໍ່ມີຄວາມແນ່ນອນ ແລະ ມັນຢືນຍົົງກວ່າ ຄຣິບໂຕ ຫຼຽນອື່ນໆກວ່າ 19,000 ຫຼຽນ ແລະ ຍັງຢືນຍົງກວ່າທີ່ມີຄວາມຍືນຍົງກວ່າ ຫຸ້ນ ຫຼື ການຄອບຄອງສິນຊັບໃດໆ ໃນໂລກ”.

ເຊເລີກ່າວຕື່ມອີກວ່າ: “ໃນຕະຫຼາດທີ່ວຸ້ນວາຍ ແລະ ຄວາມບ້າຂອງຄົນ ທີ່ຕ້ອງການພື້ນທີ່ຕ້ອງການພື້ນທີ່ທີ່ປອດໄພເພື່ອຢູ່ຫ່າງຈາກການແຊກແຊງຂອງລັດຖະບານ, ອົງກອນ ຫຼື ບໍລິສັດ.ເຊິ່ງ Bitcoin ເຮັດຫນ້າທີ່ເປັນຕົວແທນຂອງເຄືອຂ່າຍທີ່ຍຸດຕິທໍາ, ເປີດກວ້າງ ແລະ ສະເໝີພາບ ດ້ວຍພາລະກິດອັນແສນງ່າຍດາຍກໍຄື ເພື່ອຊ່ວຍໃຫ້ທຸກຄົນສາມາດເຂົ້າມາເປັນສ່ວນໜຶ່ງຂອງລະບົບໄດ້. ດັ່ງນັ້ນສິ່ງໃດກໍ່ຕາມທີ່ເຈົ້າເປັນເຈົ້າຂອງ ກໍຕ້ອງເປັນຂອງເຈົ້າ ແລະບໍ່ມີໃຜສາມາດມາເອົາມັນໄປຈາກເຈົ້າໄດ້”.

5 ເຫດຜົນທີ່ ເຊເລີ ເຊື່ອໝັ້ນໃນ Bitcoin

1. ເຄືອຂ່າຍຂອງມັນໄດ້ມີການພັດທະນາຫຼາຍຂຶ້ນ, ມີການນຳໃຊ້ຫຼາຍຂຶ້ນ ແລະ ມີການສ້າງກົດ ອີກທັງເຄືອຂ່າຍ Lightning ເຮັດໃຫ້ພວກເຮົາໃກ້ຊິດກັບຄວາມປາຖະໜາຂອງ Satoshi (ຜູ້ທີ່ໃຫ້ກຳເນີດ Bitcoin) ເພື່ອເຮັດໃຫ້ທຸກຄົນສາມາດຊື້ຂາຍໄດ້ຢ່າງວ່ອງໄວ, ຍຸດຕິທໍາແລະເທົ່າທຽມກັນ.
2. Bitcoin ມີເອກະລັກສະເພາະຕົວ ທີ່ບໍ່ຄືກັບໃຜ ແລະໄດ້ຮັບການຍອມຮັບຈາກຄົນທົ່ວໂລກວ່າໃຫ້ເປັນເງິນດິຈິຕອນ.
3. ໃນອະນາຄົດ ຈະມີບໍລິສັດຈໍານວນຫຼາຍຈາກທົ່ວໂລກທີ່ຈະຕ້ອງການໃຊ້ Bitcoin ເພື່ອເຊື່ອມຕໍ່ກັບເສດຖະກິດຮູບແບບໃໝ່ຂອງໂລກ ທີ່ຈະເກີດຂຶ້ນໃນອະນາຄົດ.
4. Bitcoin ສາມາດຖືກເຄື່ອນຍ້າຍໄປໄດ້ທຸກບ່ອນຂອງໂລກ ແລະ ມັນໃຊ້ເວລາພຽງໜ້ອຍ
5. ດຽວBitcoin ແມ່ນອະນາຄົດຂອງເງິນ ເຊເລີ ຄິດວ່າ Lightning (ເຄືອຂ່າຍທີ່ປັບໃຊ້ກັບ Bitcoin ເພື່ອເພີ່ມຄວາມໄວໃນການເຮັດທຸລະກໍາຂອງ Bitcoim) ແມ່ນອະນາຄົດຂອງການຊຳລະເງິນ. ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

Follow our channels for more updates:

Website: www.bitqik.com
bitqik Suport :  https://support.bitqik.com/
bitqik Insight: https://insight.bitqik.com/
Facebook: https://www.facebook.com/bitqik/
Tiktok: https://vt.tiktok.com/ZSdT86ut3/
Youtube :ps:/www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial
Facebook Academy: https://www.facebook.com/profile.php?id=100086347500753

bitqik #bitcoin #cryptocurrency#Laos