ນັບຕັ້ງແຕ່ Bitcoin ໄດ້ເຮັດ All-Time High ໃນເດືອນພະຈິກ 2021 ລາຄາຢູ່ທີ່ປະມານ 68,000 ໂດລາ, ຕໍ່ມາຕະຫຼາດ crypto ກໍໄດ້ປະສົບກັບການແກ້ໄຂປັບຖານລາຄາຢ່າງຮຸນເເຮງ, ປັດຈຸບັນລາຄາ Bitcoin ຊື້ຂາຍຢູ່ທີ່ປະມານ 30,000 ໂດລາ ໃນຂະນະທີ່ນັກລົງທຶນຍັງຄົງກັງວົນກ່ຽວກັບລາຄາທີ່ອາດຈະສືບຕໍ່ຫຼຸດລົງໄປອີກ.

ໃນສະຖານະການຕະຫຼາດ crypto ທີ່ມີການຫຼຸດລົງຮຸນແຮງເເບບນີ້, ເຮົາກໍໄດ້ລວບລວມ Mindset ທີ່ໜ້າສົນໃຈສໍາລັບນັກລົງທຶນເພື່ອຮັບມືຈັດການກັບສະຖານະການ “ແດງທົ່ວກະດານ” ມາເເບ່ງປັນກັນຕາມຂໍ້ມູນຂ້າງລຸ່ມນີ້ໄດ້ເລີຍ

1. ກັບມາວິເຄາະການລົງທຶນຂອງຕົນເອງ.

ຊ່ວງຂາລົງຖືເປັນໂອກາດທີ່ດີເພື່ອຈະທົບທວນເເຜນການລົງທືນຂອງຕົວເອງ ທຳຄວາມເຂົ້າໃຈໂຄງການທີ່ເຮົາລົງທຶນ ຫຼືອາດຈະໃຊ້ເວລານີ້ເພື່ອເລືອກຫຼຽນ. ເພາະຕະຫຼາດຂາຂຶ້ນ ເຮົາອາດຈະບໍ່ສາມາດເຫັນໄດ້ວ່າຫຼຽນໃດມີສັກກະຍາພາບດີເນື່ອງຈາກທຸກຫຼຽນລາຄາເພີ່ມຂຶ້ນໝົດ. ດັ່ງທີ່ John F. Kennedy ກ່າວໄວ້ວ່າ “A Rising Tide Lifts All Boats” ຫຼື “ເມື່ອນໍ້າຂື້ນ ເຮືອທຸກລຳຈະລອຍ(ແມ່ນແຕ່ເຮືອທີ່ມີຮູຮົ່ວ)”

2. ພະຍາຍາມສຳຮອງເງິນສົດໄວ້.

ຫຼາຍຄົນເຄີຍປະສົບກັບສະຖານະການ “ລູກປືນໝົດ” ຫຼືບໍ່ມີເງີນຄັງສຳຮອງເພື່ອລົງທຶນ. ໃນສະພາວະຂາລົງນັ້ນ ເງີນສຳຮອງເປັນສິ່ງຈໍາເປັນເພາະວ່າພວກເຮົາບໍ່ຮູ້ວ່າລາຄາຕໍ່າສຸດຂອງແຕ່ລະຫຼຽນແມ່ນຢູ່ໃສຫຼືເມື່ອໃດທີ່ຕະຫຼາດຈະກັບຄືນສູ່ແນວໂນ້ມຂາຂຶ້ນ? ດັ່ງນັ້ນ, ການທີ່ພວກເຮົາມີເງີນຄັງສໍາຮອງໄວ້ເພື່ອລົງທຶນໃນທຸກຄັ້ງທີ່ລາຄາຫຼຸດລົງຢ່າງຮຸນແຮງ ຍ່ອມຮູ້ສຶກດີກ່ວາເຮັດໄດ້ເເຕ່ນັ່ງເບິ່ງລາຄາ.

3. ການລົງທຶນເເບບ DCA (Dollar-Cost Average)

ການຕັດສິນໃຈທີ່ຈະລົງເງິນຈຳນວນຫຼາຍໄປລົງທຶນໃນຄັ້ງດຽວອາດຈະບໍ່ເປັນຄວາມຄິດທີ່ດີໃນຕະຫຼາດ crypto. ເນື່ອງຈາກວ່າທ່ານອາດຈະສູນເສຍເງີນຈໍານວນນັ້ນໄປຫຼືຢ່າງຫນ້ອຍການລົງທຶນນີ້ອາດຈະບໍ່ໄດ້ເປັນດັ່ງສິ່ງທີ່ໃຈຫວັງ, DCA ຈຶ່ງເປັນທາງເລືອກທີ່ດີໃນການລົງທຶນໃນຕະຫຼາດຂາລົງ “ຄ່າໃຊ້ຈ່າຍສະເລ່ຍ”

ເຊິ່ງຜູ້ລົງທຶນຈະກໍານົດການລົງທຶນເປັນງວດ ໂດຍເເບ່ງເເຕ່ລະງວດເປັນເງີນເທົ່າໆກັນ ເຊັ່ນ: ຊື້ Bitcoin ມູນຄ່າ 1,000 ໂດລາ ທຸກໆວັນເສົາສຸດທ້າຍຂອງເດືອນ. ເຊິ່ງມີໂອກາດຂາດທຶນໄດ້ໜ້ອຍກວ່າ ອີກທັງຍັງເປັນການລົງທືນເເບບອັດຕະໂນມັດທີ່ຕັດເລື່ອງອາລົມແລະຄວາມຮູ້ສຶກອອກໄປ, ເຮົາຈຶ່ງບໍ່ຕ້ອງມານັ່ງລຸ້ນກັບການຂຶ້ນລົງຂອງລາຄາ ແລະ ຍັງຊ່ວຍໃຫ້ພວກເຮົາມີລະບຽບວິໄນໃນການລົງທຶນຫຼາຍຂຶ້ນ.

4. ເຊົາສົນໃຈ ແລ້ວໄປເຮັດອັນອື່ນ.

ຖ້າທ່ານປະຕິບັດຕາມ 3 ຂັ້ນຕອນຂ້າງເທິງນີ້ແລະຍັງມີຄວາມຮູ້ກະວົນກະວາຍບໍ່ສະບາຍໃຈ, ນອນບໍ່ຫຼັບຈາກລາຄາ crypto ບໍ່ວ່າຂ້ອຍຊື້ມັນຫຼາຍປານໃດກໍມີເເຕ່ຫຼຸດລົງ ເຮົາຂໍແນະນໍາ Mindset ສຸດທ້າຍເພື່ອຈັດການກັບສະຖານະການຕະຫຼາດ crypto ຂາລົງນັ້ນກໍຄື! ປິດກ໊າຟ, ປິດໂທລະສັບຫຼືໃຜທີ່ໃຜທີ່ມືໄວອົດໃຈບໍ່ໄຫວ ກໍລົບເເອັບເທຣດນັ້ນຊະ! ເພາະວ່າຊີວິດບໍ່ໄດ້ມີພຽງແຕ່ເປັນການລົງທຶນຢ່າງດຽວ ອອກໄປຫາປະສົບການໃໝ່ໆ, ພົບປະກັບຜູ້ຄົນ, ໃສ່ໃຈກັບຄວາມສຸກເລັກນ້ອຍທີ່ຢູ່ອ້ອມຮອບ ເພື່ອໃຫ້ລືມວ່າພວກເຮົາກໍາລັງລົງທຶນໃນ crypto ເເລ້ວຈຶ່ງຄ່ອຍກັບຄືນມາໃຫ້ຄວາມສົນໃຈອີກຄັ້ງຫຼັງຈາກຜ່ານພົ້ນ “ຕະຫຼາດຫມີ”

ທີ່ມາ : https://cutt.ly/sNMnKIa

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain