ໃນປະຈຸບັນໄດ້ມີການເຮັດທຸລະກຳອອນໄລນ໌ເພີ່ມຂຶ້ນຫຼາຍ, ເຮັດໃຫ້ການຮູ້ຈັກລູກຄ້າເປັນສິ່ງສຳຄັນຢ່າງຍິ່ງ, ໃນການເຮັດ KYC ຖືເປັນເລື່ອງສຳຄັນທີ່ຜູ້ໃຊ້ງານບັນຊີເເລກປ່ຽນສະກຸນເງິນດິຈິຕັລຈຳເປັນຕ້ອງຮູ້ເເລະຕ້ອງໄດ້ເຮັດເປັນສິ່ງທຳອິດກ່ອນຈະເຮັດທຸລະກຳ. ການເຮັດ KYC ຈະຊ່ວຍໃຫ້ທ່ານຮູ້ຈັກຕົວຕົນຂອງຜູ້ທີ່ເຮົາຈະຊື້ຂາຍໄດ້ດີຂຶ້ນເເລະມີຄວາມປອດໄພ ເພີ່ມຄວາມໝັ້ນໃຈໃນການເຮັດທຸລະກຳເເຕ່ລະຄັ້ງ.

KYC ເເມ່ນຫຍັງ?

KYC ຫຼື Know Your Customers ເເມ່ນການທີ່ໃຫ້ຜູ້ບໍລິການເຮັດຄວາມຮູ້ຈັກລູກຄ້າຜ່ານການລະບຸຕົວຕົນ (Identification) ເເລະຫຼັກຖານສະເເດງຕົວຕົນ (Verification) ຢ່າງຖຶືກຕ້ອງວ່ານີ້ເເມ່ນຕົວຈິງ.

• ຈຸດປະສົງຂອງ KYC ສ້າງຂຶ້ນເພື່ອ :

ເພື່ອເຮັດໃຫ້ທຸລະກິດສາມາດລະບຸລູກຄ້າແລະປະເມີນຄວາມສ່ຽງທີ່ກ່ຽວຂ້ອງກັບທຸລະກໍາລະຫວ່າງຮ້ານກັບລູກຄ້າ. ນີ້ຈະຊ່ວຍປ້ອງກັນບໍ່ການເເອບອ້າງຕົວຕົນ ການສໍ້ໂກງເຊັ່ນ : ການເປີດບັນຊີປອມ,ການເເອັບອ້າງເປັນບຸກຄົນນັ້ນໆ ຫຼືການເເອບອ້າງເຮັດບັດເຄດິດ, ການຟອກເງີນ ເເລະອື່ນໆ.

ມັນສາມາດລະບຸບຸກຄົນໃນລາຍຊື່ບັນຊີດຳ ຫຼືມີປະຫວັດຂອງ ການສໍ້ໂກງໃນລະຫວ່າງຂະບວນການປະຖົມນິເທດ ຂື້ນຢູ່ກັບອົງກອນແລະລັກສະນະຂອງການເຮັດທຸລະກໍາ, ບາງຂະບວນການ KYC ມີຄວາມເຂັ້ມງວດຫຼາຍກ່ວາຂະບວນການອື່ນໆ ຕົວຢ່າງ: ມາດຕະຖານ KYC ທຸລະກິດການຂົນສົ່ງ ຈະບໍ່ເຂັ້ມງວດເທົ່າກັບມາດຕະຖານທະນາຄານ, ຍ້ອນວ່າພວກເຂົາປະເຊີນກັບຄວາມສ່ຽງທີ່ຫຼຸດລົງໃນເວລາເຮັດທຸລະກໍາກັບລູກຄ້າ.

• ວິທີການເຮັດ KYC ຍາກບໍ

ຄວາມຍາກງ່າຍໃນການເຮັດ KYC ຂື້ນກັບບໍລິການທີ່ເຮົາເລືອກໃຊ້ເປັນຫຼັກ ຖ້າເປັນການສະໝັກຈຳພວກສື່ສັງຄົມຫຼືຕິດຕາມຂ່າວສານຕ່າງໆກໍຈະງ່າຍ ໂດຍອາດຈະໃຊ້ພຽງອີເມວ ຫຼືເບີໂທໃນການຍືນຍັນ, ເເຕ່ຖ້າເປັນການເຮັດທຸລະກຳອື່ນໆທີ່ມີເງິນເຂົ້າມາກ່ຽວຂ້ອງ ກໍຈະຕ້ອງໄດ້ຍົກລະດັບຄວາມປອດໄພຂອງຜູ້ຊົມໃຊ້ ຊຶ່ງໃນການສະໝັກ KYC ຈຳເປັນຈະຕ້ອງໄດ້ໃຊ້ບັດປະຈຳຕົວ, ພາສປອດ ຫຼືເອກະສານສຳຄັນອື່ນໆເພື່ອໃຫ້ຜູ້ບໍລິການສາມາດກວດສອບປະຫວັດຜູ້ໃຊ້ບໍ່ໄດ້ມີປະຫວັດຄະດີສໍ້ໂກງ…

• KYC ມີຄວາມສຳຄັນເເນວໃດ?
• ປ້ອງກັນ/ຈຳກັດການສໍ້ໂກງທີ່ເກີດຈາກການປອມຕົວ ຫຼືໄພຈາກລະບົບອອນໄລນ໌.
• ປ້ອງກັນການຟອກເງິນ
• ຊ່ວຍໃຫ້ຜູ້ໃຫ້ກູ້ດໍາເນີນການປະເມີນຄວາມສ່ຽງທີ່ພຽງພໍກັບລູກຄ້າຂອງພວກເຂົາ ໂດຍການລະບຸປະຫວັດທາງດ້ານການເງິນ ແລະຊັບສິນທີ່ເປັນເຈົ້າຂອງ.
• ສ້າງຄວາມໜ້າເຊື່ອຖືລະຫວ່າງລູກຄ້າ ແລະອົງກອນ. ສະ​ນັ້ນ ຈຶ່ງດຶງ​ດູດ​ໃນການ​ລົງ​ທຶນໄປຕ່າງປະ​ເທດ​ຕ່າງໆ​​ຫລາຍ​ຂຶ້ນ
• ປົກປ້ອງບັນຊີລູກຄ້າຈາກການເຂົ້າເຖິງບຸກຄົນທີ 3 ທີ່ໂດຍບໍ່ໄດ້ຮັບອະນຸຍາດ.
• ອາຊະຍາກໍາທາງດ້ານການເງິນໜ້ອຍລົງນໍາໄປສູ່ການເຕີບໂຕຂອງທຸລະກິດໂດຍລວມ.

ທີ່ມາ : https://cutt.ly/KMEKT9m

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain